الموضوع: عن النيو صني

دي رنج لبعض اسعار قطع الغيار للسياره
كبوت تيواني من1100-1200
رفرف 450 تيواني
اكصدام امامي ب450 صيني والتيلاني اغلي ب100 جنيه
فانوس امامي ب550 ديبو
طبعا دي الاسعار من خارج التوكيل
اما بالنسبه للسياره الصاج بتاعها كقوه متوسط كمعظم السيارات اللي في رينجها كفلوس وده ميعبهاش اوي
اللي يعيب السياره تقفيل سئ الي حد ما يه
بعض اجزاء السياره الخارجيه من صاج خفيف زياده عن اللزوم كالكبوت
اكبر عيب قاتل في العربيه دي مكان تواجد الكنترول اي خبطه يدوب لو هتحرك الصدر هتبمس الكنترول ووممكن تكسره وده لازم التوكيل يشوفله حل
قدامي عربيه خدت خبطه خفيفه كسرت فانوس وكبوت واكصدام ورفرف والصدر رحل وكسر قربه الميه وبقت القربه دي الفاصل بينه وبين الكنترول
فاي حد يتفادي التصادم من ناحيه السائق لقدر الله عشان الكنترول
علي الرغم من الخبطه الايرباج مفتحش دي حاجه حلوه لصاحب العربيه لكن موضوع الايرباج مقلق
وثبات السياره سئ للناس اللي بتحب تجري
الفرامل انا شايف انها جيده
المميزات موتور قوي واستهلاك بنزين قليل ارتفاعها عن الارض وواسعه من الداخل
العربيه للناس اللي بتمشي علي مهلها ومش بتاعت جري هتحبها اوي الا لقدر الله في الخبطات لكن كواحد شباب بتاع جري السياره مش هتعبه
وقطع غيارها بدات في الانتشار باسعار معقوله بالنسبه لسياره حديثه ولسه جديده في السوق
تحياتي

لو سمحت انت جبت الاسعار دى منين يعنى اسماء المحلات ايه و فين بالظبط؟؟؟ و شكرا جدا لمجهودك