انا برضو كنت رايح أحجز الهاتش باك اتوهمت بالديزاير بصراحة مش عارف ليه عموما هى اذواق طبعا
عرض للطباعة
انا برضو كنت رايح أحجز الهاتش باك اتوهمت بالديزاير بصراحة مش عارف ليه عموما هى اذواق طبعا
أنا كمان عاجبني شكل الديزاير أكثر على فكرة ... ومن جوة الديزاير أحلى بكثير من الهاتش باك بلون الفرش والتابلوه البيج الفاتح شكله عليها تحفة بصراحة وكمان قعدة الكنبة ورا أريح وأوسع من الهاتش باك
صرفت نظر عنها لصالح الهاتش باك لسببين
1- قفل الشنطة بتاعها لازم يتفتح من الذراع جوة تحت كرسي السائق أو بالفتاح من برة ... مالهاش زرار من برة أفتحها بلمسة واحدة زي الهاتش باك ... والنقطة أحلى في الهاتش باك اللى بتتفتح بلمسة واحدة لزرار كهرومغناطيسي في الشنطة نفسها من برة وبيفتح ويقفل مع السنتر
2- الديزاير أغلى بـ 8 آلاف تقريبا وأنا في نفس الوقت مش محتاج الشنطة الكبيرة دي أصلا لأني غالبا سايق لوحدي وشنطي مش كثيرة ... يبقى أدفع فلوس أكثر في حاجة أنا مش عايزها ... ده لو كانت الهاتش باك أغلى كنت هاجيب الهاتش باك
وده طبعا لا ينفي إن الديزاير تحفة فنية بألوان التابلوه والفرش بتاعها من جوة وعاجبني أكثر بكثير من اللون الأسود التقليدي في كل أو معظم العربيات المعتادة
وزي ما انت قلت في النهاية هي أذواق عشان الدنيا تمشي
كلامك عاقل وعجبنى جدا فى حتة أن ليه تدفع فلوس أكتر فى حاجة مش محتاجها يمكن انا عجبتنى الديزاير لان كتير بيكون معايا اهلى وعموما الله يوفقك ويحميلك عربتيك يا رب
ما شاء الله العربية معايا بقالها حوالى شهر بروح بيها لشغل كل يوم و شوارعنا الجميلة زحمة و مطبات و سافرت بيها مرتين و راضى عنها من كل الاوجه و الحمد لله
و ممكن حضرتك تخلى موضوع د / ايمن و موضوعى ده عن الديزاير مرجع ليك و مرحبا بأى تساؤل :
http://www.nilemotors.net/Nile/439246-2015.html
عايز اركب 4 مكن زجاج كهرباء في عربيتي النيو التو
فين وبكام...
في ناس قالت لي مكن استيراد ياباني بكل مشتملاته وشامل والتركيب كمان ب 800 ج
وفي ناس بتقول دور علي جديد احسن ... فين وبكام وانتاج ايه صيني تايواني مثلا
...
وناس بتقول الالتو ملهاش مكن زجاج بالسوق مفيش قدامك الا المكن الاستيراد ؟!!!
وكمان السنتر اخبارة ايه
..
مش عارف كنت عايز اركب وحدة رفع بس هل العربية تستحمل كل ده....
صباح الفل
الف مبروك لحضرتك والحمد لله على كل حال بوركت على هذا التقرير الممتاز بس كان لى بعض الاستفسارات والخاصة كلها بالسيارة ارتيجا لانها عجبانى جدا
1- سير الكاتينة الجنزير اللى تكلمت عليه سابقا موجود بردوا فى ارتيجا
2- فى سؤال كان محيرنى فى ارتيجا هو الاستبن فين مكانه وهل الاستبن عبارة عن جنط اسبور بردوا زى باقى العربية
3- تتوقع اداء التكيف فى الارتيجا حتكون ضعيفة نتيجة حجم السيارة والموتور 1400
4-ممكن اعرف ارتفاع السيارة عن الارض يشبه اى سيارة فى الشارع المصرى
5- الفتيس الاتوماتيك بتاع ارتيجا هل هو نفسه بتاع السويفت وهل فى مشاكله متعلقة به
وفى النهاية شكرا لحضرتك والف ميروك
الله يبارك فيك يافندم
سير الكاتينة جنزير فعلا
الاستبن أعتقد مكانه كان جوة الشنطة هو مش باين في الصور للأسف بس أنا شوفته تحت فرش الشنطة على ما أعتقد ... وهو جنط عادي مش سبور
أداء المكيف ... أنا ماجربتوش صراحة لكن لو على التوقع أنا أتوقع إن أي تكييف ياباني أداؤه بيكون ممتاز
ارتفاع السيارة عن الأرض 17 سم ... زي الكيا كارينز (أكيد) والنيسان قاشقاي (أعتقد)
الفتيس هو هو من ناحية الشكل بس مش عارف هل في فرق في المواصفات الفنية ولا لأ ... لأن ده موتور أقوى ... وللأسف الموقع الرسمي كمان مافيهوش أي ملاحظات عن مواصفات الفتيس الفنية