عاوز يرجع العربيه اعمل معاه ايه

**ashouhdy** · 06-07-2014 09:14 PM

فكك منة

**Abo_Mazen** · 06-07-2014 09:43 PM

حصلت مع واحد قبل كده ..بس كانت في عربية 128 ...الراجل خد العربية قعدت معاه خمس أيام ..إكتشف في خلال الخمس ايام دول إن العربية فيها مكنة خفيفة ..شاسيه مفتوح ..ولما جه يرجع العربية لصاحبها صاحبها قاله إنت المفروض كشفت على العربية كويس ..واللي حصل فيها ده مش مسؤليتي ولا مشكلتي ..من هنا لهنا ..تم الإتفاق إن العربية تتحسب إيجار على اللي كان شاريها ب 100 جنيه في اليوم ..وتم الرجوع في البيع مع تخسير المشتري 500 جنيه بمعدل 100 جنيه عن كل يوم ..ممكن حضرتك تتبع نفس الطريقة ..ده لو فيه نيه عن حضرتك لإرجاع السيارة ..تشوف العربية تتأجر بكام في اليوم وتحسب المدة اللي ركب فيها العربية ..وقوله كده بصراحه ..قوله أنا موافق على الرجوع في البيع ..بس المدة دي تعتبر إيجار للسيارة مدفوع القيمة ..

**Omar Mahmoud** · 06-07-2014 10:03 PM

المشاركة الأصلية كتبت بواسطة rompo10

بيقولي انت كنت عارف ان البنزين هايغلي عشان كده بعتهالي ههههههههههههههههههه اقوله ايه بس

لو مكانك اهزئه
في كذا خبر قال إن البنزين هيغلي اول شهر سبعة و بعد كدة قالوا مش هيغلي في رمضان و بعد كدة غلي فجأة
مش ذنبك إن هو نايم و مش حاسس باللي بيحصل حواليه

**devil_storm** · 06-07-2014 10:48 PM

لو انت اشتريت عربيه من اي وكيل او معرض و جيت ترجعها بعد ٥ ايام هل حيرضي؟ دي حتي لو فيها عيب صناعة مش حيرضي!! طالما مفيش مشكله في العربيه انت خبتها عليه يبقي خلاص مش لعب عيال ... لكن لو معرفه ذي مابتقول يبقي ممكن تخصم مبلغ 3000 جنيه نظير استخدام + تعويض عن الضرر اللي سببهولك ... دي حاجه ترجعلك بقي

**AHMED12345678** · 06-07-2014 11:09 PM

المشاركة الأصلية كتبت بواسطة rompo10

بيقولي انت كنت عارف ان البنزين هايغلي عشان كده بعتهالي ههههههههههههههههههه اقوله ايه بس

وكلامةده على اساس انه كان عايش فى المريخ مش فى مصر ومبيقراش جرايد ومبشوفش تلفزيون ولا دارى بالى بيحصل وبيتقال حوالية عن إقتاب رفع اسعار الوقود

شوف يا صديقى
الزملاء قالوا ووفوا ومعدش حاجة تانية تتقال
العقد شريعه المتعاقدين
والمشترى عاين السيارة معاينه نافية للجهالة
وحضرتك لم تخفى علية عيب فى السيارة وهو نزل من ثمن السيارة نظير عيب السلانسية
وقال كما ذكرت حضرتك أنه ركيب بيجو كيلو
والايجاب والقبول حصلوا وإنعقد البيع واستلم العربية ومشى بيها فعلا 800 كيلو
وكمان جرايد وقنوات والانترنت فى مصر مكنش له كلام غير على إقتراب رفع اسعار البنزين

حضرتك متسألش فية لسبب انه خسرك لان سعر العربية انخفض اكثر بسبب زيادة اسعار الوقود ولما يرجع العربية فهو كده ضيع عليك فرضة بيع العربية قبل زيادة اسعار الوقود
واذا حب يبيع العربية فيعرضها للبيع فى السوق او على الانترنت فهو حر ومحدش ضربه على ايدة علشان يشترى

**HOSSAM99** · 06-07-2014 11:21 PM

المشاركة الأصلية كتبت بواسطة rompo10

بيقولي انت كنت عارف ان البنزين هايغلي عشان كده بعتهالي ههههههههههههههههههه اقوله ايه بس

يعني هو البنزين غلي علي عربيتك أنت بس و لا علي كل العربيات أنا مش فاهم .. كلام يغيظ
ريح نفسك منه و قوله مفيش ترجيييييييييييييييييييييي ييييييع
أنا مش داخل دماغي موضوع البنزين ده ..حاسس إن العربيه حصلها حاجه

**rompo10** · 06-07-2014 11:29 PM

مش عارف والله اصل الموضوع دا حصل مع صديق ليا من سنتين وواحد حب يرجع العربيه وعرفنا بالصدفه انه خبط واحد موته والمحضر جه علي صاحبي عشان الناس خدت رقم العربيه وكان عاوز يرجعها في نفس اليوم عشان يخلع الله واعلم بنيته انا يوم ما اشتريت البي ام بعد ماسبت صاحبها بنص ساعه طرمبه البنزين فصلت بكلمه قالي هو انا مغسل وضامن جنه وغيرتها وخلصنا

**ALYSALIM** · 06-07-2014 11:32 PM

البيعان بالخيار مالم يتفرقا ------ خلاص مادام مشي -لكن لو انت عاوز ترجع في البيعة انت حر

**rompo10** · 10-07-2014 10:13 PM

تطورات خلصنا من موضوع البنزين اتصل بيا بيقولي العربيه عاوزه مصاريف قلتله مصاريف ايه قالي انا غيرت سير دينامو وسير كاتينه ويايات مساعدين مع اني مغير سير الدينامو من 5000 كيلو والقديم معاه ومغير ركبتين كاملين قدام ومعاه الجمبين القدام في الشنطه بيقولي العربيه كان واطيه من قدام وبيقولي العربيه سخنت مني قلتله انا مالي دا عيب سواق مش عيب عربيه وفي الاخر شتمته وقفلت معاه كدا صح ولا ايه الدنيا

-

الموضوع: عاوز يرجع العربيه اعمل معاه ايه

LinkBack

أدوات الموضوع

عرض

-

-

-

-

-

-

-

المواضيع المتشابهه

لو عاوز اعمل عمره دوكو وارش العربيه كلها ما عدا السقف تتكلف كام ؟؟

عاوز ابيع العربيه مجننانى ومش عارف اعمل فيها ايه

من فضلكم كنت عايز انضف التابلوة بتاعى علشان يرجع جديد اعمل ايه

عاوز اغير المرور التابعه ليه العربيه .. اعمل ايه ؟

عاوز ميكانيكى و كهربائى و عفشجى كويسين فى المنصوره عشان اعمل صيانة العربيه الماروتى

الكلمات الدلالية لهذا الموضوع

المفضلات

المفضلات

ضوابط المشاركة