التخلص من جراكن الزيوت القديمة

**mosman** · 07-07-2014 01:31 AM

اصدقائي ,

أنا عايز نصيحة في موضوع بس ممكن يكون هايف شوية ....أنا متراكم عندي جراكن زيت موتور من بعد كل مرة تغيير زيت (بيتبقى حوالي كيلو ) ...ايه هي الطريقة المثلى للتخلص من الزيوت دي ؟؟؟

حاجة تانية برضه ....أنا عندي بوجيهات ngk-pkr7 اصلية ما عملتش بيها غير 200 كيلو ممكن أتصرف برضه فيها ازاي (أبيعها مثلا ولا ايه لو كانت بتتباع ) ؟؟؟

**egyptiandiver** · 07-07-2014 01:44 AM

فضي الليترات دي لحد ماتكون جركن في 4 لتر، هتعملك مثلاً عبوتين مليانين زيت... كل ما تيجي تغير خالي المكانيكي يحطلك في الموتور و بكدة تستفيد من الزيت و ترمي العبوات الفاضية في الزبالة بعد طبعاً ما تتلف الستيكرز إلي عليهم و ترمي غتينهم عشان ولاد الحلال... بيلمو العبوات الفاضية النضيفة و يغشو الزيوت!

**abb** · 07-07-2014 02:02 AM

فعلا اهم شئ تتلف العبوات الفارغه قبل ما تتخلص منها

**borio1704** · 07-07-2014 02:46 AM

هي عبوات الزيت دي كلها نفس النوع ولا أنواع مختلفة؟؟

تفرق كتير لو نويت تستخدمهم.. لإن خلط الزيوت مبدئا مرفوض نهائيا إلا بشروط معينة

...

**mosman** · 07-07-2014 02:42 PM

شكرا يا جماعة على ردودكم

للأسف الزيوت نفس اللزوجة بس انواع مختلفة :b4_556:
طيب سؤال تاني ....هو لو الزيوت نفس النوع و اللزوجة بس فات عليهم وقت كبير (نظرا لأني مش بستهلك العربية كتير) ....أكتر من 6 شهور مثلا ....ينفع اجمع باقي الزيت و استخدمه تاني ؟؟؟؟؟؟؟؟؟؟؟؟