الموضوع: أرجو المساعدة :مشكلة فى دوارة العربية الصبح

السلام عليكم
فى البداية اشكر كل القائمين على المنتدى الجميل والأعضاء الأجمل. يمكن دى تكون اول مشاركة فى المنتدى بموضوع بس ده مايمنعش انى استفدت كتيييييييير من الموضوعات الرائعة اللى الاعضاء الافاضل شاركوا بيها.
المهم
عربيتى هيونداى اكسيل 1500. نظفت الكربراتير بالمنظف abro والميكانيكى ظبط صوت الموتور وبقى هادى وزى الفل والار بى ام اول مابدور بيكون على 0.2 (ثانى شرطة بعد الصفر وقبل الواحد). ولما التكييف بيشتغل بتوصل ل 1 والدنيا تمام.
عدى اليوم على خير وتانى يوم جيت ادور العربية الصبح غلبيتنى فى الدوارة مرة واتنين ولاثة وتحميل على المارش والبطارية لحد ماحطيتلها شوية بنزين فى الكاربراتير ودورت وزودت فدارت.
المهم رجعتله قلتله افتحلى الهوا والبنزين قاللى لأ ده مالوش دعوة. انت تجيبلى العربية نص يوم وانا اشوفها علشان كده البنزين بيرجع من الكاربراتير وده ممكن يكون عيب فى الرداخ او نعرف بالظبط فى ايه.
المهم انا كنت بركن العربية على مطلع فركنتها انهارده مستوية ع الارض وقلت اجرب لقيتها الحمد لله دارت من اول مرة.
السؤال بقى. ايه رأيكم فى الموضوع ده وهل فى عيب فعلا فى الرداخ ولا هفتح على نفسى فتحه وخلاص؟؟؟ مع العلم ان البوجيهات انا بغيرها كل 15000 كيلو ويادوب عملت بيها 6000 كيلو بس يعنى لسه فاضل عليها شويه.
اسف للاطاله وكل سنه وانتوا طيبين

المشاركة الأصلية كتبت بواسطة ecasper

الدورة تمام لسبب بسيط الفلتر نضيف. والكاربراتير لسه مفكوك ومغسول بالاسبراى ومتغيرله جوان. غير كده انها بتدور لما تحط بنزين فى الكاربراتير وبعدها تمشى تمام يبقى كده مافيش سده. ولا ايه راى حضرتك؟؟

زى ما قلتلك قبل كده ممكن يكون فيه اسباب كتير لكن خلينا فى الاسهل ... ممكن بس تتأكد الاول ان مصفاة البنزين الى موجوده فى التانك مش مسدودة من الاوساخ او الترسبات ... وبعد ما تتأكد انها نضيفة نبقي نكمل كلام