فك لريموت ومفتاح اللوجان وبعض التسؤلات العجيبه

السلام عليكم

انا اخوكم هنا في المنتدي واشتريت منذ حوالي شهر لوجان 2014 عامله معايا حوالي 1300 كيلو

وحعمل عنها تقرير عند ال5000 بعد الصيانه ان شاء الله

لكني الان ابحث بحكم تخصصي في الالكترونيات والاتصالات في فك رموز المفتاح المشفر والايموبلايزر للوجان

فقمت بفتح المفتاحين الاول بالريموت والاخر عادي واليكم الصور والتعليق

http://store2.up-00.com/2014-07/1405186684751.jpg

دي طبعا صوره المفتاح المبجل بتاعي

http://store2.up-00.com/2014-07/1405186685392.jpg

بنفك المسمار ببساطه جدا ونلاقيه بيطل ويتفك لوحده

http://store2.up-00.com/2014-07/1405186685993.jpg

بيطلع المفتاح وبتفاجأ بانه مش متوصل بأي حاجه جوا

http://store2.up-00.com/2014-07/1405186686624.jpg

دي بقي صوره الكارثه من جوا

جتلاقي كارته فيها البطاريه والناحيه التانيه كارته المفتاحين بتوع فتح وقفل السنتر في الريموت

http://store1.up-00.com/2014-07/1405187591341.jpg

http://store1.up-00.com/2014-07/140518759192.jpg

وهنا بقي الكلام رحت فاتح المفتاح الاحتياطي وصوره كالاتي

http://store1.up-00.com/2014-07/1405187593094.jpg

http://store1.up-00.com/2014-07/1405187593685.jpg


بمعني اخر لاقيته حتت بلاستيك بلا اي شيء

تعالوا بقي نستنتج اللي احنا شوفناه ده معناه ايه


حكمل في المشاركه الجايه

متابع

تكمله

اولا انا حتكلم كلام علمي عموما ونسمع من اصحاب الخبره رأيهم خصوصا في الموضوع ده

المفتاح لا علاقه له بالريموت اصلا ولا يوجد اي وصلات بينهم

ويأكد ده المفتاح الاحتياطي اللي بدون ريموت حيث لا يحتوي الا علي المفتاح والبلاستكه الخارجيه ولا يوجد اي دائره الكترونيه متصله به

سؤال يا جماعه هوا ايه المفتاح المشفر اصلا

في النوعيات الاغلب شيوعا نجد ان المفتاح المشفر يتكون من جزئين وهو المفتاح ذاته اي الجزء المعدني منه اللي فيه النقسه بتاعت الكالون

والاخر مرسل لاسلكي به الشفره يستقبل بواسطه جهاز استقبال داخل السياره

فلو دخلت المفتاح في الكالون وارسلت الاشاره من المرسل ده يشتغل الموتور

ولو ما وصلتش الرساله يتوقف عن العمل ويبدأ ينفذ مجموعه اوامر الحمايه من السرقه اللي منها انه يشغل الكلاكس عالطول او يفصل البطاريه او يكلبش الفرامل او .... او او اي حاجه تانيه حسب العربيه

المهم دلوقتي مفتاح اللوجان لا يوجد به اي دوائر متصله بمعني اخر هوا حتت الحديده بس

انا بفكر اعمل تجربه وهيا اني انسخ المفتاح عادي واجربه وانا متأكد انه حيشتغل

عاوز رأيكم انا حاسس انه مفيش ايموبلايزر كدا؟؟؟؟؟؟؟

ممكن يكون لو لقط الكهربا من الاسلاك اللي داخله في الكونتاكت يقفل

لكن لو دخلت اي مفتاح والسلام اكيد حيشتغل!!!!!!!!!!!!!!!!!!

اصعب حاجة ان الانسان يكون مش فاهم ويتكلم على انه متخصص وعالم بخفايا الامور !!
واصعب حاجة بردوا لما تعمل شوشرة على سلعة نتيجة لعدم دراية او عدم فهم من حضرتك !!

يا ريت لو مش فاهم ومش متخصص وعندك مشكلة اسأل مش عيب .. كلنا اخوات

لكن اقول انا متخصص فى الالكترونيات
واقول كلام غلط تقوم ناس تقراه وهو امانه ولعدم تخصصهم او خبرتهم يصدقوه ..
لاء وايه حضرتك بتقدم نفسك على انك متخصص فى الشفرة والاسلكى والالكترونيات !!

حضرتك نموذج جديد فى المنتدى لم اعهده من قبل
وبالتحديد من 2008 وهو توقيت اشتراكى فى هذا الصرح العظيم

انا بهاجم حضرتك لانك ادعيت العلم وانت تضللنا وتضلل طالبى الدعم والمشورة هنا
تضلل من يثقون فى المنتدى والباحثون عن حلول لمشاكل سيارتهم

على العموم يا ريت تبحث فى الموضوع كويس وتقدملنا معلومات سليمة
وذلك افضل من ادعائك العلم والتخصصية
لان كل كلام حضرتك خطاً ولا يمت للعلم بصلة فى شئ
وخصوصاً فى الموضوع الذى نتحدث عنه هنا
ولو دورت ولم تجد المعلومة اسال كما نسال جميعاً ومش عيب
لكن العيب انى اضلل الناس واحور فى الكلام مش عارف ليه ؟

والله اعلم بنواياك ولكن راجع نفسك
واعرف ان احنا متعودين هنا فى المنتدى
ان اللى عارف المعلومة بس هو اللى بيقولها لانها بتتنقل من واحد لواحد
وكل ضرر فى رقبة صاحب المعلومة الذى ادعى العلم

كان المفروض اراسل حضرتك على الخاص
بس كان لازم انبه ان حضرتك مجرد هاوى ومش متخصص
وان كل كلامك وان فى كارثة فى المفتاح ده كلام غلط
ويا ريت تتقبل مرورى وتبقى تتحرى العلم فى كلامك

ولحضرتك كامل حق الرد

http://nileup.com/up/uploads/nilemotors_14052481472.jpg

المفتاح بالريموت :
الدائرة الحمراء بيتواجد فيها جزء صغير يشبه المغتاطيس (واضح فى الصورة الثانية وعليه دائرة خضراء)
يحتوى على الشفرة الخاصة بالمحرك كما بالصورة فى الاعلى

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــ
http://nileup.com/up/uploads/nilemotors_14052481471.jpg

المفتاح الاحتياطى:
الدائرة الخضراء يوجد بها القطعة المسئولة عن فك شفرة امان ادارة المحرك ولو شلتها من مكانها الموتور لن يبدء ابداً

لا توجد اى كوارث فى السيارة او عيوب فى المفاتيح والايمبيوليزر موجود ويعمل وممكن كل واحد يجرب بنفسه
وشكراً

سؤال بسيط لأهل الخبره محتاج أركب جهاز إنظار للسيارة فى التوكيل ( لسه فى فتره الضمان) هيركبو الانزار على نفس المفتاح المشفر و لا هيكون جهاز منفصل عن المفتاح ولو حد يقدر يفيد فى التكلفة فى حدود كام !! وشكراً

متااابع

اقتباس:

---

المشاركة الأصلية كتبت بواسطة ahmedfouad

اصعب حاجة ان الانسان يكون مش فاهم ويتكلم على انه متخصص وعالم بخفايا الامور !!
واصعب حاجة بردوا لما تعمل شوشرة على سلعة نتيجة لعدم دراية او عدم فهم من حضرتك !!

يا ريت لو مش فاهم ومش متخصص وعندك مشكلة اسأل مش عيب .. كلنا اخوات

لكن اقول انا متخصص فى الالكترونيات
واقول كلام غلط تقوم ناس تقراه وهو امانه ولعدم تخصصهم او خبرتهم يصدقوه ..
لاء وايه حضرتك بتقدم نفسك على انك متخصص فى الشفرة والاسلكى والالكترونيات !!

حضرتك نموذج جديد فى المنتدى لم اعهده من قبل
وبالتحديد من 2008 وهو توقيت اشتراكى فى هذا الصرح العظيم

انا بهاجم حضرتك لانك ادعيت العلم وانت تضللنا وتضلل طالبى الدعم والمشورة هنا
تضلل من يثقون فى المنتدى والباحثون عن حلول لمشاكل سيارتهم

على العموم يا ريت تبحث فى الموضوع كويس وتقدملنا معلومات سليمة
وذلك افضل من ادعائك العلم والتخصصية
لان كل كلام حضرتك خطاً ولا يمت للعلم بصلة فى شئ
وخصوصاً فى الموضوع الذى نتحدث عنه هنا
ولو دورت ولم تجد المعلومة اسال كما نسال جميعاً ومش عيب
لكن العيب انى اضلل الناس واحور فى الكلام مش عارف ليه ؟

والله اعلم بنواياك ولكن راجع نفسك
واعرف ان احنا متعودين هنا فى المنتدى
ان اللى عارف المعلومة بس هو اللى بيقولها لانها بتتنقل من واحد لواحد
وكل ضرر فى رقبة صاحب المعلومة الذى ادعى العلم

كان المفروض اراسل حضرتك على الخاص
بس كان لازم انبه ان حضرتك مجرد هاوى ومش متخصص
وان كل كلامك وان فى كارثة فى المفتاح ده كلام غلط
ويا ريت تتقبل مرورى وتبقى تتحرى العلم فى كلامك

ولحضرتك كامل حق الرد

---

بصراحه حضرتك هاجمتني بشكل متجاوز شويه ولولا ستر ربنا كان زماني فقدت اعصابي لكن الحمد لله

والصلح خير

اولا انا فعلا مش فاهم حاجه في المفتاح عشان كدا كنت بوصف اللي انا شوفته وده كان تفسير نظري بحت

وانا مكنتش اعرف اصلا ان فيه transponder في المكان المخفي ده

المهم ورغم ان اسلوبك استفذني وفور دمي بس نصيحه من اخ مفيش داعي تهاجم بشراسه كدا ممكن توصل وجهه نظرك باسلوب اهدي من كدا

وممكن تراجع مواضيعي اللي كنت باكد فيها اني مبتدئ

بس انا مش حنكر تخصصي في الالكترونيات والاتصالات وفي نفس الوقت كنت موضح ده لما قولت هنا


"اولا انا حتكلم كلام علمي عموما ونسمع من اصحاب الخبره رأيهم خصوصا في الموضوع ده"

الجمله دي قصدت بيها اني بتكلم نظري في العموم وربما يكون في شيء خفي عليا محتاج متخصص

عموما قبل الهجوم الجارف ده كان لازم تبص ثانيه علي مواضيعي وتعرف اني مش عابر في المنتدي او بدعي اني العالم العلامه

والله لولا حبي للمنتدي كان بقي ليا رد فعل تاني علي اسلوبك المتجاوز ده

عموما شكرا علي التوضيح وانا حتأكد منه ان شاء الله

تحياتي

اقتباس:

---

المشاركة الأصلية كتبت بواسطة م.أحمد الدسوقي

بصراحه حضرتك هاجمتني بشكل متجاوز شويه ولولا ستر ربنا كان زماني فقدت اعصابي لكن الحمد لله

والصلح خير

اولا انا فعلا مش فاهم حاجه في المفتاح عشان كدا كنت بوصف اللي انا شوفته وده كان تفسير نظري بحت

وانا مكنتش اعرف اصلا ان فيه transponder في المكان المخفي ده

المهم ورغم ان اسلوبك استفذني وفور دمي بس نصيحه من اخ مفيش داعي تهاجم بشراسه كدا ممكن توصل وجهه نظرك باسلوب اهدي من كدا

وممكن تراجع مواضيعي اللي كنت باكد فيها اني مبتدئ

بس انا مش حنكر تخصصي في الالكترونيات والاتصالات وفي نفس الوقت كنت موضح ده لما قولت هنا


"اولا انا حتكلم كلام علمي عموما ونسمع من اصحاب الخبره رأيهم خصوصا في الموضوع ده"

الجمله دي قصدت بيها اني بتكلم نظري في العموم وربما يكون في شيء خفي عليا محتاج متخصص

عموما قبل الهجوم الجارف ده كان لازم تبص ثانيه علي مواضيعي وتعرف اني مش عابر في المنتدي او بدعي اني العالم العلامه

والله لولا حبي للمنتدي كان بقي ليا رد فعل تاني علي اسلوبك المتجاوز ده

عموما شكرا علي التوضيح وانا حتأكد منه ان شاء الله

تحياتي

---

بص يا باشا
اولاً انا اسف لو كان كلامى فيه قسوة شوية
انا اتكلمت بالاسلوب ده لان احنا هنا فى اكبر منتدى سيارات على مستوى الشرق الاوسط
ثانياً اكثر من 90% من الاعضاء مشتركين فى المنتدى ده لثقتهم فيه وسمعته الطيبة
ثالثاً تقريباً كل المشتركين فى المنتدى ومش بتكلم بلسان حد بيعشقوا السيارات وفى نسبة كبيرة جداً بتعمل صيانتها بايديها
رابعاً من كلام حضرتك وانت على راسى طبعاً انك متخصص و>و علم وده واضح جداً من تقديم نفسك
خامساً حضرتك ما وضحتش انك بتسال وبتناقش موضوع علشان نوصل فيه لمعلومة فيها لبس او استفسار
لكن بتتكلم عن عيب وكارثة فى العربية (على فكرة لست من ملاكها)
يا ريت تكون الامور واضحة فى كل ما نكتب لانى كمثال واحد من الناس اللى لما بلاقى معلومة جديدة هنا ومع الثقة اللى حضرتك بتتطلم بيها ممكن تلاقينى نزلت اعملها بنفسى فلو غلط يبقى صاحب المعلومة ضرنى
وده اللى احنا مش عاوزينه
كل سنة وانت طيب وانا متاكد انك فهمت قصدى
والحمد لله انك مسكت اعصابك
تقبل مرورى
تحياتى

أنا بقالى فترة كبيرة ما بأعلقش لخلاف مع إدارة المنتدى و لكن بأخش و أتابع من حين لأخر بصراحة ماعجبنيش تناول حضرتك للموضوع و لا عجبني الرد الصارم و القاسي من الأخ الفاضل ahmed fouadنخن عندما نذكر معلومة نكون متأكدين منها و أرجو أن تتذكروا جميعا أننا في شهر كريم فلا داعى للكلام مرة أخرى في هذ الموضوع و تذكروا أننا في شهر رمضان المعظم و كل عام و أنتم بخير الرجاء غلق هذا الموضوع
و عدم فتحه نهائيا لأن الكلام مش حيجيب ألا الغلط و يا جماعة نحن في شهر كريم و كلنا أخوة
ملجوظة أنا عملت مفتاح لكن ما دورش العربية يدوبك فتح الأبواب و الشنطة و التانك فقط لاغير

اقتباس:

---

المشاركة الأصلية كتبت بواسطة amr adry

سؤال بسيط لأهل الخبره محتاج أركب جهاز إنظار للسيارة فى التوكيل ( لسه فى فتره الضمان) هيركبو الانزار على نفس المفتاح المشفر و لا هيكون جهاز منفصل عن المفتاح ولو حد يقدر يفيد فى التكلفة فى حدود كام !! وشكراً

---

بيتكلف تقريباً 1000 ج بالضريبة

اقتباس:

---

المشاركة الأصلية كتبت بواسطة ahmedfouad

بيتكلف تقريباً 1000 ج بالضريبة

---

كتير اوى اوى 1000 جنيه انذار بالف جنيه ليه ؟

هوة حاجه الرينو مولعه كدة .. ينهار ابيض دة انا كنت بفكر اشترى و الله النيو لوجان الجديدة ع كدة قطع غيارها مش موجودة اصلا و لو موجودة تبقا دبح

السعر ده فى كل التوكيلات وفى عربيات الانذار بيتركب ب 1400 ج
واللوجان عربية اقتصادية اسعارها عادية جدا فى كل حاجة

خلينا نتكلم بتعقل شوية ازاي توكيل زي eim يقول علي عربية فيها ايمبوليزر وهيا مفيهاش احنا اه بنعاني من العشوائية بس اي واحد لو رفع قضية عليهم غش تجاري هيكسب ملايين كمان الاستاذ الي كاتب الموضوع انت قدمت نفسك متخصص في الالكترونيات والاتصالات وواضح ان معلومات حضرتك عنهم مش كافية خالص بدليل ان مفتاح عربية اهو مانتش عارف اجزائه فابلاش نخش نعمل هيصة ونتكلم ونطلع اشاعات واحنا اصلا مش فاهمين وسامحني بس لازم حضرتك تقول معلومة انت متاكد منها علشان ده منتدي محترم وشكرا

انا عملت مفتاح عادي مدورش العربيه فتح الباب بس

اقتباس:

---

المشاركة الأصلية كتبت بواسطة jericho

خلينا نتكلم بتعقل شوية ازاي توكيل زي eim يقول علي عربية فيها ايمبوليزر وهيا مفيهاش احنا اه بنعاني من العشوائية بس اي واحد لو رفع قضية عليهم غش تجاري هيكسب ملايين كمان الاستاذ الي كاتب الموضوع انت قدمت نفسك متخصص في الالكترونيات والاتصالات وواضح ان معلومات حضرتك عنهم مش كافية خالص بدليل ان مفتاح عربية اهو مانتش عارف اجزائه فابلاش نخش نعمل هيصة ونتكلم ونطلع اشاعات واحنا اصلا مش فاهمين وسامحني بس لازم حضرتك تقول معلومة انت متاكد منها علشان ده منتدي محترم وشكرا

---

ممكن سؤال هوة النيو لوجان بردو مفهاش ايمبوليزر ؟
و قطع غيار النيو لوجان غاليه و متوفرة و لا لاء؟

اقتباس:

---

المشاركة الأصلية كتبت بواسطة cobrahi

ممكن سؤال هوة النيو لوجان بردو مفهاش ايمبوليزر ؟
و قطع غيار النيو لوجان غاليه و متوفرة و لا لاء؟

---

النيو طبعا فيها ايمبوليزر زيها زي اي عربية اوروبية علشان المواصفات الاوروبية بتشترط كده متقلقش .

اما بالنسبة لسؤال حضرتك بتاع قطع الغيار فا قطع الغيار الحمدلله متوفرة جدا وبقت كتير والاسعار كويسة جدا جدا بخصوص اجزاء الموتور والاساسيات علشان النيو لوجان والي قبلها نفس الاساسيات انما بعض الكماليات معرفش والله اسعارها لسه بس انشاء الله هتلاقيها انتشرت بره التوكيل زي الشكل الي قبلها بحكم انتشار السيارة وشكرا

اقتباس:

---

المشاركة الأصلية كتبت بواسطة jericho

النيو طبعا فيها ايمبوليزر زيها زي اي عربية اوروبية علشان المواصفات الاوروبية بتشترط كده متقلقش .

اما بالنسبة لسؤال حضرتك بتاع قطع الغيار فا قطع الغيار الحمدلله متوفرة جدا وبقت كتير والاسعار كويسة جدا جدا بخصوص اجزاء الموتور والاساسيات علشان النيو لوجان والي قبلها نفس الاساسيات انما بعض الكماليات معرفش والله اسعارها لسه بس إن شاء الله هتلاقيها انتشرت بره التوكيل زي الشكل الي قبلها بحكم انتشار السيارة وشكرا

---

شكرا جدا اخى ع سرعه الرد

حضرتك معك النيو لوجان ؟
ممكن حضرتك تقولى هل وسعها من الداخل نفس وسع الايمجراند مثلا او البى واى دى ؟ و لا اضيق منهم من حيث الوسع لان انا يهمنى جدا الوسع الداخلى علشان العائله و انا كمان طويل و محدش بيعرف يركب ورايا و كدة و كمان الشنطه

منتظر ردك

كل سنه وحضراتكم جميعا بألف خير ..... أنا عملت تجربه لذيذه جدا من خمس دقايق بعد ما قريت الموضوع ... أنا شخصيا كنت غيرت ال cover الخارجي للمفتاح لأن الأصلي كان باظ ونقلت المكونات الداخليه للمفتاح الجديد ولما الأستاذ أحمد فؤاد أشار للقطعه المسئوله عن الشفره في الصوره الموجوده بالأعلي لفت نظري إن أنا ما شفتش القطعه دي لما كنت بنقل المكونات بين المفتاحين .... ولكن العربيه عندي بتدور عادي جدا .... ما كدبتش خبر ورحت فاكك المغتاح إللي معايا وإتأكدت إن القطعه دي مش موجوده .... رحت نازل علي العربيه وقلت أحاول أدورها بنص المفتاح إللي فيه الحديده من غير ما أقفل الجزئين علي بعض وأشوف ..... أولا لما حطيت نص المفتاح ده اللمبه بتاعة الإيموبلايزر فضلت منوره وما فصلتش كالمعتاد والعربيه ما رضيتش تدور نهائيا ......... بعد كده رحت ضامم نصفي المفتاح علي بعض وجربت اللمبه طفت والعربيه دارت عادي جدا جدا كالمعتاد

وعلي هذا .... هناك شىء ما في البورده بتاعة السنتر مسئوله عن الشفره وبتتنقل للمفتاح بشكل ما طبعا أنا مش عارفه وكمان ممكن يكون الميكانيزم ده في الموديل بتاعي 2010 وإللي بعد كده تم تعديل المفتاح وإضافة القطعه إللي أشار ليها الأستاذ أحمد فؤاد بحيث تكون منفصله عن البورده

خلاصة الموضوع إن اللوجان فيها أكيد إيموبلايزر ومش حتدور بدون مفتاحها الأصلي ولكن شكل المفتاح من الداخل ممكن يكون مختلف

تقبلوا خالص التحيه وكل عام وأنتم بخير ورمضان كريم

اقتباس:

---

المشاركة الأصلية كتبت بواسطة cobrahi

شكرا جدا اخى ع سرعه الرد

حضرتك معك النيو لوجان ؟
ممكن حضرتك تقولى هل وسعها من الداخل نفس وسع الايمجراند مثلا او البى واى دى ؟ و لا اضيق منهم من حيث الوسع لان انا يهمنى جدا الوسع الداخلى علشان العائله و انا كمان طويل و محدش بيعرف يركب ورايا و كدة و كمان الشنطه

منتظر ردك

---

والله يا باشا انا مركبتش الايميجراند والبي واي دي بصراحة ركبتها مرة واحدة بس في موضوع الوسع اللوجان واسعة من جوه ودي احد مميزاتها من ناحية الانتيريور

اقتباس:

---

المشاركة الأصلية كتبت بواسطة tamer61

كل سنه وحضراتكم جميعا بألف خير ..... أنا عملت تجربه لذيذه جدا من خمس دقايق بعد ما قريت الموضوع ... أنا شخصيا كنت غيرت ال cover الخارجي للمفتاح لأن الأصلي كان باظ ونقلت المكونات الداخليه للمفتاح الجديد ولما الأستاذ أحمد فؤاد أشار للقطعه المسئوله عن الشفره في الصوره الموجوده بالأعلي لفت نظري إن أنا ما شفتش القطعه دي لما كنت بنقل المكونات بين المفتاحين .... ولكن العربيه عندي بتدور عادي جدا .... ما كدبتش خبر ورحت فاكك المغتاح إللي معايا وإتأكدت إن القطعه دي مش موجوده .... رحت نازل علي العربيه وقلت أحاول أدورها بنص المفتاح إللي فيه الحديده من غير ما أقفل الجزئين علي بعض وأشوف ..... أولا لما حطيت نص المفتاح ده اللمبه بتاعة الإيموبلايزر فضلت منوره وما فصلتش كالمعتاد والعربيه ما رضيتش تدور نهائيا ......... بعد كده رحت ضامم نصفي المفتاح علي بعض وجربت اللمبه طفت والعربيه دارت عادي جدا جدا كالمعتاد

وعلي هذا .... هناك شىء ما في البورده بتاعة السنتر مسئوله عن الشفره وبتتنقل للمفتاح بشكل ما طبعا أنا مش عارفه وكمان ممكن يكون الميكانيزم ده في الموديل بتاعي 2010 وإللي بعد كده تم تعديل المفتاح وإضافة القطعه إللي أشار ليها الأستاذ أحمد فؤاد بحيث تكون منفصله عن البورده

خلاصة الموضوع إن اللوجان فيها أكيد إيموبلايزر ومش حتدور بدون مفتاحها الأصلي ولكن شكل المفتاح من الداخل ممكن يكون مختلف

تقبلوا خالص التحيه وكل عام وأنتم بخير ورمضان كريم

---

http://nileup.com/up/uploads/nilemotors_14054361801.jpg

http://nileup.com/up/uploads/nilemotors_14054361802.jpg

http://nileup.com/up/uploads/nilemotors_14054361803.jpg

ايوا كده تمام ... الملف ده فعلا موجود كده زي الصورة بالظبط في البوردة ... وانا بصراحه ما جربتش افتح المفتاح الاحتياطي ... بس هيا كده بقت مفهومه جداً بالنسبه لي أماكن الأجزاء المسئولة عن الشفره .... خالص تحياتي

ريحوا نفسيكو
انا عامل مفتاح من سنة 2010 عشان تانك البنزين عشان مش عاوز ابوظ المفتاحين الاصليين
اقصى حاجه يعملها يفتح الباب والشنطة والتانك

رابع المستحيلات ثم رابع المستحيلات انه يدور لاني جربتها 100 مرة قبل كده

اللوجان فيها ايموبيلايزر , شكرا

انا سعيد بالنتيجه دي جدا