نورت يا فندم .. ومبروك مقدماً .ياجماعة كل سنة وانتوا طيبين
عاوز اشترى كرولا 2015 لكن عاوز حد يدلنى على الاتي:
1- افضل معرض فيه ثقة فى القاهرة؟
هو طبعاً التوكيل أكتر مكان موثوق فيه .. ولكنك حتستنى من شهر ل 3 أشهر .. فيه عندك الليثي في مدينة نصر على سبيل المثال .
2- كم اخر سعر ليها للفئات الثلاثة؟ السعر يعنى من الاخر لانى معرفشى وعلشان مايضحكوش عليا؟
السعر حيكون بأوفر برايس من 5 : 10 آلاف وأنت وشطارتك .
الأسعار في التوكيل الفئة الأولى 180 (تقريباً) .. الفئة الثانية 190 .. الفئة الثالثة (الهاي لاين) 215
3- لو عاوز اسافر بيها وهى جديدة للغردقة امشى على سرعة كام؟ لانى عارف انها فترة تليين بس علشان انا نازل اجازة قصيرة وعاوز اصيف بيها؟
متحاولش أن الأر بي أم يزيد عن 3 أو 3.5 .
4- فترة الصيانة بتاعتها كام وفين مركز الصيانة؟ ولا اغير لها زيت من برة واريح دماغى؟ وايه افضل زيت ليها؟
في صيانة فري بعد أول 1000 كيلو ودي بيبقى تشيك على العربية بشكل عام .. وبعد كدة صيانة الخمسة آلاف .. ودي بتغير فيها زيت (التوكيل بيستخدم زيوت موبيل) ويفضل طبعاً موبيل وان أو أي زيت تخليقي مناسب في اللزوجة طبقاً لتعليمات الكتالوج .
5- هل فيه مشكلة مع المرور لو جبتها مفيمة ازاز اسود يعنى؟ ولا ايه؟
مبتنزلش متفيمة أصلاً .. وطبعاً لو فيمتها حيبقى فيه صعوبات في الترخيص .
6- لو حبيت اركنها فى الجراج لمدة السنة لانى بسافر عمل ايه ؟
يبقى يفضل تترفع في جراج وتفصل كابلات البطارية .
معلهشى اسالتى كتيرة لكن عشمى فيكوا كبير
اخوكم / اسامة
المفضلات