الموضوع: عدل بنفسك شاشه العدادات واظهر حساب الاستهلاك للبنزين والمسافه المتبقيه

المشاركة الأصلية كتبت بواسطة far!d

اولا: كل سنه وانتم طيبين و رمضان كريم عليكم كلكم
ثانيا :الموضوع ده بنيه صدقه جاريه عن نفسي لكل اعضاء المنتدى مالكي الافيو و من باب نفع و مساعده الاعضاء
ثالثا : كله يدعي على منصور شيفروليه و انتم صايمين لاخفاءه امكانيه سهله و متاحه عن ملاك السياره

انا على فكره زميلكم من قسم الدايو و اللي ميعرفش ان الافيو اصلا دايو مش شيفروليه و كانت بتنزل بره عليها علامه دايو يعني احنا ولاد عم
الموضوع يتلخص في ان الافيو كلكم عارفين فيها شاشه الكيلومترات بس صح ؟؟
تؤتؤ
العربيه فيها بالفعل شاشه كامله بخلاف الكيلومترات تحتوي على معدل استهلاكك و المسافه المتبقيه على نفاذ الوقود و الشاشه كبيره لكنها متغطيه بورقه سوداء مش باين منها الا الكيلومترات
شوفتوا باه ....!!!!!!!
المهم عشان منبوظش صيامنا على منصور ندخل في الجد ماشي؟؟
ملحوظه : كعادتي مبنزلش موضوع الا لما اكون مجربه في نفسي لكنه المرادي جربته في صاحبي ههههه (عشان معنديش افيو ماتفهومش غلط هه؟ ههههههه )
العده المطلوبه :
1- مفك صليبه طويل
2- مفك صليبه قصير
3- كتر
بس كده

الخطوات :
1- نفك المسمارين دول المعلم عليهم بالاحمر (الشاشه قبل التعديل متعلم عليها ) وبعديها اخلع الفريم اللي مغطي العدادات من جوه و هوا ماسك بكلبسات جمد قلبك وانت بتشد متخفش


2-بعد كده فك المسمارين اللي متعلم عليهم في الصوره واخلع الطاقيه او الكفر الفبر اللي فوق العدادات و برضوا راكب بكلبسات شده و اخلعه


3-فك المسمارين اللي متعلم عليهم و بكده العدادات بقيت حره و تقدر تشدها لبره


4- الفيشتين دول كانوا في العدادت ورا فكهم عشان تخلع العدادات لبره خالص

5- العدادات بره و ماسكها بايدي


6-الكلبسات المعلم عليها بالاحمر ديه ماسكه الوش الباغه بلوحه العدادات و الكلبسات المعلم عليها بالازرق اللي قافله ضهر العدادات ..... فك جميع الكلبسات ديه


7-كده اللوحه بقيت معانا بره و خرجنا اللوحه بره العلبه بتاعتها و طبعا باينه قوي اد ايه الشاشه صغيره



8-هنا باه هوووب احترس......
عايز واحد ايده ثابته وبلا ارتعاش ماشي؟؟؟
حتحسس بايدك حوالين الورقه السودا اللي مغطيا الشاشه و تحس بحواف الشاشه من تحت الورقه عشان تعلم للقطع اللي حتعمله و زي مانا عامل في الصوره
حتعمل خطين بالكتر طولي مجرد مجري دليل لقطعك بعد كده لحد ماتحس انك وصلت لاخر الفراغ اللي تحت الورقه وتقف لانها حتكون نهايه الشاشه


9-بعد ماتعرف الطول اللي حيتقطع اد ايه توصل مابين الخطين الطوليين و تقطع المستطيل كله
ههههههه واتفرج ايه اللي تحت الورقه كان مداري من منصور باشا شيفروليه


10-مبروك يا حبيب هارتي على شاشتك الجديده ولوحه عدادتك اللي الترا هاي لاين


11- وكده خلصنا خالص و الصوره اهيه شوفوا كنتوا فين


و بقيتوا فين


اي خدمه يا رجاله انتم تؤمروا بس.... ورمضان كريم عليكم ديه هديه رمضان والعيد وانتظروا مفاجأه الكروز ( ده لو صاحبها سابني اعملها هههههه )

ملحوظه:
المجهود ده مجهود شخصي وليس منقول... برجاء الدعاء لي و انتم صايميين و برجاء التثبيت لعموم الافاده على الجميع

الف شكر وجزاء لله خير

انا عملتها عندى وطلعت جامدة تسلم ايدك وهل من مزيد

طب يا جماعة سؤال معلش
الموضوع ده انا عايز اعمله وخايف بصراحة من شوية حاجات
اولا فيه زميل هنا قال ان عداد الار بي ام مشتغلش معاه وناس قالتله حلول ومردش قال اشتغل معاه تانى ولا لا
ثانيا هل ده ممكن ياثر على حركة المؤشرات انها متبقاش مظبوطة بعد التركيب من جديد

يعنى تشتغل وتتحرك بس تبقى مخرفة مثلا يعنى لو ماشى على سرعة معينة المؤشر يقرا اكتر او اقل
لانى اعرف ان العداد بيبقى ابره معينة كده بسوستة معينة ممكن متتظبطش

ياريت الناس تفيدنى فى النقطة دى بالذات لانى خايف اعملها والعدادت بتاعت السرعة والار بى ام والبنزين والحرارة تخرف

طب بالنسبة للقطع الورق ده ورق مقوى ولا فيبره ؟؟ ولا بلاستيك ؟؟؟؟؟

بجد ملكش حل