السلام عليكم
بالنسبه للعيوب
1- العفشة ناشفة (عيب قاتل وشكله ملوش حل وانا سبت السبورتاج علشانة لقيته في الكورولا)
2- عداد البنزين باظ من تاني تفويلة وانا شغال باحسب الكيلو مترات لحد ماعمل الصيانه (التوكيل اداني معاد بعد15 يوم من الاتصال)
3- صوت تزييق في التابلوه من الناحية الشمال (اخر ازعاج )
4- استهلاك البنزين اعلى مت المتوقع بالرغم من ان سواقتي هادية
هي دي العيوب حتى الان وبصراحة انا مصدوم في الكورولا
مبروك العربيةاقتباس:
المشاركة الأصلية كتبت بواسطة hanzala
1. المفروض تظبط ضغط الهوا في الكاوتش علي 33 مكنش يبقي حط نيتروجين و بعدين تربط عفشة بتفرق جامد قوي و خد بالك العفشة رياضية عشان الثبات و برضو في الاول بتبقي ناشفة و بعد شوية بتطري دي اجزاء ميكانيكية بتحتاج شوية تلين مع اامشي .
2. عداد البنزين حاجة من 2 سلك مفكوك او عوامة و مفيش داعي للقلق دي حاجة بسيطة قوي ودي فايدة الضمان
3. حاجة بسيطة ان شاء الله و ليها حل
4. استهلاك البنزين في التليين لازم يبقي عالي و ده شئ طبيعي جدا و ممكن تكون القراية مهيسة عشان العوامة مش شغالة عموما قولنا هو كام .
ان شاء الله كلها حاجات سهلة و ربنا يسعدك بعربيتك
الصوت فى التابلوه من الناحية الشمال بجد حاجة تزهق, وفرامل العربية مش محترمة زى عربيات تانية كتير سقتها. فى فرق واضح ان فرامل الكورولا اقل كفائة من المتوقع, ده عن تجربة
موضوع صوت التابلوه فده واضح انه عيوب فردية انا العربية معايا من شهر مايو مفيش مره سمعت صوت من التابلوهاقتباس:
المشاركة الأصلية كتبت بواسطة محمد الوااالى
بالنسبة للفرامل فأقدر أقول لحضرتك اني كان معايا چيتا ٢٠٠٨ خليجي وبأمانة فرامل التويوتا أفضل كتير والثبات عند الفرملة المفاجئة ممتاز .. ياريت تراجع التوكيل ممكن التيل عاوز مراجعة
كل سنه وانتم طيبيين
انا بأه بسمع صوت تزييق من الكاسيت , عامل زى صوت إبرة ال cd rom, مع العلم انا خرجت الcd من الكاسيت وقولت يمكن هى اللى عامله الصوت دا , بس بردو بسمع نفس الصوت على فترات متقطعة و مش عارف أعمل إيه ؟؟
وانا بعمل صيانة ال 1000 قولت لمهندس الصيانه الكلام دا , بس معرفش يرد وقالى يعنى لو طلع بالعربيه وجرب , الصوت هايظهر , قولتلو ممكن تسمعه وممكن لاْ , وخلص الكلام على كدة , بس انا مرضيضش اغلس وقولت خلينى اشوف الصوت هايزيد ولا هايختفى على ميعاد الصيانه القادمة 5000 كم .
موضوع الجير 4 سرعات في كورولا الخليج في اعتقادى ان تجميع اربع سرعات افضل من تجميع 6 او 8 سرعات ومعلومة ان وضع الجير على السرعة الرابعة بيكون اخر ترس كبير بيعطي للسيارة سرعة توصل 220 كيلومتر في الساعة لل 1.6
انا كمان ظهرت عندي تكتكة الكرسي بتاع السواق مع الفرامل و الطلعة , و كمان زنة التابلوه
اريد حلا يا جماعة عشان بدأت اتخنق
معلومة انا من الاسكندرية