رأي ملاك بيجو ٣٠١ فيها

**age** · 12-07-2014 03:24 PM

المشاركة الأصلية كتبت بواسطة hero 99

ﺷﻜﺮﺍ ﻟﺮﺩ ﺣﻀﺮﺗﻚ
ﺑﺲ ﺣﻀﺮﺗﻚ ﺷﺎﻳﻒ ﺍﻥ ﺍﻟﻌﺮﺑﻴﺔ ﻋﻤﻮﻣﺎ كويسة

Yes

**RoadFinder** · 16-07-2014 03:23 PM

المشاركة الأصلية كتبت بواسطة amrelsaqqa

انا العربية كانت ومازالت عاجبانى في الفئة المانيوال ، سعر مقابل قيمة محترم جدا ، وعربية كويسة جدا
اما الاوتوماتيك في الفئة 140-150 افضل الكروز عنها كعربية

المشاركة الأصلية كتبت بواسطة abohend

العربية كويسة جدا في فئتها
و رأي عمرو السقا مضبوط أوي
لو دخلت فئة الهيلاين يبقى شوف الكروز أحسن

لكن بعد زيادة البنزين مصاريف تشغيل اي عربية 1600 زادت جدا
يعني لو بتعمل 10000 كيلو في السنة يبقى هتفول بألف لتر (إستهلاك 10 لتر لكل 100 كيلو)
1000 لتر يعني 2600 جنيه في السنة و صيانات بحوالي 2000 يبقى 4600 في السنة
كتييييييييييييييير جدا جدا

و لو عربية للأسرة كلها و بتعملك 30 ألف كيلو في السنة يبقى عايز ب7800 جنيه بنزين و ده رقم خيالي

شوف عربية 1400 أو أقل أحسن

معلش ياجماعه ليه تعقيب على المقارنه بين الهايلاين والكروز انا دخلت على كونتاكت كار وعملت مقارنه عشان اعرف ليه الكروز احسن ومعرفتش
اولا السعر لصالح البيجو
نقلات الفتيس 6 فى الكروز و 5 فى ال301 _______مش شايف فيها حاجه جامده
العزم طبعا كاتبينه غلط للبيجو هو فى البيجو اللى اعرفه 150 وفى الكروز 155
الباور هورس واحد فى الاتنين بس خلى بالك وزن ال301 اخف ودى ميزه
التسارع للبيجو احسن
خزان الوقود فى الكروز اكبر
السرعه القصوى واحدة تقريبا
جنط البيجو 16 والكروز 15 ودى تفرق معايا عشان العلو عن الارض
الشنطه فى البيجو احسن
طب فين بقى الفرق الجامد اللى بيساوى 150000 - 138500

**amrelsaqqa** · 16-07-2014 03:27 PM

المقارنة ما تتعملش كدة
انت ممكن بالمقارنة كـ مجرد specs كدة
تطلع الـ بي ام 316 اقل منهم !

**RoadFinder** · 17-07-2014 10:25 AM

المشاركة الأصلية كتبت بواسطة amrelsaqqa

المقارنة ما تتعملش كدة
انت ممكن بالمقارنة كـ مجرد specs كدة
تطلع الـ بي ام 316 اقل منهم !

يا باشا انا معاك و مش بهاجم الكروز بس بجد والله اعتبرها معلومه هامه انا عاوز استفيد بيها عاوز اعرف ايه الفروق بين العربيتين اللى تستاهل فرق 11500 جنيه ده لو كان لسه الكروز ب 150000

**2CODE** · 17-07-2014 05:23 PM

المشاركة الأصلية كتبت بواسطة عمرو بندق

أستاذ hero 99 أعتقد و دة رأى شخصى أنك معجب بالعربية بس عايز حد يشجعك
أنا معايا المانيوال و الحمد لله السيارة مريحة و شكلها حلو و أستهلاكها للبنزين متوسط و واسعة و سعرها مناسب جدا و بالنسبة لموضوع الفرامل حتلاقيه فى عربيات كتيير و على سبيل المثال فى النيسان الصنى الجديدة ... و أنا مرة قرأت فى المنتدى عن صاحب سيارة BMW بيقول أن معظم التوكيلات بيسترخصو فى تيل الفرامل و أنه عنده نفس مشكلة الصفارة فى التيل
نصيحتى لو مش حيفرق معاك هات المانيوال مافيهاش نتشة الأوتوماتيك و لو تقدر تزود هات حاجة أعلى

صفارة في التيل و BMW !!!!

DON'T MIX خالص على فكره

اللي يجرب التعامل بتاع التوكيلات الكبيره زي بي ام ومرسيدس هيعرف يعني ايه تعامل مع العميل - يعني بعد ما تشتري العربية منهم يتصل بيك المبيعات على مدار شهرين يسأل على العربية !!!!!!!

معلش خلي الـBMW على جنب شويه من مشاكل الشركات الغريبة دي !!!!!!!!!!