صوت فى فتيس byd 2015 مانيوال

**cobrahi** · 15-07-2014 01:26 AM

متااابع باهتمام

**ameirnabel1977** · 15-07-2014 06:26 PM

المشاركة الأصلية كتبت بواسطة المنسي

فعلا متفق مع حضرتك ازاى الغيارات بتيجى بسهولة وفى نفس الوقت فى حكة
لصاحب الموضوع خد فى بالك ان الزيرو بيلين مش بس موتور وكمان فتيس
كان فى الموديلات القديمة المشكلة دى موجودة بس كانت عضة فالغيارات وصوت ونة وكان الحل تغيير زيت الفتيس بنوع تانى
موديل العربية عند سيادتك اول حد يشتكى من الفتيس بس ليا سؤال هل فى اى غيار بيعض معاك حتى ولو مش بصفة دائمة
تقبل تحياتى

معلش هو انا مش عارف يعني ايه عضه فى الفتيس .....
انا العربيه معايا الحمد الله زي الفل .... هو موضوع الفتيس ده بس

**المنسي** · 16-07-2014 11:06 AM

المشاركة الأصلية كتبت بواسطة ameirnabel1977

معلش هو انا مش عارف يعني ايه عضه فى الفتيس .....
انا العربيه معايا الحمد الله زي الفل .... هو موضوع الفتيس ده بس

عضة الفتيس يعنى تجيب اى غيار تبقى تلاقيها مجاش معاك بسهولة ومش فى كل الاوقات يحصل كده
تقبل تحياتى

**المنسي** · 16-07-2014 02:51 PM

المشاركة الأصلية كتبت بواسطة ameirnabel1977

ده اغلب الاوقات بيحصل وانا بجيب الاول لو لسه العربيه بتتحرك
انما باقي الغيارات زي الفل الحمد الله

انتظر اراء باقى الزملاء لانهم كانو بيقولو حل المشكلة دى بتغيير زيت الفتيس والله اعلم
تقبل تحياتى

**ameirnabel1977** · 17-07-2014 03:45 AM

المشاركة الأصلية كتبت بواسطة peter magdy

شوف حضرتك
مشكلة الاول مشكلة شبة عامة فى العربية و لكن فى ناس مش بتشتكى منها
و انا كنت بشتكى من تقل بعض الغيارات و عضة فى الغايز الثانى بالذات
و بعد حوارات التوكيل و مسكناتة
الحل - رحت للاسطى حمدى الميكانيكى و ظبط الدبرايج
كان معيا استاذ حسام المنسق الجميل بتاعنا و استاذ صابر ( ابو جنى )
و فكيت عطا الفتيس و حطيت شحم فالفولين الابيض المضغوط هواء
و كنت مغير زيت قبلها تخليقى للفتيس من والف بعد نصيحة استاذ صابر بعد 5000 كم
و الفتيس دلوقتى الحمد لله مافيش انعم من كدة
و زيت الفتيس خلى العربية بقت تجمع غيارات بسرعة و خلى العربية فايقة جدا
طبعا مع زيت ماتور تخليقى - هتحس انك ركبت عربية يبانى فعلا
ربنا يوفقك

يا باشا الف شكر على ردك ....
انا فعلا ناوي بعد 5000 احط زيت تخليقي للموتور واغير زيت الفتيس بس المشكله هو الكلام ده مايخرجش العربيه من الضمان لان ده اللي انا خايف منه خصوصا ان العربيه موتورها 1500 الجديد فلسه مش عارف نظامه يه ومش عارف هو موتور ميتسوبشي زي اللي فات ولا هوندا سيتي زي ما في ناس بتقول ولا هو byd ومالوش قطع غيار غير byd

**mohhassan** · 17-07-2014 10:41 PM

ياريت رد من الاستاذ حسام وباسم وابو جنى وباقي الخبرات : ايه بقي موضوع زيت الفتيس ؟؟ دا الواحد مقلق من التوكيل في تغيير زيت الموتور افيدونا !! وخصوصا انى داخل على صيانة 5000 كم وكمان صوت الموتور مش مريحنى واستهلاك البنزين حوت ما شاء الله

**MuslimMeskeen** · 29-07-2014 08:51 PM

المشاركة الأصلية كتبت بواسطة mohhassan

ياريت رد من الاستاذ حسام وباسم وابو جنى وباقي الخبرات : ايه بقي موضوع زيت الفتيس ؟؟ دا الواحد مقلق من التوكيل في تغيير زيت الموتور افيدونا !! وخصوصا انى داخل على صيانة 5000 كم وكمان صوت الموتور مش مريحنى واستهلاك البنزين حوت ما شاء الله

حوت إزاي؟؟؟ المفروض الطبيعي في معدل 240كم / الصفيحة (20 لتر).. يعني حوالي 10 - 12 كم في اللتر.. ده في الاستخدام العادي داخل المدينة مع شوية طوالي بتاع المحور والدائري والذي منه.. انت عندك كام؟؟؟

**bassem.naguib** · 30-07-2014 02:43 AM

يا جماعة بالله عليكم .. دوروا في المواضيع القديمة حتلاقوا فيها البهاريز كلها وعصارة الخبرات .. هي الناس مكسله تدور ولا أيه ؟!

الكلام ده اتقال 100 مرة .. وناس كتير خسرت وقت وفلوس في التجارب زي أبو جنى في موضوع زيت الفتيس ده علشان يوصلوا للأداء الصح وأيه المناسب للعربية ..

اتعبوا في البحث في المواضيع القديمة شوية .. وأكيد وأنت بتدور حتتكعبل في معلومات تانية غير اللي أنت بتدور عليها

الموضوع: صوت فى فتيس byd 2015 مانيوال

LinkBack

أدوات الموضوع

عرض

-

-

-

-

المواضيع المتشابهه

مشكله في فتيس a7 1600 2015

حد جرب اول فئة مانيوال من سيراتو 2015 ؟!

الكروز جابت فتيس عايز ابيعها و لا اصلح و اجيبلها فتيس ولا اقلبها مانيوال

نصحية تغير فتيس مانيوال الى فتيس اتوماتيك

اضل زيت فتيس مانيوال

الكلمات الدلالية لهذا الموضوع

المفضلات

المفضلات

ضوابط المشاركة