الموضوع: دريكسيون الفلوانس بعد خبطة في بلاعة

انا شاكك فالموضوع ده بس خايف اقول
وعلي فكرة....الخبطة عوجت المقص وغيرته.....فا هل ممكن يكون الخبطة اتنقلت لعلبة الدريكسيون وأثرت فيها.....وهل ممكن تتصلح؟

المشاركة الأصلية كتبت بواسطة amrelsaqqa

هو طالما غيرت القنطرة والمقص والخبطة بعيدة عن العجل يبقى اكيد خبطت في بارة الدركسيون

اكشف على علبة الدركسيون ، ونصيحتى ليك حاول تتعايش من دلوقتى عشان علبة الدركسيون غالية جدا الا لو لقيتها استيراد وهتبقى غالية برضه ( ممكن 3000 جنيه استيراد او اكتر )

تصليح علبة الدركسيون غير مجدي في 90% من الحالات ، ممكن تحاول من باب المحاولة بس ما تدفعش كتير وما تخليش حد يشتغلك


بالنسبة للمساعد لو فيه عوجة كانت بانت في الزوايا ، زاوية الكامبر والـ steering inclination

ألف شكر يا باشل علي ردك الوافي

السؤال بقي هنا....هل بارة الدريكسيون دي جزء من علبة الدريكسيون؟
وممكن ألاقيها بتتباع لوحدها؟
انا كنت فرحان بعلبة.دريكسيون الفلوانس لأنها احسن من الميجان وقليلة الأعطال....بس للأسف الواحد ما لحقش يفرح
بس عموما....انا كل اللي يهمني بصراحة اني ارجع العربية زي الأول ويكون التشخيص مظبوط....يا مسهل

المشاركة الأصلية كتبت بواسطة amrelsaqqa

البارات بتتغير عادى الخوف بس تكون كبست في الاسكاترا من جوة بس ان شاء الله لا

ما توديها التوكيل كدة خليهم يكشفوا بس عليها ؟

هيقولولك المفيد كله وخد اسعار اللى محتاج يتغير لو في حاجة وبعد كدة براحتك بقى تعمل في التوكيل او برة جديد او برة استيراد اي كان المهم اشتري نفسك بكشف التوكيل ده عشان محدش يشتغلك كتير برة

انا مش معترض علي فكرة السعر....اللي بخاف منه ان التوكيل بيستسهل ويقوللي غير من غير اي دراسة لسبب التغيير....يعني انا بعد الخبطة رحتلهم علطول....قالولي غير دنجل ومقص ومساعد...المهم قلتلهم الدنجل بكام قالولي ب 13000 جنيه...فا صرفت نظر....قلتلهم ايه المشكلة في المقص والمساعد....قالولي الخبطة حركت المقص من مكان وده اللي مخلي الزوايا مش مظبوطة ....قلتلهم خلاص غيروا المقص....قلتلهم المساعد لسة جديد....قالولي ان المساعد معووج....قلتلهم وريهولي...قالولي مش باين العوجة....قلتلهم خلاص غيروا المقص وبعد كدة حطوا العربية علي الجهاز وربنا يسهل....وفعلا العربية اتظبطت كزوايا بعد تغيير المقص.....فا البوش ده وقتها انا كنت مركز بس في موضوع الدنجل وقلت ممكن يكون هو اللي مديني الاحساس بعدم استقرار العربية فالدريكسيون....لكن بعد ما غيرت الدنجل مابقاش في اي سبب قدامي واضح للمشكلة دي
انا ممكن اتوكل علي الله واسمع كلام حضرتك واروح التوكيل.....اللي انا خايف منه يقولولي مثلا غير علبة دريكسيون واغيرها فعلا والاقي نفس المشكلة موجودة.....ساعتها مش عارف اتصرف معاهم ازاي