الموضوع: سؤالين: رسوم الترخيص و التسجيل للسبيرانزا A516 كام؟؟ وهل اشترى من التوكيل؟؟

السؤال الأول:
عايز اعرف اللى الواحد هايدفعه بعد ما يشترى العربيه لحد ما العربيه تترخص:
يعنى رسوم الشهر العقارى و الترخيص و التأمين لرخصه سنه و اى مصاريف اخرى.
يعنى محتاج كام لحد ما حط النمر.

السؤال الثانى:
رحت التوكبل النهارده اسأل عن سعر2009 لقيته 67900 (سواء كاش او قسط)التسليم فى خلال شهر لكن المشكله ان السعر قابل للزباده عند التسليم سألت قد ابه؟ قالولى فى الغالب مش اكتر من الف جنيه و ممكن ما يزيدش. هل الكلام ده سليم و لا جر رجل و الاقيها زادت 3000 جنيه و تبقى مصيبه خصوصا انها عند المصريه ب69900 تسليم فورى. و كمان التقسيط مع كونكت بفايده سنويه 9.5%

انا مش مستعجل على الاستلام فياريت تفيدونى
هل اشترى من التوكيل و لا حد بيبيع او بيقسط بسعر او فايده اقل من كده او بسعر محدد مسبقا؟؟


يا ريت الاجابه سريعا وشكرا

يا جماعة في 2 ابو غالي والاثنين مش تبع بعض، واحد بيشتغل في كرايزلر وسوبارو وشيروكي (مالناش دعوة بيه)، والثاني بيشتغل في اسبرانزا بأنواعها، هيونداي بأنواعها، شيفروليه بأنواعه ومش فاكر الباقي بس مش كتير (وهو ده اللي بتكلم عليه يا جماعة).

هو عبارة عن معرضين مقابل بعضهما البعض، الاول اسفل عمارة ابو غالي ومكانها في شارع الميرغني بجوار بنزينة موبيل وابو شقره (خاضع للتجديد)، والثاني امامه الناحية الاخري من الشارع نفسه هتلاقوا اسمه ابو غالي وتحته يافطة كبيرة مكتوب عليها هيونداي (قبل ألفا سكان).

المعرضين تبع بعض و بيشتغلوا في الانواع المذكورة سابقاً وبنفس العرض والشروط السابق ذكرها.

هذا الكلام عن تجربة وليس مجرد سمع، انا كنت ناوي اقسط سيارتي منهم لكن غيرت رأيي في آخر لحظة بسبب اني كنت عايز نيسان صني وطبعاً هما مش بيشتغلوا اللا في الانواع اللي قلتلكم عليها فا اشتريت من المصرية بفائدة 8.5%

يا ريت تروحوا وتسألوا وتتأكدوا بنفسكم وتلحقوا العرض لأنه فرصة لن تتكرر في رأيي.