مشكلة في تكييف الفيرنا بعد تركيب فوانيس شبورة

**mshmshm3** · 12-07-2014 12:34 AM

العربية فيرنا مانيوال فول اوبشن من فترة ركبت فوانيس شبورة و طبعا فك الكونسول اللي في بكر التكييف و المهم لما خلص بشوف الشغل اللي عمله و براجع عليه لاقيت الزرار اللي بيجيب الهوا من برة معلق في النص و مابيروحش يمين ولا شمال المهم قولتله و قالي انا ما فكيتش الواير ده اصلا المهم عمله و اتظبط و جربته و شغال تمام
الفترة اللي فاتت دي في اول الحر لما اشغل التكييف و في عربية قدامي بدخن اشم ريحة الدخان واضحة في الصالون و بتزيد
قبل كدة مكانش بيحصل كدة ابدا ابدا كنت بمشي ورا اي عربية بدخن و اشغل التكييف و مفيش ريحة عادم بتدخل الصالون
ايه اللي ممكن يكون حصل تسبب في ان الهوا اللي برا يدخل الصالون
فكروا معايا
ممكن الفتحتة اللي بتجيب هوا التكييف من برا اتكسرت مثلا ؟
ممكن كاوتشة من كاوتشات الباب باظت ؟
ممكن الازاز اللي قدام في مشكلة في الجوان اللي حواليه ؟
اجرب في مرة امشي ورا عربية مدخنة و اطفي التكييف و اشوف الهوا هايدخل ولا لا ؟ ولا اعمل ايه

**دكتور خالد** · 12-07-2014 12:46 AM

واضح ان الزرار بتاع تدوير الهواء مش شغال .. والوضع معلق على ان العربية تسحب هواء من بره باستمرار و ده هيدخل اى روائح موجودة بره وكمان هيأثر على كفائة التكييف