عمره كمبروسر التكييف (الجزء الثانى)

**عمارمطر** · 04-07-2014 02:43 AM

زملائى الاعزاء اتكلمنا فى الجزء الاول عن طريقه لف كويل اللقط الكهربى ندخل بقى على العطل الاساسى وهو فى الاجذاء الداخليه للكباس بتفك 8مسامير فى الكباس من الامام يتفك معاك الى ثلاث قطع ويحتوى من الداخل على 6 بساتم المونيوم تعمل فى غرف لضغط الغاز عبر المجارى المحدده وتاخذ البساتم حركتها عن طريق طبق نحاس دائرى يعمل بشكل دائرى على البساتم وعن طريق التحكم فى الطبق عن طريق المفصليه المثبت عليها وسوسته ليعلوا ويهبط على البساتم لتاخذ حركتها
والعطل عندى كان فى الطبق النحاس كان معوج نتيجه خلوه من الزيت نهائيا وطبعا استعدلت الطبق على المخرطه بعد التسخين طبعا الطبق بيربط سن على بليه مفصليه فكيته الاول واديت الطبق النحاس لوحده للخراط سخنه وبعدين دق عليه عدله وهو مربوط على المخرطه ولو تلاحظوا هتشوفوا فى الصور المخرطه واكله فى اماكن معينه بتلمع واماكن تانيه مشلتش منها وبعد ما عدل الطبق تمام على المخرطه نعمته على المخرطه بالسنفره الناعمه لانه بيشتغل على اطباق ستلس نصف دائريه فى راس البستم ورجعت كل حاجه لوضعها والحمدلله وطبعا دى تجربه حبيت انقلهالكم عسى ان يستفيد احد الزملاء ولو بمعلومه واسف جدا لو فيه اى معلومه غلط ارجوا تصحيحها لانى مش متخصص دى تجربه شخصيه وارائى فقط

**ayman hamdy** · 04-07-2014 02:51 AM

الله ينور وتسلم ايدك
تقبل تحياتى

**hossamalsadik** · 04-07-2014 03:10 AM

الله ينور
تسلم ايدك يعنى حضرتك عملت الشغل ده بأيدك

**abdelhaleem** · 04-07-2014 05:12 AM

طيب لو العيب في البساتم نعمل ايه فيهم وده طبعا مشكلتهم في ضعف الكبس والسحب

**مجمود فراج** · 04-07-2014 06:04 PM

تمام الله ينور عليك

**عمارمطر** · 05-07-2014 04:56 AM

المشاركة الأصلية كتبت بواسطة abdelhaleem

طيب لو العيب في البساتم نعمل ايه فيهم وده طبعا مشكلتهم في ضعف الكبس والسحب

المشكله حضرتك فى قطع الغيار لان الشغل فى الكباس سهل اى حد ممكن يعمله واكيد ضعف الكبس هيكون راجع للشمبر الموجود بالبساتم فلو قدرت توفر طقم الشمبر اتحلت المشكله واعتقد موجود ورش كتير بتعمل الاولسيلات دى لانها كوتش يعنى هتتعب شويه بس هتبقى تلاشيت شرا كمبروسر استيراد

**عمارمطر** · 05-07-2014 05:02 AM

المشاركة الأصلية كتبت بواسطة virus459

شغل عالي بس اهم حاجه شغلته ولا لسه ولو اشتغل ايه اخباره معاك

الحمدلله تلاجه وزى الاول تمام وان شاء الله عندى كباس تانى اوبل بردوا هصوره اول ما افكه ونشوف العيوب وعلاجها وهصورلكم اكتر ان شاء الله

**عمارمطر** · 05-07-2014 05:06 AM

المشاركة الأصلية كتبت بواسطة hossamalsadik

الله ينور
تسلم ايدك يعنى حضرتك عملت الشغل ده بأيدك

حضرتك الفك والتقفيل بايدى بس استعدال وخرط الطبق عملته فى المخرطه

-

الموضوع: عمره كمبروسر التكييف (الجزء الثانى)

LinkBack

أدوات الموضوع

عرض

عمره كمبروسر التكييف (الجزء الثانى) - انشر الموضوع فى :

-

-

-

-

-

المواضيع المتشابهه

عمره كمبروسر التكييف

قيادة السيدات الجزء الثانى

الى محبى الشاهين الجزء الثانى

صور مرورية الجزء الثانى

الكلمات الدلالية لهذا الموضوع

المفضلات

المفضلات

ضوابط المشاركة