من فتره كده اشتكيت من ان المراوح عندى بتهيس بطريقه مش طبيعيه خالص وشرحت الموضوع كذا مره وبرضه محدش رد عليا بحل قاطع وجذرى ....

المشكله كالاتى :-

١- عند تشغيل السياره فى الوضع الطبيعى وبدون تكييف الحمد لله المروحتين بتشتغل عند ٨٢ وترجع ل ٨٠ وهكذا والحمد لله تمام .

٢- عند تشغيل التكييف ودرجه الحراره ٨٠ بتشتغل المروحتين سرعه أولى لحد ٨٧ تقوم المروحه اللى جوه ( مروحه الردادتير ) تقف خالص عن العمل .. والمروحه اللى قدام الرداتير شغاله تمام مظبوط طبعا تقوم الحراره رافعه لحد ٩٢ ويشتغلوا المروحتين سرعه تانيه وترجع تانى تبرد ل ٨٧ وتقف تانى المروحه اللى جوه وبرضه اللى قدام شغاله زى الفل وهكذا طول ما التكييف شغال ... وطبعا ده بياثر على اداء التكييف وخصوصا فى الحر

٣- طاب نفرض بقى ان انا بطلت التكييف والعربيه سخنه عند ٩٠ مثلا ..... المروحتين يشتغلوا سرعه تانيه بس لحد ٨٧ وشويه وتسخن ٩٠ وتشتغل سرعه تانيه لحد ٨٧ وهكذااااااا

٤- ودى الاخيرة الكمبروسر عندى مابيفصلش ليه ...؟؟؟ شغال عالطول ومش عارف ليه ؟؟؟

٥- كمان وانا ماشى براحه بالعربيه بيبقى التكييف زى الفل انما لو ماشى على rpm اكثر من ٤ مثلا التبريد يقل مش عارف ليه ؟؟؟ المواضيع دى كلها مزهقانى جدا جدا جدا ... أرجو الإفادة من الأعضاء الكرام

ملحوظه ( انا فكيت فيشه الثرموثتات وجبت سلكه وهوما ٣ أطراف واحد فى النص لتحت و٢ فوق ع الجناب ... ولمست اللى تحت مع الطرف اليمين اشتغلت المراوح سرعه أولى .... ولمست اللى تحت مع الطرف الشمال مافيش حاجه اشتغلت ....؟؟؟؟ وآسف جدا للاطاله وأرجو الإفادة .... أرجو التمعن فى الموضوع وقرأت جميع أطراف المشكله بتمعن وشكراااا