https://www.youtube.com/watch?v=suSV_Isx7TA
عرض للطباعة
3 نجوم مش 5
هو العنوان تريقة ولا ايه :d
عامة هى 3 ومن الحاجات اللى ساهمت في الاسكور القليل ده ان الحزام اجباري للسواق بس مش لكل الركاب :d
وسلامة المشاة قليلة لان وش العربية تقريبا قوي شوية :d
اما سلامة الركاب والاطفال جيد جدا والتصادم الامامى ممتاز والجانبى جيد
دة بيقولك مش بتفرمل والعجل بيلف عكس بعضه وكمان الشكمان بيقع
مجتمع اشاعات
العربيه زى الفل
تستاهل اكتر ازاى يعنى تاخد 6 نجوم مثلا هههههه امال بى ام ومرسيدس ولا صاحبة اعلى نسبة امان فى العالم فولفو تاخد كام 10 نجوم
المبالغه ياعزيزي
استاذ عمرو اتمني تكون بخير.اقتباس:
المشاركة الأصلية كتبت بواسطة amrelsaqqa
في وجهة نظري مش موضوع الحزام الاجباري و لا سلامة المشاة اللي نزولها جامد ل ٣ نجوم لانهم اول عن اخر ميكملوش ٤ نقاط من اصل ١٣٦ نقطة.
الواضح ان الدرجات في سلامة الركاب و الاطفال ليست جيدة جدا و لكنها مقبولة للراكب الامامي و سيئة للراكب الخلفي بحسب الموقع.
٧١٪ و ٧٥ ٪ و ٥٤٪ ليست بالارقام الجيدة جدا و نعتبرها مقبولة او ضعيفة و ده هيظهر لو قارنت بالاختبارات اللي تمت في ٢٠١٤ هتلاقي انها اقل ارقام في ال ٩ عربيات اللي تم اختبارهم في المركز القبل الاخير من بعد السيارة الصيني MG
Results released in 2014 | Euro NCAP - For safer cars crash test safety rating
و لو قارنا ارقامها مع سيارات اختبرت في ٢٠١٣ و تحديدا اول اختبارين سلامة الركاب و سلامة الاطفال اللي هما هما بالضبط بتوع اختبار ٢٠١٤ بدون اي اختلاف او تغيير فيجوز مقارنتهم هتلاقيها برضو في اخر الترتيب باقل الارقام من اصل ٣٣ عربية
Results released in 2014 | Euro NCAP - For safer cars crash test safety rating
الغرض هو التوضيح فقط و ليس الهجوم علي العربية التي اثبتت وجودها في هذه الفئة السعرية و لك مني كامل الاحترام و لجميع اعضاء قسم بيجو المحترمين.
التصادم الأمامى 12 نقطة من 16 ودا يعتبر قليل جدا والأضرار كبيره على السواق
يا عمرو باشا هى صفارة الحزام هاتتسبب فى تقليل نسبة الأمان ده كله؟؟
The passenger compartment of the C-Elysée remained stable in the frontal impact. Dummy readings indicated good protection of the knees and femurs of the driver and passenger in the test. However, structures in the dashboard posed a risk of injury to occupants of different sizes and to those sat in different positions and the score was downgraded. Readings of chest compression in the driver dummy indicated a marginal level of protection for this body region. In the side impact, protection of all body regions was good except for the abdomen, protection of which was adequate. However, in the more severe side pole impact, dummy readings of chest compression indicated a weak level of protection for this body region. The score was penalised because some forces were transmitted through parts of the dummy structure which would further load the chest of a human, and protection of the chest area was rated as poor. Protection against whiplash injury in a rear-end collision was good for the front seats but poor for the rear seats.
اقرا الكلام ده يا بيه و شوف بيقول ايه عن حماية الصدر و البطن
و ان الهياكل اللى فى لوحة القيادة بتشكل خطر اصابة للركاب بأحجام مختلفة و فى اماكن متفرقة و هنا بيقول:
However, structures in the dashboard posed a risk of injury to occupants of different sizes and to those sat in different positions and the score was downgraded
و ده من اسباب انخفاض التقييم
و بالنسبة لضغط الصدر و البطن فالحماية ضعيفة و فقيرة
و بالنسبة لو حد خبطك من ورا فى الاختبار جيد للأمامى و فقير و بيشكل خطر للمقاعد الخلفى
طبعا مع العلم ان سرعة و هو ماشى 64 كيلو و من الجنب 50 كيلو
ده بالنسبة للكبار لسه ماقرتش باقى التقييم
و انت لما رديت عليا فى الفيس انا كنت قرأت النسب بس و ماقراتش التقييم بالكامل فلما قلتلى السبب الحزام و مش عارف ايه صدقتك ان ده السبب الرئيسى
بس انصحك راجع قرائة التقييم تانى و اعرف الاسباب الحقيقية
انا بالفعل قريت كل كلمة ، ومع المكتوب الاسكور في الاخر مش وحش بتاع حماية الركاب 71%
مش قصة
وكمان عشان تقارن بقى بعربية تانية
الاصطدام الامامى للسواق
http://www.euroncap.com/cache/assess...8183/100px.gif
وللراكب
http://www.euroncap.com/cache/assess...8171/100px.gif
وده كويس وفي الحدود الامنة واغلب العربيات كدة بين الاخضر والبرتقانى زي مثلا السيراتو ، الموديلات الجديدة اوى هي يمكن اللى بقت اامن في الحتة دى بس برضه اللى هو في الحدود الامنة
الاصطدام الجانبى بسيارة اخرى حلو
http://www.euroncap.com/cache/assess...8184/100px.gif
الاصطدام الجانبى بعمود هو اللى وحش شوية
http://www.euroncap.com/cache/assess...8182/100px.gif
مع ذلك النتيجة في الجزئية دى 71% وسلامة الاطفال 75% يعنى امانها مش ضايع يعنى زي ما انت متخيل
اللى منزل الاسكور فعلا اصطدام المشاة 54% وانظمة المساعدة اللى منها تنبيه الحزام فعلا مش مجرد كلام ، وخدت فيها 33% بس !
يبقى بالعقل ايه اللى نزل الاسكور التوتال الـ 71 و 75 ولا الـ 54 و الـ 33 ؟
الامان والسلامة من عند ربنا واقروا الموضوع ده
الحمد لله العربية ثبتت نفسها على ارض الواقع في كل الحوادث اللى عملتها
http://www.nilemotors.net/Nile/403785-301.html
مع احترامى للاختبارات العالميه و نتائجها بس التجربه العمليه خير دليل طبعا ما نتمناش حد يجرب و ربنا يحفظكم جميعا بس فعلا زى ما اخونا عمرو وضح فى اللينك العربيه انقذت واحد من موت محقق و مش عايزين نهاجم العربيه وخلاص لمجرد النفسنه من بيجو 301 ورخص سعرها و اننا مش عايزين نعترف بالحقيقه ان بيجو 301 احسن عربيه مقابل فئتها السعريه و لما باشوف اى عربيه تانيه اعلى منها و بدون ذكر امثله بلاقى ان فارق المميزات اقل من فارق السعر يعنى بشترى ميزة اقل من فرق السعر وده لان منتجى العربيات التانيه بيبيع اسم و سمعه العربيه فى السوق اللى مش ماشى على قاعده البقاء للافضل لكن ماشى على قاعده اللى تعرفه احسن من اللى ماتعرفوش
عمرو باشااقتباس:
المشاركة الأصلية كتبت بواسطة amrelsaqqa
لو عملنا إستثناء لإختبار المشاه وأنظمة المساعده , وبغض النظر عن خدت كام نجمه 3 ولا 4 ولا 5
إختبار التصادم الأمامى لل 301 أضراره كبيره على الركاب الأماميين هو والجانبى
12 نقطه من 16 قليل , والأضرار في الصدر والرجلين بالكامل , و 13.7 من 16 في الجانبى واللى مقلل النقط العمود 5.7 من 8
لو عايز تقارن بالسيراتو
السيراتو الجديده خدت في ال ANCAP اللى هو النسخه الأسترالى من ال EuroNCAP
14.51 من 16 في التصادم الأمامى و 16 من 16 في الجانبى و 2 من 2 في العمود ودى صورة من الريبورت
http://nileup.com/up/uploads/nilemotors_14046957331.jpg
http://nileup.com/up/uploads/nilemotors_14046953931.jpg
اما لو هانقارن بعربيه من فئتها زى الريو مثلا , أخدت في ال EuroNCAP في التصادم الأمامى 15 من 16 وفى الجانبى 14.9 من 16 , 7.5 من 8 في العربيه و 7.4 من 8 في العمود
http://nileup.com/up/uploads/nilemotors_14046966051.jpg
اقتباس:
المشاركة الأصلية كتبت بواسطة amrelsaqqa
كل حادثه وليها ظروفها وربنا هو الحافظ , ربنا يستر طريق الجميع ويكفينا شرهاقتباس:
المشاركة الأصلية كتبت بواسطة roadfinder
ممممم هو انا لما قريت شوية فعلا وقارنت بعربيات كتير اقتنعتاقتباس:
المشاركة الأصلية كتبت بواسطة hosam_optrawy
ربنا يسترها ، الناس كانت بتشكك في العربية دى اول ما نزلت ان مالهاش كراش تيست على انها هتتفرتك مع اول خبطة اساسا :d
اللى يشفع للعربية دى انها ماسكة نفسها على الطريق احسن كتير من غيرها ويكفى الحادثة اللى انا حطيت لينكها فوق ما اتقلبتش وانا شخصيا حصل معايا حادثة واداء العربية فيها كان كويس يعنى خبطت في رصيف على سرعة والعربية ما اتهزتش الحمد لله ، وبعدها كنت هشيل واحد على الطريق الصحراوى طالع يجري من ورا عربية راكنة من غير ما يبص اساسا ، والحمد لله ربنا سترها اخر ستر لو عربية تانية من اللى ركبتهم كانت اتقلبت من غير كلام لانى كسرت شمال جامد جدا وانا على 140 ونزلت في رمل وعدلت العربية تانى ، اينعم حصل تعويم بس كتر خير الدنيا والحمد لله اتلمت معايا بستر ربنا
بس كدةاقتباس:
المشاركة الأصلية كتبت بواسطة amrelsaqqa
تمام كل الكلام ده غير برضه لما ماتلاقيش فرامل و تخبط فى لوجان من الخلف عربيتك تغير كبوت و اكصدام و فوانيس و ريدياتير و صدر و سربنتينة
و اللوجان اتعوجلها شفة فى الاكصدام بس
ده بقى اللى حصل معايا شخصياً مش جايب الكلام من بره
اللى انت بتقوله ده طبيعى جدا اي عربية من ورا اقوى منها من قدام لنفس العربيةاقتباس:
المشاركة الأصلية كتبت بواسطة memo_king
ولو اللوجان اللى خبطت من قدام كنت شفت المعجنة بنفسك
انت برضه متحامل على العربية والمفروض لما تيجى تقيمها ما تقولش الحادثة بتاعتك ، لان ببساطة حتى وان ده اللى حصل فعلا وانك صادق فهو كلام بدون دليل حقيقى ، معلش انت لو كنت اثبتت حقك في الحادثة دى مع ان العربية فراملها سليمة بعد الحادثة يبقى اي حد بعد كدة يخيش ويروح يقول للتوكيل ده عيب صناعة ويوفر بقى مبلغ التأمين ومشاكل التأمين
اصلا لو على سرعة 60 زي ما بتقول العربية بتجيب النص كله
ولو 30 بتجيب قرب ربع العربية ، فشوف انت خبطت على كام
كان قدامى كورولا خبطت في ماتريكس واقفة ورافعة الهاند على سرعة حوالى 25 بعد الفرملة ، الخبطتين في الاتنين سمعوا لغاية فردة الشاسيه الامامية والخلفية على الترتيب مع ان ردياتير الكورولا ما حصللوش حاجة ، بس ايه رأيك الخبطة تيجى في الردياتير او حتى في السدر اللى بيتغير في عربيتك من غير ما يعيب العربية ( عكس عربيات تانية كتير ) ولا تيجى في فردة الشاسيه ؟
اصلا اصلا يعنى لو قلنا امان الركاب قليل سنة ، يبقى ده بسبب ان البودى قوى مش بيمتص الصدمة بالكامل ، فهى يا اما ورق يا اما امانها ضعيف اختارلك واحدة :d
انا مش هختار انا هسيبك ببيجوهتك و انا اول ما عربيتى تتصلح هبيعها و اجيب الكروز و هاجى اخمس تحت بيتكم و هخليك ماشى فى الشارع هخلى رشاشات المية ترش عليك :p :p
ههههههههههه بس على فكرة الكروز وشها مش اقوى من البيجو ;)
خلاص هخليك ماشى فى مرة و هتلاقينى قدامك و هصبح عليك و نشوف وش مين اقوى
صدقنى يابنى اي عربية في الدنيا ممكن تتعكش عادى يعنى مش البيجو بس :D
http://cjonline.com/sites/default/fi...o/12379232.jpg
ونفس اللون اللى انت بتحبه اهو يالا مش حارمك من حاجة :D
انا مش مختلف معاك فى كده ابدا و اكيد اى صاج هيتخبط فى حاجة هايتدغدغ و مافيش عربية من فولاز
بس انا كل اللى عايز اقوله ان اسلوب تصميم البيجو مش حلو و صاجها مش ناشف بدرجة عربيات تانية اضغط بإيدك مثلا على كبوت البيجو من فوق الفانوس مثلا و اضغط بنفس قوة الضغطة على كبوت لانسر بومة و شوف الفرق عامل ازاى
غير كده الكبوت طالع فى مستوى الاكصدام المفروض الاكصدام يبقى متقدم شوية زى عربيات كتير عشان لو لاقدر الله اتفاجئت بحاجة قدامك و لحقت تفرمل الصدمة تيجى فى الاكصدام الاول انما فى ال301 الصدمة بتيجى فى الكبوت الاول يعنى عندى مثلا الكبوت اتدشمل و الاكصدام سليم برغم انهم هيغيروه برضه
ال301 كبوتها ضعيف فعلا وعيب تصميم انه بارز وبياخد الصدمة عن الاكصدام فعلا دى مفيهاش كلام ودى من عيوب العربية التصميمية الكمال لله وحده
بس ضعف الكبوت مش عيب لان ده من اعتباراات السلامة
الكبوت لو قوى زي الـ 504 مثلا بيدخل عليك زي السيف في الحوادث ، انما في العربيات الجديدة كلها ده النظام
شوف مثلا عربية زي الاوكتافيا a5 صاجها عامل ازاى تيجى للكبوت تلاقيه ضعيف بردو ، الفكرة ما تبصش للكبوت وتحكم على بقية صاج العربية انه زيه
لا الكبوت ضعيف بالقصد ، ومش في نفس مستوى الرفرف الخلفى مثلا !
بص كدة ع الرفارف اللى ورا هتلاقى حاجة تفرح :D