يا ريت الناس تاخد بالها بعد كده من النصابين دول
عرض للطباعة
يا ريت الناس تاخد بالها بعد كده من النصابين دول
و الله انا برضه منصوب عليا من محل الكاوتش ده
الغريب ان القسم عارف ان المحل ده نصاب و مش عايزين يقفلوه
يا تري هل فيه اجراء قانوني متبع مع التاس دول ؟
معالى الباشا اول حاجه كل سنه وانت طيب
وانا من زمان بحذر من بتوع الكاوتش لأنهم فى نظرى عصابه واكتر مهنه فيها نصب وسرقه
ولازم تكون عينيك فى وسط راسك عشان الاشتغالات
وتقبل مرورى
نصيحه
احمد ربنا علي الفلوس اللي خدتها
واوعي ..اوعي… اوعي تهوب هناك تاني علشان تاخد باقي الفلوس
اكيد حصلت مشكله كبيره بسبب النصب عليك ..واللي اكيد فيها حد اتأذي جامد لان المبلغ كبير… ومتعرفش ممكن يكون ايه رد فعله
انا نصتحك كاخ كبير وانت حر
فعلا انا من رايي متروحش تاني واستعوض ربنا بس امانة عليك توعي اي واحد تعرفه انوالمحل ده نصاب وخلي بالك انت طبعا مش اول واحد انا واحد صاحبي حصل معاه نفس القصة بالظبط واتنصب عليه في 160 جنيه تقريبا ودمرلو فردة كاوتش لسه جديدة.
اه وصاحبي اتنصب عليه من نفس المحل ده فا دول محتاجين ربنا يسلط عليهم عيال تدمرلهم المحل علشان يتعظوا
عايزين نعمل فرقه انقاذ تتكون من كام عضو من الجامدين دول ونتصدى لاى حاجه زى كده
بس سيبك انت راجل بطل
انا عشان اريح دماغى من الافرم دى اشتريت كمبروسر اللى على البطاريه على طول وبصراحه رحمنى عشرات المرات من الحوارات دى لو لفرده نامت او اتخرمت انزل انفخها وامشى وخصوصا انى ساكن فى منطقه زفت خالص وساعات كتير انزل الاقى حد منيم الكاوتش بس للاسف اتسرق من العربيه تانى يوم رمضان وحسبى الله ونعم الوكيل
حصل معايا امبارح نفس الفكرة في ارض اللواء علي ش السودان الرئيسي ... قبل الفطار برضه
الكاوتش كان كويس كنت عاوز ازود بس لقيته بيفتح شغل وقالي انو عمل ٨ خوابير (طبعا اونطه) وكان عاوز ٢٠٠ جنيه .. في الاخر خد ١٥٠
جبت اصحابي وصاحب المحل مكانش موجود وبعت ناس ورجعلي ٥٠ من ال ١٥٠ سبتهم ومشيت
خلي بالكو من المحل ده .. بصوا هو المحل ال قبل مزلقان ارض اللوا وانت جاي من ميدان لبنان