لو سمحتم يا جماعة انا كنت ناوى اخد شقة فى حدائق الاهرام وعايز اعرف ايه مميزاتها وايه عيوبها وايه احسن منطقة ادور فيها واسعار الشقق ..وشكرا
عرض للطباعة
لو سمحتم يا جماعة انا كنت ناوى اخد شقة فى حدائق الاهرام وعايز اعرف ايه مميزاتها وايه عيوبها وايه احسن منطقة ادور فيها واسعار الشقق ..وشكرا
سعر المتر هناك بيبدا من 1000 ل 2300 حسب المنطقة
كل ما تقرب من الضغط العالي "بتاع الكهرباء" سعر المتر بيرخص لان الضغط خطر
مميزاتها هادية وسعرها مناسب جدا
عيوبها ان مستقبلها مجهول يعني ممكن تقلب وتبوظ ثانيا الناس هناك بتبني مخالف كتير بالرغم من الازالات
ثالثا زحمة ميدان الرماية وشارع الهرم وفيصل .
الميزة الجديدة إنها على وشك الإلتحام ب 6 أكتوبر
ـ
والله فكرت فيها برضه
مشاكلها كالتالي
اول ما اقيمت كانت مشروع كمباوند مقفول لكن لكبر حجمها وعشوائية بلدنا قلبت طبعا
مفتحه من كل حته
تكاتك وميكروباصات واللي عايز يفتح اي حاجه في اي حته بيعملها
معظم (وليس كل) الشقق هناك عداد كهربا انشائي (عاشن معظم المباني مخالفه) ده غير موضوع البناء فوق الدور الرابع يعني
بقالهم فتره بيعانوا من موضوع المايه اللي كل شويه تقطع
في ناس ساكنه هناك بتحاول تغير الوضع وتنشر المخالفات بس طبعا السلبيه هي السمه الاكبر على مجتمعنا
في شوارع كتير بدأت تتسفلت مؤخرا
لو هتسكن هناك اوعى تاخد فوق الدور الرابع
ولو عايز تستزيد في جروبات عالفيس بوك بتاعتهم عاملينها يعني لعرض المشاكل وكده
المنطقه هناك واخده سمعة سيئة و عشوايئة التكاتك بوظتها انا لسه بايع شقتى هناك قبل ما اشطبها
بما انى بحثت هناك وكنت على وشك الشراء
نبدأ نقول المميزات
سعر متر رخيص جدا جدا مقارنه بشارع الهرم.
قريبه من ش الهرم وفيصل و الدائرى ووسط البلد
المنطقه مشروع ممتاز لو اكتمل بناء السور وسد الثغرات واكتمال سفلته الشوارع ومنع التوكتوك (على وشك) ...شباب ورجال الحدايق شغالين تمام مع الحى فى الموضوع ده.
المحافظ كان هناك من كام اسبوع وده يبين مدى الاهتمام بالمكان 10 د من منطقه الاهرامات والمتحف المصرى الكبير وطبعا السعر هيزيد شويه اما المتحف يتفتح
سعر المتر هيزيد جدا جدا مجرد اما يفطه حفر المترو تتحط هناك مجرد اليفطه مش الافتتاح.
سعر المتر زاد الفتره اللى فاتت بسبب غلو الارض عامه.
نظام تقسيط ممتاز بتسهيلات كبيره جدا.
العيوب
المنطقه لها المستقبل مش الحاضر كاستثمار
لسه فى كتير شقق لم تباع لا ده فى اراضى متبنش لسه وده معناه ان البيع بطئ.
محلات تحت العمارات وده ناس بتعتبره عيب وناس بتعتبره ميزه
تكاتك اكتر من تكاتك امبابه
مخالفات كتير جدا الرخصه ب 4 ادوار
مفيش عدادات لكن هتتحل نص المشكله بالعدادات الكوديه اللى هتتركب فى مصر كلها.
الخلاصه
لو جاى من شارع عادى الحدايق تحفه.
لو ناوى على كمبوند منصحكش
لا يا جماعة انا هصرف نظر عن المكان دا مادام فيه تكاتك وعشوائية
انا فكرت فيها فى وقت من الاوقات بس صرفت نظر بعد اللى سمعته عنها
طيب ياجماعه هل في بدائل مطروحه بأسعار قريبه ؟؟؟
العندو شقه فى حدايق الاهرام يصبر عليها
اولا الحدايق نسبه الاراضى الفاضيه فيها اقل من ٢٪ يعنى مش هيحصل فيها حاجه تانى و بعد انتهاء السور برضو الدنيا هتتظبط
و التكاتك هتمشى هتمشى كلها مشاله وقت
و كل ده كوم و لما بس يتقال ان هيتحفر للمترو هناك سعتها الشعر هيبقا الدبل
اعتقد انها من الاماكن الواعده استثماريا
لاكن هى مش كمبوند مقفول
لاكن تقدر تقول هى كانت مشروع كمبوند ووسعت منهم
انا شاري في الحدائق من سنتين المنطقه هاديه العشوائيه موجوده عند مدخل البوابه الاولي فقط قريبه من الدائري والمحور واكتوبر والهرم فيها مدارس يعني مش محتاج تطلع بره كل مشكلتها التكاتك وهبل البوابين ودا كله اعتقد انه مقدور عليه والله اعلم
السور تم الانتهاء منه خلاص - المترو سوف يمر فى شارع الجيش فى الحدائق خلال الثلاث سنوات القادمه وبمجرد الانتهاء من المتحف المصرى الجديد الاسعار سوف تنط بسرعه رهيبه لان المتحف له ترتيب وتنظيم جديد للمربع كله من اول الدائرى ثم شارع الهرم حتى طريق الواحات