الموضوع: أيهما أجدى قبل السفر: رفع السيارة أم بيعها بأي سعر

المشاركة الأصلية كتبت بواسطة yass1986

أحبائي رواد قسم فيليشيا وفيفوريت
أولاً كل عام وأنتم بخير وأعاد الله عليكم الأيام المباركة بالخير والبركات
ثانياً ...
أنا بإذن الله مسافر للخارج كمان حوالي 20 يوم
وللأسف مكنش قدامي وقت أعرض العربية للبيع قبل السفر بفترة أكبر
وبعد ما عرضتها لقيت كل العروض اللي بتجيلي للأسف فيها استغلال للموقف وبعيدة عن سعر العربية الحقيقي.
والسؤال:
هل أريح نفسي وأبيع العربية بأي سعر؟
ولا الأفضل إني أرفعها مع العلم إن السفر هيكون لمدة سنة إن شاء الله.
وهل صحيح العربيات القديمة نسبياً لو اترفعت فيها أجزاء بتبوظ وبالتالي هتحتاج مصاريف قبل ما أرجع استخدمها تاني؟

في انتظار آرائكم
ورمضان كريم

الله اكرم
انا سافرت بره حوالي 7 سنوات وطبعا كنت بنزل كل سنه اجازه شهر وكنت بعمل الاتي
حطيت العربيه في جراج وغطيتها ووضعت لوح خشب مربع تحت كل عجله -
في نهايه الشهر كنت بغير زيت قبل ما اروح الجراج وبعد ما اركنها في الجراج كنت بزود الزيت علي الاخر لحد مايغطي التكيهات وطبعا لما انزل اجازه كنت بفرغ الزيت ده واحط زيت جديد بالكميه المظبوطه
سيب المياه في الردياتير واياك ان تفرغه -- كنت بفك البطاريه واديها لاي حد عاوزها المهم ماتسيبهاش في العربيه
الاحتياطات دي حافظت علي العربيه زي الفل

المشاركة الأصلية كتبت بواسطة abdoumahros

الله اكرم
انا سافرت بره حوالي 7 سنوات وطبعا كنت بنزل كل سنه اجازه شهر وكنت بعمل الاتي
حطيت العربيه في جراج وغطيتها ووضعت لوح خشب مربع تحت كل عجله -
في نهايه الشهر كنت بغير زيت قبل ما اروح الجراج وبعد ما اركنها في الجراج كنت بزود الزيت علي الاخر لحد مايغطي التكيهات وطبعا لما انزل اجازه كنت بفرغ الزيت ده واحط زيت جديد بالكميه المظبوطه
سيب المياه في الردياتير واياك ان تفرغه -- كنت بفك البطاريه واديها لاي حد عاوزها المهم ماتسيبهاش في العربيه
الاحتياطات دي حافظت علي العربيه زي الفل

شكرا على الشرح الوافي يا أستاذ عبده
ربنا يجعله في ميزان حسناتك