أخى الحبيب ،
أشكرك على أسلوبك المحترم و المهذب فى إبداء رأيك.
أنا متفق معاك تماما فى كل اللى قلته ، و أكيد من الصعب إيجاد عربيه فيها كل المواصفات المطلوبه ، لكن الغرض من أسئلتى هو الوصول للعربيه "الأقرب" لإحتياجاتى و معرفة إذا كانت هناك بعض التنازلات فى بعض المواصفات و هل يمكن تحمل هذه التنازلات أم لا.
أعتقد إنى الحمد لله تقريبا و مبدأيا إستقريت على سوباروا إمبريزا (هاى لاين) بسبب منشأها و أدائها و كمالياتها و طبعا سعرها اللى يعتبر مناسب جدا جدا بالنسبه لمواصفاتها بالمقارنه مع العربيات اللى حضرتك ذكرتها.
أسباب التردد فى الشراء اللى أنا ذكرتها فى المشاركه السابقه جاءت من باب إنى أول مره هشترى عربيه و إنى ناوى إن شاء الله أحتفظ بها مدة طويله ،
و أنا عارف إن مفيش توكيل كويس عندنا فى مصر (لأن للأسف مفيش إحترام أصلا للمواطن المصرى) و إن قطع الغيار معظمها بيكون متوفر فقط عند التوكيل و بأسعار مرتفعه و إن مفيش عربيه ممكن توفر فى البنزين فى زحمة شوارعنا الجميله ، و العربيات بأنواعها المختلفه بتتفاوت فى الحاجات دى و بعضنا ممكن يتحملها و البعض الآخر لأ.
إن شاء الله هعمل موضوع فى قسم سوباروا و أسأل الأعضاء هناك عن الحاجات اللى ذكرتها.
شكرا مره تانيه لإهتمامك
المفضلات