الموضوع: احسن زيت فتيس

الحقيقة الموضوع ده خد مني بحث كتير أوي.
أولاً: لازم تعرف لزوجة الزيت الموصوف للعربية بتاعتك.
ثانياً: لازم تعرف هل هو gl-4 أم gl-5.
النقطتين دول تعرفهم من الكاتالوج بتاع العربية.
غالباً حتلاقي اللزوجة 75w-90 و ال api gl-4.
ثالثاً: تجيب جوان كارتيرة زيت الفتيس و تروح لميكانيكي عشان يغيرهولك.
أهم نقطة في الموضوع كله إن التغيير لازم يتم و العربية باردة جداً يعني لازم تسيبها فترة عند الميكانيكي عشان تبرد تماماً و بعدين يبدأ يشتغل فيها, و في ناس كتير أهملت النقطة دي و عانت بعد كده.
لو الزيت بتاعك مواصفاته كما ذكرت سابقاً, يبقى عندك فالفولين موجود فيه , ميجوين برضه عنده الزيت ده.
حاول تلتزم بالكاتالوج في الموضوع ده عشان الفتيس ميحصلوش حاجة.
بالتوفيق إن شاء الله

أعتقد إن الإختلاف لن يكون كبيراً بينها و بين الموديلات اللي بعدها.
عموماً شوف قسم الكاتالوجات في المنتدى و إن شاء الله تلاقي فيه اللي انت عايزه.

على حسب الكتالوج الدايو بتاخد زيت فتيس لزوجة 80
لكنك مش هتلاقي اللزوجة دى، اقرب حاجة هى 80w-90 و مواصفات gl-4
فيه انواع كتير زى موبيل و شل، عن نفسى استخدمت موبيل من ٤ سنين و شغال، و السعة 1.8 لتر يعني هتجيب علبتين.

المشاركة الأصلية كتبت بواسطة truss

على حسب الكتالوج الدايو بتاخد زيت فتيس لزوجة 80
لكنك مش هتلاقي اللزوجة دى، اقرب حاجة هى 80w-90 و مواصفات gl-4
فيه انواع كتير زى موبيل و شل، عن نفسى استخدمت موبيل من ٤ سنين و شغال، و السعة 1.8 لتر يعني هتجيب علبتين.

الحقيقة موبيل الgl-4 ده مش موجود خالص , لو تعرف مكان بيبيعه يلريت تقولنا.
شكراً.