كبر دماغك بلا مشاكل بلا عك وشوف اى مكان تانى موش هاتاخذ حق ولا باطل كل واحد شايف نفسة وبس
عرض للطباعة
كبر دماغك بلا مشاكل بلا عك وشوف اى مكان تانى موش هاتاخذ حق ولا باطل كل واحد شايف نفسة وبس
السلام عليكم
ما سردته حضرتك بيحصل في جميع جراجات مصر و ليس له علاقة بطبيعة وظيفة الجيران...بالعكس ما قرأته من بين السطور ان هناك محاولات للحل و محاولات للتنظيم...و لن يتفق الجميع بنسبة 100%
كما انا ذكرت حوار متسامح بين والدك و المستشار
فدعك من موضوع مستشارين و لواءات ..لانك لو حطيت الكلام ده في دماغك حاتتعامل بحساسية ..فما يحدث في جراجك يحدث في كل حتة
راعي الجيرة و حاول تشارك بشكل ودي في اعادة التنظيم
تحياتي
سامحني بس انت غلطان و ضيعت حقك من اول ما سبت مكانك واتنطتت بين الاماكن
انا بركن في جراج و ركنة صعبة ... و الجراج كان فاضي .. قعدوا يحاولوا معايا روح في دة اسهل ودة طريقة سالك و احنا قلبنا عليك والافلام دي
وانا رفضت وقولتلهم انا بحب التعب معلش
بقالي 4 سنين مكاني ذي ما هو و هما نزلين رزع ورخبط و ذعيق مع بعض لما ازدحم و انا الحمد لله مكاني باشا بدخل في وسط الخناق اركن وامشي
والكل عارف دة مكان فلان بقالة 4 سنين ومحدش بيوهب ناحيتة
انت غلطان ... مكانك تركن فية ولو اخر باكية حتي
والموضوع لا ضابط ولامستشار الموضوع بتاعك وضع يد واللي يلحق
Sent from my SM-C115 using Forum Runner
اللى فاهمه ان مفيش تخصيص للجراج مع الشقة وانت تشتريه لوحده
هما سبقوك واشتروه
وعملوا 100 فيلم هندى
سيبك منهم
معجب بمشارمة حضرتك جدا ...بالنسبة لصاحب الموضوع .حضرتك محدش هيعرف يحلها غيرك لان سيادتك مش ذاكر غير 10% من التفاصيل وده مش عيب فيك بس محدش هيعرف يوصل الوضع بالكامل ..ما علينا ..بالنسبة للموضوع .مشاكل الجراج بتحصل مع الكل بغض النظر عن الوظيفه ..عنوان الموضوع بيحدد سياقه الهيكون فيه تنكيل وتهكم على المستشارين وتقليل القيمة اذا لم يصل الى السباب الضمني واعتقد بعض ده حصل بالفعل وده مش لطيف على فكرة .وواضح ان ده هيخلي التهكم والتنكيل اكتر من حل المشكلة وفي الاخر انت الخسران ومشكلتك متحلتش كنت مكتبتش الوظايف اصلا على الاقل الموضوع كان هيبقى مركز على حل المشكلة بس
تحياتي
اولا خد الموضوع ببساطه وحاول تحل الموضوع بالمنطق وبهدوء
ثانيا حاحكيلك تجربتى جايز تكون مفيده ليك
انا لما سكنت فى شقتى وكان فيه جراج تحت العماره . عدد شقق العماره 33 وعدد باكيات الجراج 14
مالك العماره كان بيبيع الباكيات على المشاع يعنى من غير ما يحدد باكيه كل ساكن وبسعر موحد لحد ما باع 14 ياكيه
كان فيه باكيات فردى وباكيات زوجى واشترى الباكيات دى تلاته مستشارين وعميد شرطه واطباء ومهندسين وناس عاديه.
المهم لما حبينا نقسم الباكيات كان لازم يكون فيه اولويه فى التوزيع الموضوع مش كان لا مستشار ولا ظابط.
قعدنا واتكلمنا بالمنطق واتفقنا ان لازم يكون لكل باكيه سعر حسب مساحتها فرديه ولا زوجيه كويسه ولا ضيقه كبيره ولا صغيره وبعد كدا حسب تاريخ شرا كل مالك للباكيه يختار الباكيه اللى هو عاوزها ولو فيه فرق سعر يدفعه.
أنا شخصيا كنت تانى واحد فى الشراء وفعلا كنت تانى واحد اختار باكيه واخترت باكيه مميزه فرديه ودفعت فرق سعر كمان
واتنين مستشارين اخدو باكيه زوجيه مع بعض والموضوع اتحل بسهوله .
انتو بس تقعدو وتحددو اولويه الأختيار ووسعرو كل باكيه بسعر غير التانيه.
اللى اعرفه ان مفيش حد بيحجز مكان فى الجراجات
يعنى بنزل والمكان اللى بلاقيه فاضى بركن فيه
لو والدك لما اشترى الشقه اشترى معاها باكية يبقى حقك مفيهاش كلام تختار الباكية اللى تعجبك وتكتب عليها اسمك كمان
لكن لو مكانش اشترى يبقى كان غلط ان كل واحد ياخد مكان ويعتبره بتاعه علشان بقاله سنتين بيركن فيه
احنا بنركن فى الجراج من سنتين ومحدش عمل الموضوع دا