فك لريموت ومفتاح اللوجان وبعض التسؤلات العجيبه

**ahmedfouad** · 14-07-2014 01:28 AM

المشاركة الأصلية كتبت بواسطة amr adry

سؤال بسيط لأهل الخبره محتاج أركب جهاز إنظار للسيارة فى التوكيل ( لسه فى فتره الضمان) هيركبو الانزار على نفس المفتاح المشفر و لا هيكون جهاز منفصل عن المفتاح ولو حد يقدر يفيد فى التكلفة فى حدود كام !! وشكراً

بيتكلف تقريباً 1000 ج بالضريبة

**cobrahi** · 14-07-2014 02:33 AM

المشاركة الأصلية كتبت بواسطة ahmedfouad

بيتكلف تقريباً 1000 ج بالضريبة

كتير اوى اوى 1000 جنيه انذار بالف جنيه ليه ؟

هوة حاجه الرينو مولعه كدة .. ينهار ابيض دة انا كنت بفكر اشترى و الله النيو لوجان الجديدة ع كدة قطع غيارها مش موجودة اصلا و لو موجودة تبقا دبح

**ahmedfouad** · 14-07-2014 03:10 AM

السعر ده فى كل التوكيلات وفى عربيات الانذار بيتركب ب 1400 ج
واللوجان عربية اقتصادية اسعارها عادية جدا فى كل حاجة

**jericho** · 14-07-2014 05:00 AM

خلينا نتكلم بتعقل شوية ازاي توكيل زي eim يقول علي عربية فيها ايمبوليزر وهيا مفيهاش احنا اه بنعاني من العشوائية بس اي واحد لو رفع قضية عليهم غش تجاري هيكسب ملايين كمان الاستاذ الي كاتب الموضوع انت قدمت نفسك متخصص في الالكترونيات والاتصالات وواضح ان معلومات حضرتك عنهم مش كافية خالص بدليل ان مفتاح عربية اهو مانتش عارف اجزائه فابلاش نخش نعمل هيصة ونتكلم ونطلع اشاعات واحنا اصلا مش فاهمين وسامحني بس لازم حضرتك تقول معلومة انت متاكد منها علشان ده منتدي محترم وشكرا

**assaf** · 15-07-2014 12:28 AM

انا عملت مفتاح عادي مدورش العربيه فتح الباب بس

**cobrahi** · 15-07-2014 01:17 AM

المشاركة الأصلية كتبت بواسطة jericho

خلينا نتكلم بتعقل شوية ازاي توكيل زي eim يقول علي عربية فيها ايمبوليزر وهيا مفيهاش احنا اه بنعاني من العشوائية بس اي واحد لو رفع قضية عليهم غش تجاري هيكسب ملايين كمان الاستاذ الي كاتب الموضوع انت قدمت نفسك متخصص في الالكترونيات والاتصالات وواضح ان معلومات حضرتك عنهم مش كافية خالص بدليل ان مفتاح عربية اهو مانتش عارف اجزائه فابلاش نخش نعمل هيصة ونتكلم ونطلع اشاعات واحنا اصلا مش فاهمين وسامحني بس لازم حضرتك تقول معلومة انت متاكد منها علشان ده منتدي محترم وشكرا

ممكن سؤال هوة النيو لوجان بردو مفهاش ايمبوليزر ؟
و قطع غيار النيو لوجان غاليه و متوفرة و لا لاء؟

**jericho** · 15-07-2014 01:28 AM

المشاركة الأصلية كتبت بواسطة cobrahi

ممكن سؤال هوة النيو لوجان بردو مفهاش ايمبوليزر ؟
و قطع غيار النيو لوجان غاليه و متوفرة و لا لاء؟

النيو طبعا فيها ايمبوليزر زيها زي اي عربية اوروبية علشان المواصفات الاوروبية بتشترط كده متقلقش .

اما بالنسبة لسؤال حضرتك بتاع قطع الغيار فا قطع الغيار الحمدلله متوفرة جدا وبقت كتير والاسعار كويسة جدا جدا بخصوص اجزاء الموتور والاساسيات علشان النيو لوجان والي قبلها نفس الاساسيات انما بعض الكماليات معرفش والله اسعارها لسه بس انشاء الله هتلاقيها انتشرت بره التوكيل زي الشكل الي قبلها بحكم انتشار السيارة وشكرا

**cobrahi** · 15-07-2014 01:39 AM

المشاركة الأصلية كتبت بواسطة jericho

النيو طبعا فيها ايمبوليزر زيها زي اي عربية اوروبية علشان المواصفات الاوروبية بتشترط كده متقلقش .

اما بالنسبة لسؤال حضرتك بتاع قطع الغيار فا قطع الغيار الحمدلله متوفرة جدا وبقت كتير والاسعار كويسة جدا جدا بخصوص اجزاء الموتور والاساسيات علشان النيو لوجان والي قبلها نفس الاساسيات انما بعض الكماليات معرفش والله اسعارها لسه بس إن شاء الله هتلاقيها انتشرت بره التوكيل زي الشكل الي قبلها بحكم انتشار السيارة وشكرا

شكرا جدا اخى ع سرعه الرد

حضرتك معك النيو لوجان ؟
ممكن حضرتك تقولى هل وسعها من الداخل نفس وسع الايمجراند مثلا او البى واى دى ؟ و لا اضيق منهم من حيث الوسع لان انا يهمنى جدا الوسع الداخلى علشان العائله و انا كمان طويل و محدش بيعرف يركب ورايا و كدة و كمان الشنطه

منتظر ردك

**tamer61** · 15-07-2014 11:42 AM

كل سنه وحضراتكم جميعا بألف خير ..... أنا عملت تجربه لذيذه جدا من خمس دقايق بعد ما قريت الموضوع ... أنا شخصيا كنت غيرت ال cover الخارجي للمفتاح لأن الأصلي كان باظ ونقلت المكونات الداخليه للمفتاح الجديد ولما الأستاذ أحمد فؤاد أشار للقطعه المسئوله عن الشفره في الصوره الموجوده بالأعلي لفت نظري إن أنا ما شفتش القطعه دي لما كنت بنقل المكونات بين المفتاحين .... ولكن العربيه عندي بتدور عادي جدا .... ما كدبتش خبر ورحت فاكك المغتاح إللي معايا وإتأكدت إن القطعه دي مش موجوده .... رحت نازل علي العربيه وقلت أحاول أدورها بنص المفتاح إللي فيه الحديده من غير ما أقفل الجزئين علي بعض وأشوف ..... أولا لما حطيت نص المفتاح ده اللمبه بتاعة الإيموبلايزر فضلت منوره وما فصلتش كالمعتاد والعربيه ما رضيتش تدور نهائيا ......... بعد كده رحت ضامم نصفي المفتاح علي بعض وجربت اللمبه طفت والعربيه دارت عادي جدا جدا كالمعتاد

وعلي هذا .... هناك شىء ما في البورده بتاعة السنتر مسئوله عن الشفره وبتتنقل للمفتاح بشكل ما طبعا أنا مش عارفه وكمان ممكن يكون الميكانيزم ده في الموديل بتاعي 2010 وإللي بعد كده تم تعديل المفتاح وإضافة القطعه إللي أشار ليها الأستاذ أحمد فؤاد بحيث تكون منفصله عن البورده

خلاصة الموضوع إن اللوجان فيها أكيد إيموبلايزر ومش حتدور بدون مفتاحها الأصلي ولكن شكل المفتاح من الداخل ممكن يكون مختلف

تقبلوا خالص التحيه وكل عام وأنتم بخير ورمضان كريم

**jericho** · 15-07-2014 04:21 PM

المشاركة الأصلية كتبت بواسطة cobrahi

شكرا جدا اخى ع سرعه الرد

حضرتك معك النيو لوجان ؟
ممكن حضرتك تقولى هل وسعها من الداخل نفس وسع الايمجراند مثلا او البى واى دى ؟ و لا اضيق منهم من حيث الوسع لان انا يهمنى جدا الوسع الداخلى علشان العائله و انا كمان طويل و محدش بيعرف يركب ورايا و كدة و كمان الشنطه

منتظر ردك

والله يا باشا انا مركبتش الايميجراند والبي واي دي بصراحة ركبتها مرة واحدة بس في موضوع الوسع اللوجان واسعة من جوه ودي احد مميزاتها من ناحية الانتيريور

الموضوع: فك لريموت ومفتاح اللوجان وبعض التسؤلات العجيبه

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

الشكل والحجم السئ لريموت النيو صني

محتاج طريقه عمل برمجه لريموت ابيزا 2001

بخصوص سرقة السيراتو ومفتاح البصمة ومفتاح العادة

الرجاء المساعده بالنسبه لريموت الانزار

الزفة ومفتاح الانتظار

الكلمات الدلالية لهذا الموضوع

المفضلات

المفضلات

ضوابط المشاركة