الموضوع: استلمت الكورولا بس البتاعه دى فين؟؟

المشاركة الأصلية كتبت بواسطة ahmedtalat

الحمد لله استلمت الكورولا الهاى لاين بتاعتى الاسبوع اللى فات (موديل 2015)
مبروك !!
بس فى حاجات كتير مش عارف هى فين و فى حاجات مش عاجبانى


هو فين الزرار بتاع نور الفوجات ؟
هو مش زرار هو في زراع النور بكرة بتلفها مرة تفتح الفوج الامامي , تلفها مرة كمان تفتح الخلفي معاه :

هو فين النور الازرق اللى فى التابلوه _مش لاقيه خالص_ ؟
فوق الدرج اللي علي الشمال , و عشان يشتغل لازم تشغل نور العربية :


الكلاكس صوته ضعيف جدا _حاجة سيس اوى_ يا ترى ينفع يغيروه فى التوكيل؟
الكلاكس احنا قايلين من زمان ان صوته ضعيف عشان فردة واحدة , وده موضوع عملته عشان تركب الفردة التانية بنفسك :
http://www.nilemotors.net/nile/401728-2014.html

التكييف مش قد كده!
التكييف ثلاجة بمعني الكلمة بعمله علي 22 و ببقي متلج , عموما لازم تظبط حاجات معينة في زراير التكييف عشان يديك الدرجة المطلوبة.
انت عامل تقليب الهوا من برة و لا جوة ؟
انت مشغل الديوال زوون ؟
مظبط درجة الحرارة علي كام ؟
جايب الهوا علي الوجه ولا القدم ؟
مشغل المروحة اوتو و لا مانيوال و لو اوتو علي كام ؟

اشغل ازاى رشاش الفوانيس الاماميه ؟
مع رشاشات الزجاج الامامي بتشتغل اوتوماتيك

اشغل ازاى الاتصال الصوتى؟
بتوصل الجهاز بالبلوتوث !!!

زنان الحزام بيفصل بعد فتره لوحده!!
ايوة , الصوت بيبدأ ضعيف و بعد كدة بيعلي و بيقعد تقريبا دقيقة و نص !!
هو حضرتك عاوزه يشتغل علي طول ؟

السنتر ما بيقفلش من ناحيه المدام ؟؟!!
قصدك تقفل السنتر بتاع كل الابواب من عند باب المدام ولا تقفل باب المدام نفسه مش فاهم !!

اتمني اكون وضحتلك كل اسئلتك و ياريت تقولي ايه الاخبار