السلام عليكم .... بعتذر جدا جدا عن الإطالة فى شرح تفاصيل مشاكلى بس استحملونى

عندى شوية مشاكل كدة فى العربية ومحتاج رد قاطع ونصيحة من الاخر

اولا : العربية عندى اول مادورها الصبح واسيبها دقيقة وابتدى اتحرك صوت المروحة بيكون عالى كأنها سخنة وببص على الار بي ام بلاقيه بيعلا .. طبيعي ان الار بي ام يعلا فى اول التدوير لكن مش اول ماتحرك
المهم ان الحركة دى بتكرر كتير معظم اوقات اليوم لدرجة ان صوت المروحة بيكون عالى ومعاه الارب بي ام بيعلا ودواسة البنزين بيحصلها خروشة ودوشة من صوت المروحة
رحت اكشف عليها فى فرينش موتورز راح الراجل فتح الكبوت وخرج حاجة اسمها ال upc المهم عمل عليه تست شوية وبعدين راح المهندس قالى انت محتاج 3 حاجات محتاج upc ومروحة ومقاومة مروحة وتكلفتهم هتدخل فى حوالى 6000 جنيه انا طبعا جالى احبااااااااااااااط بس بما انى مابحبش اعمل حاجة فى كهربة العربية برة التوكيل او المركز المعتمد سالت الراجل بحسرة طيب مافيش اي بديل او علي الاقل ماينفعش مثلا امشي نفسي بأنى اغير المقاومة على الاقل بس قالى للأسف الحاجات كلها ضرورية وانصحك خلال شهر تركبهم
المشكلة ان العربية الحمد لله مش بتسخن حتى وانا مشغل التكييف وكل حاجة ماشية تمام بس الصوت غبى بتاع المروحة ومتكرر وماكنش موجود قبل كدة طول السنة ونص اللى معايا فيهم العربية صوت يضايق واللى يضايق اكتر انه بيأثر على دواسة البنزين والفرامل حتى اداء الفرامل بيكون مش اللى هو ساعتها انا محتاج رأيكم ضرورى جدااااااااااااااا وهل كلام فرنش صح ولا هما بيتسهبلو وايه اللى مفترض اعمله بالظبط وأغير ايه وماغيرش ايه

ثانيا : محتاج اجدد عفشة كاملة للميجان لان العربية عاملة 150000 كيلو وانا ماغيرتش حاجة في العفشة خالص غير مرة واحدة بس واللعفشة جابت اخرها فعلا خصوصا ان شغلي بيمشيني فى شوارع كلها حفر ومطبات
والسؤال هنا منين اجيب عفشة الميجان بمعني أصح ايه اللى لازم اجيبه اصلي وايه اللى ماجبوش اصلي ومنين والاسعار تعمل كام وماحدش يقولى انزل صقر عشان حرامييييييييييييييييييييي ييييية عايز مكان مضمون بالله عليكم

واسف للمرة المليون على الإطالة وأرجو ردكم مايحيرنيش اكتر منا محتار