الموضوع: لو قدامك عربية تويوتا وعربية رينو 2008

هو امتى اقول صوت العربيه عالي
مش المفروض في السلانسية بتاعها

انا اتحدى اي صوت في السلانسية مع الكورولا مع فارق صوت الجنزير بتاع الكاتينه

وبعدين مسألة ثبات العربيه
مشكلة الكورولا فعلا ان الكاوتشات اللي بتنزل بها عالية ومش عريضه كفاية على الطريق
واول ما بتغير الكاوتشات دي بتلاقي العربيه ولا الهوا فعلا

المشاركة الأصلية كتبت بواسطة chato_eg

على الأقل مش بعد ما دفعنا الفلوس دى كلها فى العربية نروح نشترى لها جنوط و كاوتش للحصول على الثبات اللى يخلينا مطمئنين......

فاكرين ساعت ما المرسيدس ال A class نزلت أول مرة فى منتصف التسعينات تقريبا و فى مجموعة صحفيين سويديين جلربوها و اتقلبت بيهم إبه اللى حصل ؟
كل العربيات خدتها مرسيدس غيرت كاوتشها و ركبت لها ESP من اللى كان فى ال S class طبعا مجانا. أهى دى حاجة ممكن تخلينى مطمئن لما اشترى A class لكن أكيد أيقى قلقان لو اشتريت كورولا حتى لو غيرت الكاوتش و الجنوط

ما هيا المشكلة ان العربيه مش للدرجه التي يتصورها البعض

العربيه مش بتعوم لوحدها
كل ما في الامر ان العربيه لو لفت منك او عومت منك فعلا مش بتساعدك على انك تلمها مش اكتر
يعني مش بتبقى ماشي لوحدك كده وتلاقيها بتعوم
لأ الكلام ده لو حصل شئ مفاجأ
ومتهيألي ان تغيير الكاوتش مفيهوش اي مشكلة يعني
خصوصا مع احترامي انت مدفعتش ثمن مرسيدس يعني

ما هو لو هنتكلم على الفلوس
شوف كريم مثلا اشترى عربيته بكام ولو حب يبعها دلوقتي هتجيبله كام
وبالمثل شوف حضرتك دفعت كام ولو حبيت تبيع دلوقتي هتجيب كام

ده لو حضرتك عاوز تتكلم في السعر والفلوس علشان اربع فرد كاوتش بالف جنيه وفكه

المشاركة الأصلية كتبت بواسطة karim_monir

يا شاركي كرولا 2005 -1600 تقارنها ب ميجان 2005 كدة صح
كرولا 2005 كان فيها ABS +EBD وجنوط 15/195-60 وثباتها هايل وانا كنت بجري بيها على 190 ولينا زميل هنا معايا في شركتي اسمه مهندس محمد صلاح هاخلية يدخل يكتب تجربتة لانه كان معاه فكترا 95 وجاب كرولا 1600 كاملة

فعشان تقارن لازم تقارن مقارنة عادلة
حدد الكلام عن كرولا 2005 ولا ميجان 2008 وكرولا 2008
وبعدين خد باللك ان كرولا من 2001 الى 2007 بموتور وفتيس واحد يعني كانو بيغيرو العفشة والشكل حاجة بسيطة وكانت فلتة بالموتور ال vvt-i
لكن الجيل العاشر نزل مختلف كليا وجزئيا فمينفعش تقارنها ب ميجان اللي ماتغيرتش من 2003 تقريبا الا تغيرات بسيطة
في نظري المقارنة غير عادلة اطلاقا
لازم نقارن جيل بجيل
زي السيفك مثلا 2007 مع كرولا 2008 ومايدخلش معاهم بقي مازدا 3 لانها تصميم 2006
ده المقصود عشان ما نشتتش الناس اللي بتحاول تدخل وتستفيد
ونتحول من نقاش يفيد الناس
الى صراع على عربية مين احلى من مين
:ack2::ack2::ack2::ack2::ack2::ack2::ack2:

كريم باشا فينك من زمان

ما هو المشكله إن الميجان رغم إنها جيل أقدم لكنها جديره بالمقارنه بالجيل الجديد من الكورولا اللى للأسف طلع مش على المستوى المتوقع منه
على فكره كونتاكت كار فيه عربيتين كورولا 2008 واحده عامله 6500 كم والتانيه عامله 4000 وعليهم بتاعة عمى اللى عامله 8000 كم ومش لاقيين لها مشترى وواحده 2009 عامله 800 كم

تفتكر ايه اللى بيخلى الناس عايزه تخلص من العربيه دى كده ؟