الموضوع: أستلمت BYD 2015 Automatic

[caps]أخيراً . بعد دراسات مستفيضة قررت أشترى السيارة و فعلاً أستلمتها يوم الخميس و الترخيص يوم الأحد ان شاء الله .... وطبعاً أول حاجة عملتها أنى غيرت فرش العربية (ركبت تلبيسة) لأنى بصراحة مش مقتنع باللون السن فيل بتاعها وللعلم العربية نبيتى وفى رأى الشخصى أظن ده أشيك لون فى العربية و خصوصا بسبب علامة البى واى دى اللى بينور فى الشنطة أحمر.
وطبعاً هاقول المميزات و العيوب اللى حستها فى أول 40 كيلو لأنى طبعاً مامشتش بيها غير 10 كيلو و هى عدادها كان على 32 كيلو وقت ما استلمتها:
المميزات:
* عربية ضخمة من الخارج وواسعة من الداخل ومع ذلك يسهل التعامل معها (للعلم كان معايا قبلها رينو كليو)
* تكييف جيد و مرضى بشكل كبير كبداية لأنى جربته 10 دقائق بس للتجربة فقط و كان الجو برة العربية نار 41 درجة
* أوبشن كتير بس ناقص بردو شوية حاجات زى المالتى و فتحة السقف و حساس البركنج و حساس النور.
العيوب:
* طبعاً اللى هأقوله دلوقتى هو فى حدود التجربة الأولية
* فيه صوت للتيل أحياناً بأسمعه و أحيان لأ
* صوت طقة و بتروح عند كسر الدركسيون للأخر و التحرك
* الكاسيت لا يدعم الفلاشة.
* بعض الوبشن الناقصة و كاتبها فوق و نضيف عليها مسند الكنبة الخلفية
*العفشة معقولة بس مش واااو بصراحة بتحس بالمطبات سنة زيادة بالنسبة لعربية لسة زيرو.
* التابلوه و الحاجات الداخلىة فقيرة حبتين زى مثلا هوايات التكييف ضعيفة ومش محملة .. وطبعا ده التقفيل المصرى لترخص سعرها.... بس فى العموم العربية ممتازة على اد سعرها
وبالتأكيد هكمل الموضوع بعد صيانة الالف زز الى الصور قبل الفرش ولسة هصور بعد الفرش بصراحة كنت خلاص خلصت لانى جبت العربية بعد الشغل وقبل الفطار و اليوم كان حر وكنت عايز اروح استريح و نسيت اكمل تصوير.
[/caps]
[IMG]<a target="_blank" href="http://imageshack.us/photo/my-images/856/v2jt.jpg/"><img src="http://imagizer.imageshack.us/v2/150x100q90/856/v2jt.jpg" border="0"></a>
<a target="_blank" href="http://imageshack.us/photo/my-images/849/mngs.jpg/"><img src="http://imagizer.imageshack.us/v2/150x100q90/849/mngs.jpg" border="0"></a>
<a target="_blank" href="http://imageshack.us/photo/my-images/841/5ys16.jpg/"><img src="http://imagizer.imageshack.us/v2/150x100q90/841/5ys16.jpg" border="0"></a>[/IMG]
http://imageshack.us/photo/my-images/856/v2jt.jpg