لا بقى ده ياريت انت اللي تقول لي على مقارنه بينها و بين السيفيك
يعني النقله هتبقى كبيره و ملحوظه و لا ايه ؟
عرض للطباعة
بص الصراحة السيفيك كانت اول عربية ليا و بالتالي فيه حاجات كتيير ماكنتش باخد بالي منها لاني مكنتش مهتم اوي اني افهم حاجات عن العربية وعن الفروقات بينها وبين الموديلات التانيه.(بالرغم انها قعدت معايا فترة بس كتير كنت بسبها وبسافر)
بس عامة انا هحاول علي قد ماقدر افتكر لان السيارة كانت معايا من سنة ونص تقريبا و سبتها و جبت البيجو من 5 شهور تقريبا.
المهم
عفشة السفيك انشف بفرق ملحوظ عن البيجو بالرغم ان البيجو ناشفة شويه برده بس مش زي السفيك.
انا معايا الاكسيس في البيجو(وكان معايا البسيك في السفيك ) فكاكماليات البيجو تكسب وش وبفارق واضح.
الثبات مقدرش اقول الصراحة لاني مكنتش بدوس اوي في السيفيك (كنت لسه جديد :) ) .. بس البيجو الصراحة ما شاء الله تبارك الله ثباتها رائع... يكفيك اني اقولك وصلت بيهل لي 230 وكانت ما شاء الله لسه علي ثبات عالي جدا (بس يومها بقي الله يسامحهم اتلسعت مخالفات لما مليت الدرج عندي :) )
السحب طبعا في صالح البيجو .. جميل جدا و ممتاز.
الفرامل اعتقد السيفيك كانت افضل.
كشكل انا كنت بحب السفيك جدا بس لما تجوزت لقيت اني لازم افكر في سيارة عائلية شوية وواسعه. وهي طبعا واسهعة عن السفيك وافخم كتيير .. يعني ركوبه عن السفيك. بس برده البيجو شكلها شيك اوي بس تحسها للوالد مش شبابي اوي يعني :)
ده اللي انا فاكرة الصراحة ولو فيه حاجه معينة انت عاوز تعرفها قولي ممكن اكون نسيت.
Questions
انا العربيه عامله معايا 8600 كيلو اغلبهم سفر
استهلاك البنزين في السفر والتكيف شغال ومتوسط سرعه 120 ل 140 العربيه تمشيك 1200 كيلو وده من العداد بتاعاها وبنزين 92 ولو 95 هايلقي اداء احسن ومسافه اكتر
اما المشاكل التيل كان بيصفر بس لما نضفت الجنوط وغسلت العربية راح الصوت
وساعات الزرار اللي بيقلب الاغاني من الدركسيون بيتقل وحاليا بنشوف حل ليه في التوكيل
الاكسسورات جبتها من e bay عن طريق موقع edfa3ly
سلام عليكم
معلش سؤال صغير هي الفئة ال Allure نزلت مصر؟؟ وسعرها كام
ربنا يباركلك فيها
معلش تكملة السؤال : هل مواصفاتها هي نفس المواصفات ديه :