عيوب ومميزات حدائق الاهرام

**abdelrahmaaan** · 02-07-2014 02:27 PM

لو سمحتم يا جماعة انا كنت ناوى اخد شقة فى حدائق الاهرام وعايز اعرف ايه مميزاتها وايه عيوبها وايه احسن منطقة ادور فيها واسعار الشقق ..وشكرا

**Terrible_DaRsH** · 02-07-2014 03:00 PM

سعر المتر هناك بيبدا من 1000 ل 2300 حسب المنطقة

كل ما تقرب من الضغط العالي "بتاع الكهرباء" سعر المتر بيرخص لان الضغط خطر

مميزاتها هادية وسعرها مناسب جدا

عيوبها ان مستقبلها مجهول يعني ممكن تقلب وتبوظ ثانيا الناس هناك بتبني مخالف كتير بالرغم من الازالات

ثالثا زحمة ميدان الرماية وشارع الهرم وفيصل .

**abdelrahmaaan** · 02-07-2014 04:28 PM

المشاركة الأصلية كتبت بواسطة terrible_darsh

سعر المتر هناك بيبدا من 1000 ل 2300 حسب المنطقة

كل ما تقرب من الضغط العالي "بتاع الكهرباء" سعر المتر بيرخص لان الضغط خطر

مميزاتها هادية وسعرها مناسب جدا

عيوبها ان مستقبلها مجهول يعني ممكن تقلب وتبوظ ثانيا الناس هناك بتبني مخالف كتير بالرغم من الازالات

ثالثا زحمة ميدان الرماية وشارع الهرم وفيصل .

طيب ايه المناطق اللى ممكن ادور فيها بعيدة عن الضغط العالى ..وايه معنى مستقبلها مجهول

**ahmed1981** · 02-07-2014 05:32 PM

الميزة الجديدة إنها على وشك الإلتحام ب 6 أكتوبر

ـ

**abdulkhaleq** · 02-07-2014 07:31 PM

والله فكرت فيها برضه
مشاكلها كالتالي
اول ما اقيمت كانت مشروع كمباوند مقفول لكن لكبر حجمها وعشوائية بلدنا قلبت طبعا
مفتحه من كل حته
تكاتك وميكروباصات واللي عايز يفتح اي حاجه في اي حته بيعملها
معظم (وليس كل) الشقق هناك عداد كهربا انشائي (عاشن معظم المباني مخالفه) ده غير موضوع البناء فوق الدور الرابع يعني
بقالهم فتره بيعانوا من موضوع المايه اللي كل شويه تقطع
في ناس ساكنه هناك بتحاول تغير الوضع وتنشر المخالفات بس طبعا السلبيه هي السمه الاكبر على مجتمعنا
في شوارع كتير بدأت تتسفلت مؤخرا
لو هتسكن هناك اوعى تاخد فوق الدور الرابع
ولو عايز تستزيد في جروبات عالفيس بوك بتاعتهم عاملينها يعني لعرض المشاكل وكده

**hitman235** · 02-07-2014 10:43 PM

المنطقه هناك واخده سمعة سيئة و عشوايئة التكاتك بوظتها انا لسه بايع شقتى هناك قبل ما اشطبها

**mk3** · 03-07-2014 01:15 AM

بما انى بحثت هناك وكنت على وشك الشراء
نبدأ نقول المميزات
سعر متر رخيص جدا جدا مقارنه بشارع الهرم.
قريبه من ش الهرم وفيصل و الدائرى ووسط البلد
المنطقه مشروع ممتاز لو اكتمل بناء السور وسد الثغرات واكتمال سفلته الشوارع ومنع التوكتوك (على وشك) ...شباب ورجال الحدايق شغالين تمام مع الحى فى الموضوع ده.
المحافظ كان هناك من كام اسبوع وده يبين مدى الاهتمام بالمكان 10 د من منطقه الاهرامات والمتحف المصرى الكبير وطبعا السعر هيزيد شويه اما المتحف يتفتح
سعر المتر هيزيد جدا جدا مجرد اما يفطه حفر المترو تتحط هناك مجرد اليفطه مش الافتتاح.
سعر المتر زاد الفتره اللى فاتت بسبب غلو الارض عامه.
نظام تقسيط ممتاز بتسهيلات كبيره جدا.
العيوب
المنطقه لها المستقبل مش الحاضر كاستثمار
لسه فى كتير شقق لم تباع لا ده فى اراضى متبنش لسه وده معناه ان البيع بطئ.
محلات تحت العمارات وده ناس بتعتبره عيب وناس بتعتبره ميزه
تكاتك اكتر من تكاتك امبابه
مخالفات كتير جدا الرخصه ب 4 ادوار
مفيش عدادات لكن هتتحل نص المشكله بالعدادات الكوديه اللى هتتركب فى مصر كلها.
الخلاصه
لو جاى من شارع عادى الحدايق تحفه.
لو ناوى على كمبوند منصحكش

**abdelrahmaaan** · 03-07-2014 02:22 AM

لا يا جماعة انا هصرف نظر عن المكان دا مادام فيه تكاتك وعشوائية

**canner** · 03-07-2014 10:35 AM

انا فكرت فيها فى وقت من الاوقات بس صرفت نظر بعد اللى سمعته عنها

**abdulkhaleq** · 06-07-2014 07:44 PM

طيب ياجماعه هل في بدائل مطروحه بأسعار قريبه ؟؟؟

الموضوع: عيوب ومميزات حدائق الاهرام

LinkBack

أدوات الموضوع

عرض

-

-

-

-

المواضيع المتشابهه

شقة حدائق الاهرام

حدائق الاهرام

حدائق الاهرام

حدائق الاهرام

عيوب ومميزات 307

الكلمات الدلالية لهذا الموضوع

المفضلات

المفضلات

ضوابط المشاركة