انا شارى شيفروليه لانوس من شهرين
وكنت بسمع نفس الكلام ان كلها عيوب وتقفيل وحش وكلام كتييييييييييير
بس كلامى ده عن تجربة الشهرين دول وكنت راكب سكودا فابيا قبلها
1- تقفيل ممتاز مفيش هوا ولا ماية بيدخل الكابينة
2-عزل جيد جدا وانت قافل الازاز
3-تكييف تلاجة بيسقع بسرعة فى عز الحر
4-تسارع حلو تحس ان العربية عايزة تجرى من اقل لمسة
5-العزم مع التكيف بيقل حاجة بسيطة-وده العادى-فى اى عربيىة بس مش لدرجة انها تبقى بطة
6-فتيس ناعم بس ممكن تلاقى المارشدير يعلق لو مش دايس دبرياج بضمير ومش دايما بتحصل
7-صوت الماتور رخم شوية بس اكيد هيتظبط مع الاستعمال (بدئت احس بتحسن فى الصوت)
8- سعر مناسب جدا 79 الف فى حين انك لو قارنتها بالفيرنا الgls الى فيها فاميه ومفيهاش فوجات هتلاقى حوالى فرق 5 الاف جنبه وما ادراك بعيوب الفيرنا من تقفيل وكاوتش وكركرة ماتور وكاسيت
9-الصاج ضعيف نسبيا زى اى عربية كورى
10-ثبات جيد جدا وكنت ماشى على 130 كم

انا شايف انها صفقة رابحة وخصوصا لو انت هتجيبها قسط لانك هتبقى عايز عربية زيرو وبسعر كويس وتستحمل وصيانتها رخيصة