فعلا انتشارها مش كبير بس انا بشوفها اكتر من 508
لو فعلا نزلها زى ما بتنزل بره دى تبقى حاجه كويسه ليه .. بس برضه التوكيلات عندنا عيوبها كتير جدا
عرض للطباعة
الف مبروك علي العربية و ربنا يديك خيرها و يكفيك شرها
انا كنت عايز بقي استفيد من التقرير الرائع ده و اسئلك و اسأل كل الخبراء هنا سوأل مدوخني بقالي خمس شهور. انا معايا اوكتافيا ٢٠١٣ موتور ١٦٠٠ استلمتها اخر ٢٠١٢ و هيا ما شاء الله زي الفل بس انسي السحب و السرعة لانها بطة علي الطريق و كنت بفكر اجيب ال ٥٠٨ فهل الموضوع يستاهل و لا يبقي ما استفدتش حاجة ؟
و علي فكرة انا كان معايا بيجو ٤٠٥ فرنساوي موديل ١٩٩٢ كانت مع الوالد و اخدتها بعد كده و بعناها و هيا عاملة ٣٢٠٠٠٠ كم و معاملنلهاش و لا عمرة خالص، فياتري ال ٥٠٨ هتكون زيها كده؟
و اسف علي الاطالة و شكراً مقدماً
الله يبارك فيك هو بص حضرتك الفانتازيا كان اخرها معايا على طريق السخنه 195 وبتهنج بعد كده
وطبعا سحبها فى البدايه ضعيف بس بعد كده بيبقى كويس بس برده مايتقارنش بسحب ال508 علشان تيربو
بس ده مش معناه ان الفانتازيا وحشه بالعكس
الفانتازيا اثبتت جداره عاليا ولو حضرتك مرتاح فيها يبقى تمام
ال ٤.٥ لا تقارن بال ٥٠٨ نهائي عشان دي فئه اكبر و تكنولوجيا اعلى و بالمناسبه كان برضه عندنا ٤٠٥ بتاعة وادي و باعها و جاب الاوكتافيا
انا شايف ان ال ٥٠٨ اقوى بمراحل من حيث الاداء بمعنى الدوسه فيها بحساب بعكس الفنتازيا اللي لازم تتحايل عليها لو عايزها تسحب
بقى صالون الانسيجينا افخم من 508 ياراجل حرام عليك ؟ ده اللى قاعد ورى مزنوق على الاخر لو كرسى السائق رجع تكه صغيرة لورى ؟ ولا المكيف الخلفى بتاعها تعبان وفقير جدااااااا ولا سماعات الكاسيت بتاعها ولا الكرسى الوحيد اللى كهربا كرسى السائق واللى جنبه نص كهربا ولا الكنسول ومخدع السائق ؟ اقول ايه ولا ايه بس
بص معالى الباشا اللى فى السعوديه والخليج عامه الفول اوبشنز بتنزل بكل الماليات بما فيها الجنط 18 والاى درايف والجى بى اس لمنطقه الخليج ؟ اللى فى مصر جنط 17 ومافيهاش شاشه هاتلاقى مكان الشاشه رف ومافيهاش ولاحساسا جانبيه ولا اماميه وفى اعضاء كتبو فى المواصفات دى افضل منى هنا فى المنتدى وعلى راسهم ا كينج البيجو استاز احمد فهمى
طب كنت سمعت ان موديل ٢٠١٥ هينزل بموتور اقوى و فيس ليفت يا ترى الكلام ده حقيقي ولا لاء ؟
هل الوكيل عامل ليها تيست درايف ؟