فيات فلوريدا 2004

**mohamedagoor** · 16-10-2008 01:07 PM

ممكن معلومات عن هذه السيارة وايه الفرق بينها وبين الفيات العاديه
وماهى سعتها اللتريه الموجوده ارجو معلومات وافيه عن السيارة حتى الصيانه وشكرا

**فادى** · 16-10-2008 01:24 PM

الفلوريدا بعيدة شوية عن الفيات, هى مصنوعة على الفيات تيبو, , و من انتاج شركة زاستافا اليوجوسلافية, بدأ انتاجها عام 1987.
السعة اللترية المتوفرة فى مصر هى 1400 سى سى فقط, و محركها بيجو مش فيات, لكن على شاسيه و عفشة تيبو, و المحرك يولد 70 حصانا.
الصيانة متوفرة فى مراكز النصر للسيارات, فى 4 شارع المنياوى-غمرة- الشرابية.

**mohamedagoor** · 16-10-2008 01:42 PM

المشاركة الأصلية كتبت بواسطة فادى

الفلوريدا بعيدة شوية عن الفيات, هى مصنوعة على الفيات تيبو, , و من انتاج شركة زاستافا اليوجوسلافية, بدأ انتاجها عام 1987.
السعة اللترية المتوفرة فى مصر هى 1400 سى سى فقط, و محركها بيجو مش فيات, لكن على شاسيه و عفشة تيبو, و المحرك يولد 70 حصانا.
الصيانة متوفرة فى مراكز النصر للسيارات, فى 4 شارع المنياوى-غمرة- الشرابية.

شكرا ياخ فادى على الرد وياريت معلومات اكثر وما رايك فى السيارة وماهو السعر العادل لها وشكرا

**mohamed2002** · 16-10-2008 02:11 PM

بص بلاش العربيات اللي مش منتشرة وخصوصا الفلوريدا لان كل العربيات اللي بشوفها تلاقي فوانيسها مكسرة ودة دليل انها مش موجودة
شوف الموضوعين دول
http://www.nilemotors.net/Nile/showt...E6%D1%ED%CF%C7
http://www.nilemotors.net/Nile/showt...?t=6062&page=2

**فادى** · 16-10-2008 02:50 PM

المشاركة الأصلية كتبت بواسطة mohamedagoor

شكرا ياخ فادى على الرد وياريت معلومات اكثر وما رايك فى السيارة وماهو السعر العادل لها وشكرا

قطع الغيار الميكانيكية متوفرة على ما أعتقد و ممكن تتشارك فى بعض الأشياء مع فيات و بيجو, انما الفوانيس و قطع الغيار المخصوصة لهذه السيارة فلا أعتقد انها متوفرة بشكل كبير, انا معنديش معلومات كبيرة عن هذه السيارة لأنى معرفش حد عنده, لكن السيارة عموما مطلعش عليها سمعة سيئة و لا سمعة جيدة, و هذا يدل اما أنها مش منتشرة بشكل كبير, او مفيهاش مشاكل معهودة, لكن برضو السيارة ليست من انتاج صانع معروف و له سمعته, عشان كده لا تتوقع منها جودة متناهية أو اداء فائق.

**SeiffoZ** · 16-10-2008 04:01 PM

بص يا سيدى عندنا فلوريدا 1400 سى سى .. من سنة 2005
هى أصلا من زازستافا اليوغوسلافيا ..

العيوب:-

بس غلطتهم إنهم خلوها تتقفل فى مصر .
أولا التقفيل أقل ما يقال عنه إنو وحش.. إزاز كهرباء بايظ .. سنتر بيعلق .. تكييف مش بيسقع .. و هو تكييف 12 مش 34 . و البلاستيكات ضايعا ..
مش منتشرة .. شركة النصر بطلت تجيبها و بطلت تجيب قطع غيار
يعنى عندنا وش الفانوس مكسور مش لقيين زيو

المميزات:-
1- حمالة أسية .. عربية قوية فى أدائها و بتستحمل و عالية عن الأرض
2- شكل جميل
3- قطع الغيار الميكانيكية كلها فيات 131 و شاهين .. يعنى برخص التراب
4- الصالون من جوا واسع
5- شنطة كبيرة جدا .

العيوب:-
1- التقفيل المصرى ... يعنى لو شفت التقفيل اليوغوسلافى أو التابلو اليوغسلافى هتشتم العربية المصرية ... يعنى من الأخر إصرف عليها و أعمل إنت تقفيل خاص بيك لأن العربية تستاهل يتصرف عليها

2- قطع الغيار الخارجية مش موجودة .. أحنا عندنا مش ناويين نبيع فهنصنع قطع الغيار بنفسنا .. يعنى هنعمل وش الفانوس فى شركة بلاستيك
تظبط الرفرف عن اى حد من إللى بيعملوا رفارف كأنك بتعمل tunning للعربية

3- مافيهاش باور ستيرينج .. التكييف تعبان لان ده بيتحط هنا ...

بصراحة العربية إنت لو ظبتها صح و فهمت تتصرف فيها إزاى هتكون معاك زى الفل ..
أداء عالى ما شاء الله و حملة أسية و بتستحمل و صاجها ناشف
و أى إستفسار تانى أنا فى الخدمة