استلم نيسان صني الشكل القديم موديل 2014 ب 104 الف و لا لا

**devil_2020** · 07-07-2014 05:35 PM

اهم حاجة عندك الثبات وبتفكر تشترى نيسان صنى 2014 طيب ادينى عقلك انت

**amr shawkey** · 07-07-2014 10:04 PM

ممكن رقم حضرتك للاهمية ؟
شكرا

**islash** · 08-07-2014 02:38 AM

طبعا استلمها لان السعر ده ميجيبش اى حاجة تانيه ولو فكرت تبيعها هتكسب فيها كتير لانها بعد زيادة السعر سعرها عدى ال116 فى المعارض

**jojojojo** · 08-07-2014 06:30 PM

انت حضرتك متاكد انها ب104 ياريت تتاكدمن من السعر عشان اكيد السعر علي عن كده اخر مرة سالت عليها كانت ب112 ولو فعلا ب104 استلمها ولو مش عايزه هخدها منك ب106 وبالنسبة للثبات العربيه عن تجربة ثابتة جدا جدا

**mif** · 08-07-2014 08:49 PM

المشاركة الأصلية كتبت بواسطة islash

طبعا استلمها لان السعر ده ميجيبش اى حاجة تانيه ولو فكرت تبيعها هتكسب فيها كتير لانها بعد زيادة السعر سعرها عدى ال116 فى المعارض

لو اخدتها و علقت نمر سعر سوقها حتى لو مشيت اقل من كيلومتر سعرها لن يتجاوز 98 و تذكر تكلفة الترخيص اذا خسارتك ستكون ليس بقليلة

مع الاخذ فى الاعتبار ارتفاع اسعار الوقود فان موديل نسان صنى الشكل القديم يعتبر بلاعة بنزين تفتقر الى ابسط وسائل الامان رغم انها افضل بكثير من الشكل الجديد من ناحية الامان

**selim1976** · 09-07-2014 11:20 AM

توكل على الله واستلامها

**AHMADKAMAL1** · 09-07-2014 11:28 AM

انا بحب اوضح حاجة مهمة انا معايا العربية عاملة 133000 الف كيلو ومستغرب من اللي بيقول ما فيهاش وسائل امان طب ازاي انا عربيتي سوبر صالون كنت شاريها 103000 الف فيها اتنين اير باج وبارات صلب ميزان وفرامل abs, ebd, BA وتقولي ما فيهاش وسائل امان طب بص للزيها في ماركات عربيات في نفس الفئة السعرية وانت تعرف الفرق وبذات عربيات غبور افندي.
موضوع البنزين بردة دي اشاعة غبية جدا وفي تقرير كامل مفصل مثبت في الموقع بيوضح استهلاك العربية الحقيقي بناءا علي الاستخدام الفعلي من المالكين وانا هاقولك مفاجاءة انا عامل اخر مرة 390 كيلو ب 31 لتر بنزين ومتوسط العربية معايا 11 كيلو لكل لتر يعني 220 كيلو للصفيحة ودة معدل طبيعي جدا لكل العربيات الاتوماتك مع تشغيل التكييف.
للاسف معظم اراء الناس علي السمع مش التجربة ودى افة المصريين.
العربية دي هايلة بجد وحمارة شغل وتكييف جبار وعفشة متينة جدا انا غيرت المقصات والمساعديين الاماميين وكان لسة فيهم روح علي 132000 الف .
والتيل علي 40000 الف ومغيرتش الطنابير.

**أحمد خاطر** · 09-07-2014 02:27 PM

متفرطش في العربية..
أستلمها..و لو مش عاوزها أو كده فيه كتير جداً بيدوروا عليها ..
حتى لو هتبعها بنفس تمنها..

العربية محترمة جداً و أحسن من عربيات كتير في السوق في نفس رينج السعر ده..
و موضوع إستهلاك البنزين ده بيختلف من واحد للتاني حسب نمط سواقتك..بس انا معايا المانيوال بعمل 520-560 كيلو في التانك و معايا الاتوماتيك بتعمل حوالي 430-460 في التانك برضه..

و لو مش عاوزها بلغ بيها في المنتدى هنا الشباب هنا أولى بيها أحسن ما تطلع برة..

و ربنا يوفقك للخير و ألف مبروك مقدماً.. :)

**A.Roushdy** · 09-07-2014 10:56 PM

استلمها طبعااااااا انا شاريها السنة اللى فات ب112 فورى من عند الحرامى احمد مرعى

**A.Roushdy** · 11-07-2014 01:44 AM

المشاركة الأصلية كتبت بواسطة mif

لو اخدتها و علقت نمر سعر سوقها حتى لو مشيت اقل من كيلومتر سعرها لن يتجاوز 98 و تذكر تكلفة الترخيص اذا خسارتك ستكون ليس بقليلة

مع الاخذ فى الاعتبار ارتفاع اسعار الوقود فان موديل نسان صنى الشكل القديم يعتبر بلاعة بنزين تفتقر الى ابسط وسائل الامان رغم انها افضل بكثير من الشكل الجديد من ناحية الامان

مع كامل احترامى لكلام حضرتك
كلامك انها بلاعة بنزين مالوش اى دليل وغير صحيح بالمرة، ومظنش ان حضرتك من ملاك العربية علشان تقدر تحكم على استهلاكها للبنزين، البيانات والكلام على الكتالوج والبورشور حاجة والواقع حاجة تانية
انا معايا العربية من سنة فات ، استهلاكها فى الاول كان كتير وبعدين اتظبط بعد صيانة ال 1000
ودلوقتى زيها زى عربيات تانية كتير 1600
واستهلاكها مناسب جدا جدا ومرضى بالنسبة ليا
انا بفولها كل 10 ايام ومشاويرى تعتبر كل يوم
ومع المشى الهادى والنقل عالسلانسية وعدم الحرق بجد بتوفر معاك اوى

وبرضو انا معاك انها مفهاش اير باج ولا abs
لكن ثبات العربية مرضى جدا بالنسبالى وصاجها محمل والحمد لله نجدتنى فى اكتر من موقف
انا شدت بيها عالصحراوى لحد 180 وكان ممكن اقفل امبير لكن حسيت انى بفترى عالموتور وقلت الطريق مش مضمون ونزلت لل120
والعربية ما شاء الله ثابتة ومحترمة اوى وكنت لوحدى ومعييش اى وزن

انا مش بقول العربية ملاك طبعا فيها عيوب لكن هى مناسبة جدا لسعرها دلوقتى