والله العظيم معلم ودة الى انا بدعو لية الشغل بادينا الخواجة مفهوش دماغين وحنا دماغ واحدة اى حاجة عملها ابن تسعة يعملها اى حد تانى واى حاجة فيها كمبيوتر يبقا لازم يكون فيها باك دور
رقم العضوية : 45
تاريخ التسجيل : 18Apr2007
المشاركات : 5,565
النوع : ذكر
الاقامة : المعادي..أخر الشارع
السيارة: Logan A/T-Yaris HB HL
السيارة[2]: Astra J Cosmo
دراجة بخارية: NO
الحالة :
كتير جدا بنسمع عن دراع اشارات بتاع فلان الفلاني أو بتاعنا شخصياً ضرب أو مبقاش ينور ...أو أو أو...
يوم 6 أكتوبر اللي فات...كنا معزومين في حتة و فضلنا قاعدين لحد باليل...و احنا ماشيين قلت أولع النور....
لاقيت حاجات غريبة بتحصل...لمبة العالي منورة لوحدها و مافيش نور...أقفل و أفتح نفس الكلام يحصل....لحد ما هوب....اللمبة قطعت....و مافيش نور خالص...غير من لمض الشبورة و السهاري ....
جربت أرعش لاقيته شغال عادي مافيش مشاكل...جربت أرجع الذراع لوراء عشان يدي عالي علطول...مش جايب حاجة...
يبقي كده اللي باظ النور الواطي و العالي....لكن بقية الحاجات شغالين
أول حاجة عملتها روحت لكهربائي جمبي...عارفه كويس و عارف شغله....جربنا كل حاجة ممكنة فيوزات و فيش و لمض و سلوك و كل حاجة...بس ماعرفش في الأخر العيب من ايه...و قاللي انا اسف مش هاقدر اشتغل فيها أكتر من كده ...وديها التوكيل عشان مابوظش حاجة...المهم شكرته علي أمانته و اديته اللي فيه النصيب ....و تاني يوم توجهت للتوكيل
دخلت و فضلت مستني لحد ما كلموني علي الموبايل و قالوللي دراع النور بايظ و لازم يتغيير.....بكام يا عم؟....350 جنيه من غير ضريبة:k20:
قلتله شكرا جزيلا....رجع كل حاجة و هاخدها و أمشي....المهم غرمت 80 جنيه مصنعيات علي الفاضي
رجعت علي كهربائي تاني محترف أكتر من الأولاني س بسيبه للشغل التقيل....المهم عملت عبيط..و قلتله النور بايظ شوف ماله....عشان يمكن يطلع عيب عبيط..
قعد يجرب يجرب لحد ما كشف علي الدراع لقاه بايظ فعلا..و فال لازم يتغيير...و فال مابيتصلحش...لازم يتغيير...
قعدت في العربية انا و صاحبي مش عارفيين نعمل ايه....لاقيته بيقوللي ماتيجي نفكه نشوف ماله...و أهو كده كده بايظ...قلت ماشي....حاولت أفكه من مكانه...طلع بسهولة....و فكيت فيشته...و بكده خرج من العربية و بقي في ايدي....و اكتشفنا أثار حرق عليه...
روحت علي البيت...و فضيت المكتب و جبت العده و قعدنا...
ده شكل الدراع بعد ازالة الغطاء البلاستيكي....و لو تلاحظوا فيه أثار حرق و شياط بالداخل
هانفك المسمارين اللي فوق عشان نخش علي القلب بتاعه:
و ده القلب و مليان شحم:
بعد التجربة و فهم الميكانيزم قدرنا نوصل لأول خيط للمشكلة....الريش النحاس االي في أول صورة ريحت...و مابقتش تعمل كونتاكت مع بعضها....فا كان الحل انها تتظبط و تنيناها بمفك و بنسه بحيث انها بقت زي الأول تاني
نزلنا نجرب....مافيش فرق!!!المشكلة زي ما هي موجودة...بس علي الأقل حلينا ربعها!
اخدناه و طلعنا تاني....و فكيناه 100 حته.....و بعد البحث و التدقيق...وجدنا الجاني...القطعة البلاستيكية المسؤولة عن تحريك الريش النحاس ...و بالتحديد الجزء الذي لا تتعدي مساحته 3 مللي...و كانت سايحة!!!
هي الحتة اللي في النص دي.... و اللي مسؤوله عن النور الواطي!
نعمل ايه نعمل ايه؟؟؟!!؟!هدفنا دلوقتي نبني حته مكان اللي ساحت...فكرنا في بلاستيك و نسيحه عليها...فكرنا في أمير بطفي السجائر (قال يعني بندخن:D)...فا والدي و هو قاعد معانا....قالنا ينفع ايبوكسي؟!
ينفع طبعا....طلع يا معلم و اعمل الخلطة...عملناها و بدأنا عمليه التجميل...
الدبوس اللي علي شكل ديك ده كان البطل في عملية التهذيب و التشذيب...بحيث انها بقت أقرب للأصليه
ده بعد ما خلصنا تظبيط... و كنا سايبين فيها زيادات عشان تتعمل بعد ما تنشف بصنفرة...
اكتشفنا برده حته تانية دقيقة جدا كانت سايحة....بقطر 1 مللي في القطعة المسؤولة عن النور العالي...و عملنلها حشو زي بتاع السنان بالإيبوكسي
و بالفعل...حطينا القطعة في الشمس طول اليوم:k52: و كل واحد روح نام...و باليل أخدتها و قعدنا نعملها trimming عشان تبقي أبعدها زي الأصليه...و ركبناها.....و كانت المفاجأة!!!!!
إشتغلت يا رججاله:err::err::err::err:...النور الواطي اشتغل يا رداله....
شعرت بالفخر الشديد...و بلذه الإنتصار علي الصعاب و المشكلات (بقين حمضانين)
اكتشفنا أيضا المسؤول عن هذه المشكلة....لمبة الواطي و العاليH4..باظت و عملت قفلة....فا سيحت الدراع...
أثناء محاولتنا لإصلاح الدراع....حاولت أتصل بمحلات قطع الغيار أسأل علي سعره...
أول واحد كلمته قالي 160 جنيه.... و تاني واحد 125 جنيه:D:D:D....و الإتنين الأصلي الكوري....و والدي من كتر ما زهق مننا قاللي انا نازل أجيبه بدل العك اللي انتوا بتعملوه ده:D
________________________________________________
بكده يا اخواني....اتمني انكم تكونوا استفدتم من تجربتي أنا و صاحبي...و ديما حاولوا تشتغلوا بايدكم (كلما أمكن)...و ماتجروش ورا كلام التوكيلات أو الصنايعية
رقم العضوية : 21832
تاريخ التسجيل : 11Oct2008
المشاركات : 102
النوع : ذكر
الاقامة : ليبيا-الاسكندرية
السيارة: متسوبيشى
السيارة[2]: مازدا323
الحالة :
والله العظيم معلم ودة الى انا بدعو لية الشغل بادينا الخواجة مفهوش دماغين وحنا دماغ واحدة اى حاجة عملها ابن تسعة يعملها اى حد تانى واى حاجة فيها كمبيوتر يبقا لازم يكون فيها باك دور
رقم العضوية : 2879
تاريخ التسجيل : 30Oct2007
المشاركات : 1,453
النوع : ذكر
الاقامة : EGYPT
السيارة: i hope
السيارة[2]: PUNTO
دراجة بخارية: NO
الحالة :
انت راجل تمااااااااااااااااااااااا ام
فعلا عندك حق لازم الواحد يحاول مع الحاجة بنفسة ارحم من عك الصنايعية وانت فشل يكون مضطر يروح ليهم
رقم العضوية : 16397
تاريخ التسجيل : 14Aug2008
المشاركات : 243
النوع : ذكر
الاقامة : cairo
السيارة: 328i
السيارة[2]: c250
الحالة :
الله ينور عليك
بس معنى كده انك لازم بسرعة تركب كتاوت بين الدراع وبين النور و بكده اى حاجه حتحصل فى اللمبات مش حتبوظلك الدراع و كل اللى حيبوظ الكتاوت و ده سهل يتصلح
:k49:
رقم العضوية : 6461
تاريخ التسجيل : 26Feb2008
المشاركات : 4,573
النوع : ذكر
الاقامة : Nasr City
السيارة: الحمد لله
السيارة[2]: Verna
دراجة بخارية: لا يوجد
الحالة :
ميه ميه وه ده الشغل التمام ياباشا
سبحان الله و بحمده سبحان الله العظيم
رقم العضوية : 3512
تاريخ التسجيل : 01Dec2007
المشاركات : 2,280
النوع : ذكر
الاقامة : cairo-shoubra
السيارة: honda civic 2007
السيارة[2]: hyundai matrix 2008
دراجة بخارية: لا يوجد
الحالة :
شغل عالى جدا يا نادر والله و فعلا لما تصلح الحاجه انت هتحس بلذة تصليحها عن لو كان الصنايعى هو اللى صلحهالك بس متهيألى ال127 كانت سبب فى تعليمك كتييييييير من الحاجات ديه اصل نفس الموضوع كان بيحصل معايا و كنت بقعد اجرب فيها بنفسى حتى الكاسيت لما جيت اركبو فضلت ورا السلوك و اجرب سلك سلك لحد ما ركبته
[img2]http://cdn-img1.imagechef.com/w/110921/sampe24f53992f6e9e21.jpg[/img2]
رقم العضوية : 17722
تاريخ التسجيل : 01Sep2008
المشاركات : 5
النوع : ذكر
الاقامة : mansoura
السيارة: speranza
السيارة[2]: fiat128
الحالة :
الله ينور عليك يا نادر ونرفع لك القبعة استاذ والله
انا صراحة بموت ف حاجة اسمها الاعتماد على النفس وعلى العقل اللى ربنا اعطاه لنا
اكيد الصنايعى عمره ما هيفكر زيك بالطريقة العلمية دى كل اللى هيعمله هيدور على العيب نظام ترايل اند ارور قصدى التجربة والخطأ وممكن يبوظ حاجات كتيرة
وفعلا يكفى كمية السعادة اللى الواحد بيحسها لما يحل مشكلة فشل فيها الاخرين
احييك بشدة ولو فيه تجارب تانيه احكيها لنا
رقم العضوية : 12396
تاريخ التسجيل : 06Jun2008
المشاركات : 2,776
النوع : ذكر
الاقامة : Alexandria
السيارة: lada
السيارة[2]: Lada 2105
الحالة :
الله ينور عليك
رقم العضوية : 18957
تاريخ التسجيل : 14Sep2008
المشاركات : 135
النوع : ذكر
الاقامة : Egypt
السيارة: Fluence E3 2016
السيارة[2]: Logan F/O 2011
دراجة بخارية: no
الحالة :
زى الفل اصلى والله
بجد الله ينور عليك
رقم العضوية : 143
تاريخ التسجيل : 24Apr2007
المشاركات : 17,378
النوع : ذكر
الاقامة : Nasr City
السيارة: Toyota Yaris 2007
السيارة[2]: Nissan Juke 2013
الحالة :
الله ينور عليك يا نادر
شغل جامد
المفضلات