الموضوع: للأسف ... عملت حادثة موت بـــ(بيجو301) و محتاج خبرة الاعضاء

لا حول ولا قوة الا بالله ، الحادثة شكلها يخض جدا جدا جدا ، لا حول ولا قوة الا بالله ، فداك اهم حاجة انت سليم ، اللى فهمته انك خبطت على 130 في جسم متوقف وتقريبا شبه ثابت بدون حتى استخدام الفرامل نهائى ؟ لانك ما شفتوش تماما ؟ ولا شفته متأخر وفرملت لحد كام ، ولا ما فرملتش خالص ، حسبى الله ونعم الوكيل ، ده الخضة نفسها وحشة .. والحمد لله ان الاضرار متركزة في اليمين وان مكنش حد معاك ، كانت هتبقى قصة تانية خالص والحمد لله انها ما اتقلبتش .:(

لا حول ولا قوة الا بالله العلى العظيم

مش عارف اقولك ايه ، انت لو رحت التوكيل هيقولك العربية فيها حاجات بايظة بـ 250 الف جنيه ، وهيطلع انت اللى عليك فلوس زيادة عن تمن العربية الجديدة، والله ما بهرج، لذلك الغى الحل ده دلوقتى ، وعاوز اقولك لو فكرت تصلح العربية او تروح التوكيل ، فالـ 2300 دول اصلا المفروض تعمل حسابك ما تزعلش عليهم لانهم هيبقوا شوية فكة بالنسبة للى هتسمعه اصلا ..

الامل دلوقتى في موضوع النص مع انه هيبقى صعب جدا
في نفس الوقت في حل تالت بس اعتقد هيكون غير مجدي حاليا ، او على الاقل لازم تجيب النص الاول
انك تبيع العربية لتاجر حوادث وهو اللى يصلحها وياخدها بأي تمن وتستعوض ربنا لان هيبقى صعب العربية دى انت تركبها تانى وعمرها ما هترجع زي ما كانت وهتصرف كتير اوى اوى اوى بدون فايدة للاسف للاسف للاسف ..

كان في تاجر في الحرفيين اسمه رضا كان قايللى هيجيب نص 301 يوم 15/1 اللى فات ، معرفش هيصدق في كلامه ولا لا ، هحاول ادورلك على نمرته

حمد لله على سلامتك ، والف سلامة عليك وفداك مليون عربية ولا تزعل نفسك وقلبى معاك والله ، ربنا يفك كربك ويكرمك ويرزقك من حيث لا تحتسب ويفرجها عليك ويحلها من عنده يارب

الف سلامة و المهم ان انت كويس ... وحسبى الله و نعم الوكيل فى اللى كان السبب ... و رأيي الشخصى انك تبيع العربية حوادث و تستعوض ربنا ... لانك حتى لو لقيت نص امامى و بما انه شاحح جدا هيدهولك بسعر خيالى غير مصنعيات و رش و نقل و رفايع و للاسف الشديد برضه مش هتبقى زى الاول ... ربنا يحفظك و يحفظ السامعين

الف سلام عليك شكل الحادثة كانت قوية اوي العربية ملامحها من قدام مش باينة

الف سلامه عليك الحمدلله انك بخير حضرتك مش عامل تامين

لا حول و لا قوة الا بالله العلي العظيم .... قدر الله و ما شاء فعل .... ربنا يؤجرك في مصيبتك و يبدلك خير منها ان شاء الله .... الحمد لله انك سليم و العربية و زيها عشر مرات فدا تراب جزمتك .... بس السؤال هو مافيش تأمين على العربية و لا اية ؟ عموما انت ممكن تشوف حد في اسكندرية او بورسعيد يجيبلك نص من برا لان العربية جديدة عندنا صحيح بس موجودة برا من 2012 و ان شاء الله يكون متوفر هو ممكن ياخد وقت بس ان شاء الله يبقى حل بأققل الخساير و ان شاء الله ربنا يعوضك خير