الموضوع: مطلوب رأيكم....أنسينيا أو باسات زيرو أو 320 موديل 2010

المشاركة الأصلية كتبت بواسطة ahmed a.maksoud

متعرفش التانك مكتوب عليه أيه ؟

مش عارف بس غالبا العربيات الحديثه بيبقى مكتوب عليها 95

هى الانسجنيا مكتوب في الكتالوج بتاعها انها تقبل بنزين 91 و لكن اداء العربية هيقل من ناحية العزم لأن اكيد الاداء على اوكتان 91 غير 95 غير 98 و الانسجنيا عربية توهم و حاجة فخمة من ناحية الشكل او اداءها كويس و ناس كثير شكرت في العفشة بتاعتها مع انها نازلة بجنط 18 مشكلتها ضعف النور بالنسبة للهالوجين و استهلاك بنزين عالي نسبيا و التيل بيصفر بدري و بيتم تغييره في التوكيل على حساب الضمان

المشاركة الأصلية كتبت بواسطة Hosam_Optrawy

ازيك يا احمد باشا كل سنه وانت طيب وحشتنا مشاركاتك :)

بصراحه الموضوع محير , بس مبدأيا انا معاك في إستبعاد الباسات , وحتى لو عايز يغامر يبقى على الأقل يستنى الشكل الجديد اللى خلاص أعلنوا عنه , مش معقوله يركب شكل قديم في عربيه هاتقعد معاه فتره أكيد

في عربيه تانيه تستحق التفكير فيها وهى ال 508 بس برضه يستنى ال FaceLift اللى أعلنوا عنه وأكيد هاتنزل بعد كام شهر

أما لو مستعجل وعايز يشترى دلوقتى يبقى الانسيجنيا , انا بس اللى مقلقنى منها مش مشاكلها او أسعار قطع غيارها أو معاملة منصور في الصيانة , اللى يخوف هو مستقبل العربيه أساسا في مصر , لان الانسيجنيا نازله بره من 2008 وإتعملها FaceLift السنه اللى فاتت وبعدها منصور نزلها , ممكن بعد سنه أو إتنين ينزل شكل جديد ومنصور ميجبوش وعلى حسب علمى العربيه ماباعتش كتير أساسا خلال السنه دى , وبكدا هاتبقى ضحيه في السوق زى عربيات كتير نزلت قبل كدا إتباع منها شويه وإختفت

اما المستعمل بحره واسع وطبعا اول حاجه الواحد يفكر فيها 320 و C180 بشرط الحاله والإستعداد لمصاريف تشغيلها , وفى رأيى يحاول يلقط حته F30 كسر زيرو يبقى عمل الصح وسيبك من كل الهرى دا :)

أزيك يا حاج حسام.....واحشني و الله.

طبعاً أنت أثرت نقطة مهمة جداً بخصوص الأنسينيا ألا و هي مستقبلها مش مضمون فى مصر

على الرغم من أنها عربية وهمية.....بس للأسف توكيل أوبل فى مصر قاضي عليها

عاوز أقولك ان صاحبي أقتنع بالنقطة دي و غالباً شال الأنسينيا من حساباته

لو هنتكلم على الباسات أو ال 508 فيس ليفت.....أنا شوفت صورهم و عاجبني جداً الفيس ليفت فيهم........بس معتقدش هينزلوا مصر قبل سنة على الأقل.

ال f30 للأسف خارج الميزانية بتاعته.

المشاركة الأصلية كتبت بواسطة 2CODE

مفيش كلام الـ320 تمسح بيهم الاسفلت كلهم كده

لكن !!!!!!!!!!!

انا بعشق حاجة اسمها زيرو مهما كانت حتى لو توكتوك

رأيي يروح للانسيجنيا بس برضه لو قدامه bmw 320 ده زمن الـe90 الجميل يعني افضل عربيات عملتها bmw هتعجبه جداً جداً جداً
لو يقدر على مصاريف تشغيلها يتوكل على الله ويكشف عليها في التوكيل هم بيخادوا فلوس على الكشف وكتير شويه بس مش عارف كام بصراحة

هو شاف فعلاً واحدة 2010 ماشية 65 ألف كيلو و كشف و الكشف فيه حاجتين مقلقينه شوية

أول حاجة طرمبة الفاكيوم و التانية هي كنترولر ال iDrive

هو جرب الأي داريف و لقاه شغال عادي جداً........بس هو مقلق لسه منها.

باقي الكشف فيه حاجات أنا شايفها عادية أو تلاكيك توكيل زي

1- شداد سير دينامو علشان عامل خشونة
2- فانوس خلفي شمال مع أنه مش مكسور و شغال عادي
3- بارة دركسيون شمال
4- الجنوط عاوزين يغيروها علشان فيها تجاريح من برة :-)

المشاركة الأصلية كتبت بواسطة J A G U A R

مش عارف بس غالبا العربيات الحديثه بيبقى مكتوب عليها 95

شكراً

المشاركة الأصلية كتبت بواسطة Omar Mahmoud

اوبل انسيجنيا

شكراً

المشاركة الأصلية كتبت بواسطة Abdo Taha

هى الانسجنيا مكتوب في الكتالوج بتاعها انها تقبل بنزين 91 و لكن اداء العربية هيقل من ناحية العزم لأن اكيد الاداء على اوكتان 91 غير 95 غير 98 و الانسجنيا عربية توهم و حاجة فخمة من ناحية الشكل او اداءها كويس و ناس كثير شكرت في العفشة بتاعتها مع انها نازلة بجنط 18 مشكلتها ضعف النور بالنسبة للهالوجين و استهلاك بنزين عالي نسبيا و التيل بيصفر بدري و بيتم تغييره في التوكيل على حساب الضمان

شكراً على الإفادة بس هو غالباً شالها من دماغه

المشاركة الأصلية كتبت بواسطة K.Ossama

رأيى مع الإنسيجنيا
الزيرو أضمن خصوصاً فى الزمن ده والسعر ده

شكراً

المشاركة الأصلية كتبت بواسطة Yusefabouelnga

الانسجنيا افضل شيء عشان زيروو مين يدفع ربع مليون في مستعمل ؟ هيا اه الbm e90 جميله لكن متنفعش لمشاوير كل يوم لانها واطيه علي لارض و مصارفها كتير جدا لكن الانسجنيا جميله و حلوه عشان المشوير و كمان موتورها 1.6 turboو 170حصان و عزمها 230نيوتن متر و كمان نظم الامان الكتيره جداا و كفايه شكلها من بره و خصوصا من جوه.

شكراً

المشاركة الأصلية كتبت بواسطة omar mahmoud

حاليا الاوبل انسيجنيا بشوفها في الشارع اكتر من بيجو 508
و ال508 اساسا انا شوفتها قليل جدا في الشارع من يوم ما نزلت

مع أحترامي لرأيك....أنا بشوف العكس

ألا لو بتتكلم على الأسترا