الموضوع: مساعدة للـه .... شوية مشاكل فى الميجان

المشاركة الأصلية كتبت بواسطة mohammedaladel

الواضح فعلا أنها مشكلة كهربائية ... وال upc اللى هى علبة الفيوزات ولا تتعدى ال 1500 جنيه .... وبتتصلح عادى مش شرط تتغير حسب الحالة
والمروحة لو صوتها عالى تبقى عايزة تتغير ... وسعرها 250 استيراد وجديدة 400 تركى منصحش بيها و 750 أصلية جديدة برا التوكيل والمقاومة لا تتعدى ال 100 جنيه ... والمروحة لما تخشن فى الحركة بتبوظ المقاومة والمروحة وقتها مش هتشتغل خالص
ومصنعية تركيب المروحة بعلبة الفيوزات والمقاومة 100 جنيه بالكتير قوى

المساعدين ال kyb الأصلى من برا التوكيل حدود 1000 ل 1100 متزيدش عن كدا
بطاحة المساعد التركى ب 100
المقص تركى 200
بلية عجل خلفية 250 snr فرنسية أصلية
بلى البطاحة 100
كاوتش حماية المساعدين الاتنين 100 جنيه تقريبا
فيه نوع مساعدين فرنساوى اسمه ريكورد تقريبا تجميع تونسى أو صناعة تونسى حدود 800 جنيه

اولا علبة الفيوزات دى قالولى سعرها 2400 والمروحة قالى فيه نوعين نوع لوكال يعني شعبي بيعمل 1050 ونوع اصلي بيعمل 3000 وشوية ... اما المقاومة بتاع 400 جنيه
الفكرة انى اصلا مش عارف هل كل الحاجات دى محتاجة تغيير ولا ممكن الموضوع يكون ابسط من كدة ودة اللى هيجنني

ثانيا بخصوص العفشة اجيب الحاجات دى منين اصلا يعني قلى على اسم مكان موثوق منه مايشتغلنيش ولا يخمني ويديني قطع مضروبة

المشاركة الأصلية كتبت بواسطة mohammedaladel

أنا متهيقلى التوكيل أرخص من الأسعار اللى حضرتك قلتها .... اسمه إيه عشان الناس تحترس من التعامل معه ؟

الكلام دة في فيرنش موتورز ومعايا مقايسة بالاسعار من ايدهم وبعدين انا مش شاغلني دلوقتي اسعارهم ولا هما كويسين ولا وحشين
انا داخل اخد رأيكم ونصيحتكم واعرف اعمل ايه بس عالله حد يعبرني اصل انا بصراحة اتخنقت وزهقت من الموقع لان دى مش اول مرة انزل موضوع واطلب نصيحة الناس وللأسف فيه إهمال وتطنيش والناس بترد على مزاجها
من المفترض ان الواحد لما يعرض مشكلته هنا يلاقي ردود انما الناس بتدخل تتفرج كأنى داخل ابيع هدوم

المشاركة الأصلية كتبت بواسطة super_star_h

يا باشا دى علبة الفيوزات بالفيش بتاعتها كمان عامله 1500
2500 ليييييييه ؟
وتكلفه اجماليه 6000 ليييييييييييييه هو هيركبلك مكنه ولا ايه
ده حرامى وشششششش

والله يا جماعة الاسعار زى مابقولكم كدة بالظبط انا اتفاجئت واتصدمت وهو بيقولى الاسعار وبعدين دة وكيل معتمد يعني اكيد اسعاره هي هي اسعار التوكيل وبعدين انا ما سألتش فى التوكيل بصراحة عن سعر اى حاجة عموما انا هحاول اشوف ميكانيكي يفيدني
بس ياريت كمان تفيدوني فى موضوع العفشة اكتر يعني ايه اللى اجيبو اصلي وايه اللى اجيبو تركي وماقلقش انو تركي والاهم منيييييييييييييييييييين عايز حد مضمون ومش حرامي ولا نصاب

المشاركة الأصلية كتبت بواسطة airfox

يا ريت لو حضرتك تقدر تودي العربيه لميكانيكي متخصص في الميجان و في اكتر من واحد ممكن تروحله و تكشف عنده و تقطع الشك باليقين و في موضوع مثبت باسماء الصنايعيه و الناس اللي اتعاملت معاهم و ارائهم ممكن تبص عليه و تشوف مين اللي انسبلك و تروحله و تشوف هيقولك ايه و تبلغنا و يبقي كده اخدت اكثر من راي بس هما امكانهم بعديه يا اما في صقر قريش المعادي يا اما في الهرم فجهز نفسك يوم وروح اكشف علشان قبل ما تغير حاجه تكون متاكد انها محتاجه تغيير

حضرتك تنصحني بحد معين ؟ يعني لو ليك تجربة مع حد موثوق منه تدلني خصوصا ان القصة كهرباء يعني عايز حد فاهم في كهربة الميجان