حضرتك هاتعمل الأتي
هاتطلع علي التوكيل فرع غمره
تعمل كشف للعربيه شامل كامل و تقول لهم علي كل شئ بتشتكي منه و تخليهم يكتبوه بالتفصيل في تقرير
و بعد كده تغير القطع المطلوبه بره التوكيل و بأولوية الأهم فالأهم
مشكلة الـanti pollution fault هاتبقي أحتمال كبير علبة شكمان أو مكثف البنزين
مشكلة الفرامل من الماستر اللي حضرتك غيرته رجعه و هات غيره
البوابة فيه نوعين واحد بيتبرمج و التاني لأ شوف عندك أيه
مروحة الرياداتير عايزة تتربط كويس و يتراجع علي جلب المسامير
قواعد الموتور يا تيجي أصلي من التوكيل (فرنساوي) يا تيجي إستيراد غير كده يبقي خسارة فلوس
نصيحتي لحضرتك بلاش تسلم نفسك لمنعدمي الضمير و و بالأخص في البيجو كل واحد عاملي فيها واخد ماجستير في البيجو و كلهم عكاكين و شغلهم وحش
لو عايز بعد الكشف تعمل الشغل عند حد محترم روح للاستاذ محمد الطناني في المعادي راجل محترم و صبور و هايحل معاك كل مشاكل العربيه
لكن خطوة التوكيل دي مهمة علشان تبعد عن منعدمي الضمير اللي بيجربو في الناس و بيفتحو شغل
و لو أحتجت أي حاجه قولي و إن شاء الله مش هاتأخر عليك
بالتوفيق
المفضلات