ايوه يامعالى الباشا هوما الاتنين راكبين باذن الله
عرض للطباعة
ايوه يامعالى الباشا هوما الاتنين راكبين باذن الله
زى ما قلتلك يا هيثم دى مقاومات السرعات بتاعه المراوح .. الاتنين فيهم مشكله كده
اوك خلينا نمشى وحدة وحدة مع بعض ركز معايا جدا فى اللى جاى مهم جدا وذلك بعد البحث والتمحيص فى كل المواقع العربية والاجنبية والكتالوجات تبين الاتى :
السويتش الرصاص الجى ام الاصلى واسمه ورقمه TFS166 اختصار thermo fan switch ودة درجات حرارته 100 الى 95 و105الى 100 يعنى بيشغل المروحتين عند 90 ويفصلهم عند 85 سرعة اولى [ الدرجات دى على عداد الحرارة ] او فى حالة تشغيل التكييف ووصول ضغط الفريون الى اعلى من 1200 kPa ويفصلو لما يقل عن 900 kPa ودة عن طريق حساس الفريون ايهما اقرب طبعا هيشغل المراوح يا درجة حرارة الريداتير يا اما ضغط الفريون عند تشغيل التكييف ودة عن طريق توصيل المروحتين على التوالى فبيكونوا ابطأ من التوصيل على التوازى بكدة تبقى سرعة اولى
وبعدين هيشغل المروحتين عند 95 ويفصلهم عند 90 سرعة تانية [ الدرجات دى على عداد الحرارة ] او فى حالة تشغيل التكييف ووصول ضغط الفريون الى اعلى من 1700 kPa ويفصلو لما يقل عن 1400 kPA ايهما اقرب طبعا هيشغل المراوح يا درجة حرارة الريداتير يا اما ضغط الفريون عند تشغيل التكييف ودة عن طريق توصيل المروحتين على التوازى عن طريق مقاومات المروحتين فبتبقى اقوى شوية فكدة تبقى سرعة تانية ماشى كدة ولا تهت منى :shine[1]:
السويتش الازرق الجى ام الاصلى واسمه ورقمه TFS167 اختصار thermo fan switcuh ودة درجات حرارته 110 الى 105 و120 الى 115 يعنى بيشغل المروحتين عند 100 ويفصلهم عند 95 ودى السرعة الرابعة فى حالة عدم تشغيل التكييف بتتلغى تماما السرعة الثالثة اما فى حالة تشغيل التكييف فبتشتغل السرعة الثالثة:worried: وهى عن طريق توصيل مروحة التكييف مباشرا بالبطارية ودى اقصى سرعة لمروحة التكييف وكدة ذادت السرعة وتظل مروحة الريدتير شغالة زى ما هى على السرعة التانية عن طريق المقاومة بتعتها كدة بقت السرعة الثالثة ملحوظة مهمة هذة السرعة لا تعمل نهائيا بدون تشغيل التكييف لان فى الطبيعى وبدود تكييف درجة الحرارة لا يمكن ابدا انها تتعدى ال 95 على العداد وبالتالى فهى معمولة فقط امان عنما يعطل السويتش الرصاصى اللى درجة حرارته لاتتعدى السرعة التانية اللى هى 95 ففقط عند تشغيل التكييف ووصول ضغط الفريون الى اكثر من 2100 kPa تعمل السرعة الثالثة وتفصل عندما يقل ضغط الفريون عن 1800 kPa ملحوظة السويتش الازرق هو كمان 3 طرف زى الرصاصى بس الفرق بينهم ان التركيب الداخلى للرصاصى من الداخل للسرعتين مفتوحين اما الازرق ففى واحدة مفتوحة ووحدة مغلقة ودة تفسير عدم تشغيل السرعة الثالثة فى عدم تشغيل التكييف
اما عن السرعة الرابعة ..... مفاجأة مش كدة :shine[1]:
شوف يا سيدى السرعة الرابعة وهى يتحكم فيها السويتش الازرق وايضا حساس ضغط الفريون
فبدون تكييف عند درجة حرارة 110بتشتغل السرعة الرابعة وتفصل عند 105وهى عن طريق توصيل مروحة التكييف ومروحة الريداتير مباشرا بالبطارية عل التوازى ودى اقصى سرعة للمروحتين اما فى حالة تشغيل التكييف فعندما يزيد ضغط الفريون عن 3000kPa تعمل المراوح باقصى سرعتها لانها متصلة بالبطارية مباشرا وعلى التوازى كمان فدى اقصى سرعة ممكنة ففى الحالة دى درجة الحرارة ممكن توصل الى 105 واكتر كمان على العداد فيستمر سويتش المراح فى تشغيل المراوح على السرعة الرابعة حتى تصل درجة الحرارة ال95 او يقل ضغط الفريون الى اقل من 2300kPa ايهما اقرب الحرارة او الضغط
كل منظومة التوصيل دى اللى بينظمها هو فيوزات وكتاوتات المراوح
اخيرا خلصت وخلصت والدنيا صيام
دى صورة بتوضح كيفية عمل المراوح عن طريق ترموستات المراوح و حساس الفريون
http://nileup.com/up/uploads/nilemotors_14043256931.png
يا رب اكون قد قدمت معلومة مفيدة
واى سؤال انا تحت امركم
بسم الله ما شاء الله عليك يا أيمن وعلى المعلومات دى ... بصراحه هى مكانها موضوع لوحده وتبقى مشكور جدا لو عملت موضوع عن دايره المراوح والسويتشات بتاعتها
تحياتى
بعد إذنك عاوز أضيف حاجه
فى مشكله هيثم بعد ما فصلنا فيشه المراوح أصبحت كده المراوح بعيده خالص عن السويتشات بتاعتها وفصلت خالص عن ضفيره العربيه ( يعنى كأنك بتجرب مروحه استيراد على الأرض )
يعنى كده المراوح منها للبطاريه على ما اعتقد ... ولا كلامى غلط ؟!!
لو كلامى مظبوط يبقى المفروض أما نثبت الأرضى ونبدل الكهربا على سلك السرعتين يبقى المروحتين يشتغلوا سرعه أولى وسرعه تانيه مع بعض
وطالما ما حصلش كده لما هيثم جرب يبقى العيب كده فى المراوح وخاصه فى مقاومات السرعات بتاعه المروحتين
وفى انتظار تعقيب حضراتكو
تحياتى
العلام حلو مفيش كلام :shine[1]: وجزاك الله خيرا
انا كان عندي نفس المشكلة واتحلت بشكل كبير لما غيرت ضفيرة استيراد كاملة بالكتاوت بتاعتها ورادياتير والسويتش الرصاصي.. بس موصلتش للايديال بتاع الموضوع اللي حضرتك كاتبه .. الحرارة من غير تكييف مش بتزيد عن 92 والحمد لله .. اما بالتكييف بنوصل لل 95 عموما انا شاكك في حساس المراوح اللي راكب في شجرة التكييف علشان مش بيدي قراية عل تيك2 فهل ده مؤشر لتلفه .. انا لسه مركبه من عند واحد بتاع تكييفات اوبل شغال في التوكيل وقاللي ده صناعة تايلاندي ب260 بالتركيب .. وكلمته وعرفته ان انا شاكك في موضوع الحساس ده علشان مش بيدي قراية قاللي تعالي واغيرهولك .. ايه رأيك ؟؟
قبل اى حاجة لازم مراجعة ال 6 كتاوت بتوع المراوح اللى راء البطارية وال 4 فيوزات بتوعهم اللى جنب البطارية زى اللى فى الصور دى العلبتين السوداء ودى منظومة التبريد والتكييف بتاع الفيكترا
http://nileup.com/up/uploads/nilemotors_14043882231.jpg
http://nileup.com/up/uploads/nilemotors_14043882891.jpghttp://nileup.com/up/uploads/nilemotors_14043884681.jpg
عند هيثم احتمال كبير مقاومة مروحة الريداتير فقط باظت وعايزة تتغير
تحياتى
مفيش حاجة اسمها المثالية فى منظومة التبريد والتكييف لازم فى اختلاف دائما حسب ظروف التشغيل درجة حرارة الجو مدة تشغيل التكييف سرعة السيارة القيادة جوة البلد ولا برة علشان كدة متركب سويشات درجة حرارتها من 85 الى 110 الارقام دى على الداش بورد وكمان حساس ضغط الفريون من 900kPa الى 3000kPa والكتلة الاخيرة دى اعلى ضغط فريون فى الدورة وبتكون عندها درجة الحرارة مرتفعة جدا ممكن تصل ال 105 على عداد الحرارة ومتنساش ان ضغط الفريون بيتناسب طردى مع درجة الحرارة كلما زاد الضغط كلما زادت درجة الحرارة والعكس صحيح
عموما لو منظومة التبريد والتكييف سليمة معظم الوقت الحرارة لاتتعدى ال 95 مع التكييف ودى الطبيعى وممكن تقل كمان فى ظروف التشغيل العادية ولو زادت الحرارة عن كدة بتبقى وقتية لثوانى معدودة وتنزل تانى
بالنسبة لحساس ضغط الفريون عندك الاول راجع على ال6 كتاوت المراوح وفيوزتهم فى العلب السودا
وبعدين شوف فى قراية ولا لا على التيك 2 لو فيه يبقى كتاوت مفيش يبقى بايظ
وبعدين الراجل اللى بتاع تكييفات اوبل وشغال في التوكيل دة روح له خليه يغير لك حساس الفريون ويظبط لك الدنيا
تحياتى