مشكله فى مكيف الرينو ميجان

**ftym44** · 10-07-2014 03:09 PM

السلام عليكم اعزائى و احبابى اعضاء المنتدى الكرام
كل عام وانتم بخير
وااله انا عندى مشكلتين فى سيارتى رينو ميجان 2008 اتوماتيك يا ريت حد يفيدنى لانى فى السعوديه وهنا متلاقيش ميكانيى بيعرف يصلح و التوكيل نااااااااااااااار

المشكله الاولى
مكيف العربيه مره يشتغل و مره لا يشتغل
ودلوقتى بطل يشتغل خالص

المشكله التانيه

صوت المكينه عالى و بتنزل زيت من جنب قاعدة الموتور الى على الجنب والمكينه بتهتز جامد لدرجه انها بترج العربيه و هيا واقفه

ياريت حد يفيدنى و لكم جزيل الشكر
اخوكم احمد ماهر من مكه المكرمه

**mmelg505** · 10-07-2014 05:02 PM

السلام عليكم اخ ماهر انا محمود من جدة اعرف واحد ممتاز يضبطللك التكييف ومورشة متخصصة في الرينو لكن في جدة لو حابب اقابل حضرتك تحت امرك رقمي 0554411820

**MohammedAladel** · 10-07-2014 06:54 PM

فيه 3 قواعد

القاعدة العلوية يمين السيارة من فوق .... ودى عندها طقم الكاتينة والتسريب لو من عندها ممكن يكون من أويل سيل الكامة العلوى فيه 2 والزيت هينزل من تحت
على شمال المحرك فيه 2 طبة زيت ممكن يبقى ليهم تسريب وتحتهم كوعة المياه وممكن لما تبوظ تسرب زيت وتخلط مياه التبريد على زيت المحرك وهيبان فى قربة المياه
ممكن يكون التسريب من وش التاكيهات فوق المحرك
ممكن يكون بين الفتيس والمحرك من أويل سيل الكرنك والزيت بيسيل وينزل على الكرتيرة وعلى شداد الفتيس السفلى ومارش العربية

موضوع التكييف روح لأى حد بتاع تكييف يفحصلك الشحن ويبص على الكمبرسور .... وبعدها أى كهربائى يفحص دورة التكييف الكهربائية

**ftym44** · 12-07-2014 04:16 AM

انا بشكرك يا اخ محمود على حسن تعاونك
الحمد لله المكيف اشتغل
دلوقتى المشكله تسريب الزيت لو فيه ميكانيكى بتاع رينو فى جده

**ftym44** · 12-07-2014 04:21 AM

وشكر للاستاد محمد لان التسريب من اولسى الكاتينه الى فوق كلامك مضبوط

**MohammedAladel** · 12-07-2014 11:08 PM

يعنى مكنتش هتشكرنى لو التسريب كان من مكان تانى

مبروك

**mmelg505** · 13-07-2014 05:56 AM

في ورشة متخصصة رينو بجدة قولي حضرتك هتنزل امتي واروح اشوف مواعيدة وابلغك

**ftym44** · 14-07-2014 05:13 AM

الله انا عاوز انزل جده بعد العيد مباشرا
ولو حضرتك تعطيى اى معلومات ع الورشه فين مكانها او رقم المعلم اكون شاكر جداا لك

**mmelg505** · 14-07-2014 06:12 PM

مكانها جدة بني ماللك خلف الطيران المدني زي مقولت لحضرتك كلمني قبلها واشفهوللك مواعيدة اية هو المكانيكي دة كان شغال في الزاهد سابقا ومحترف رينو مشكلتة اسعارة شوية غالية بس انا اعرف واحد بتاع قطع غيار في جدة قريب منة رقمة ضاع مني والله انا كنت بتعامل معاة لان كان معة صحابي 2 رينو ميجان وعلي طول كنت عندة بس الحمد لله بعناهم من سنة