الموضوع: الدبرياج مطلوب ، والموتور مش شغال ؟؟

السلام عليكم

أنا لسه بتعلم سواقة ، و بينما :) انا بتصفح احد دروس السواقة ، لقيت واحد بيقول : "قبل ما تدور العربية لازم تتاكد ان الفتيس فى وضع المور ، ولو مش فى المور .. دوس دبرياج وانقله للمور" ..

رغم ان الموضوع بسيط بس انا عايز اتاكد هو فعلا لازم ادوس دبرياج ؟؟ ليه مادام الموتور مش شغال ؟؟ اعتقد ان الغرض من الدبرياج انه يفصل الموتور عن التروس اثناء الحركة عشان سلامة التروس ، بس الموتور اصلا مش شغال فايه فايدة الدبرياج هنا ؟؟

لا شكر على واجب ....

النقطة التانية الى حضرتك ممكن تلاحظها بنفسك ..... لو الموتور مش شغال ... و وجدت الفتيس واخد غيار و جيت تحرك الفتيس لوضع المور .... الفتيس مرضيش ييجى معاك !!!! ايه المشكلة ؟؟؟!!!

او حاجة تيجى فى دماغك ان العربية محملة على الفتيس ... يعنى ممكن تكون العربية واقفة على ارض فيها انحدار بسيط و العربية اتحركت شوية و تعشيقة الفتيس هى الى وقفتها .....

تاخد بالك ... التعشيقة مش حتفك الا لما تدوس على الدبرياج ( و الموتور مش داير ) و بعدين تحرك الفتيس للمور

تاخد بالك برضو ان العربية حتبدأ تتحرك بمجرد ما تدوس دبرياج