اللى اخدت بالى منه المالتى فانكشن ومفتاح بصمة وفتحة سقف وماأخدتش بالى من موضوع الليدات بس غالبا فيها مثيت سرعة بس مش متأكد لأنى كنت مستعجل شوية .. السعر 151000 موديل 2015
عرض للطباعة
باقى الكماليات ..
طى المرايات الجانبية كهربائيا
اشارات led بالمرايات الجانبيه
فرش الأبواب جلد
فتيس جلد
طاره جلد
خاصية ضبط ارتفاع كرسى السائق
تبريد بالدرج الامامى
توكل على الله وهات السيراتو فخامة وشياكة الريو جميلة طبعا بس مينفعش تقارن الريو بالسيراتو وبالنسبة للكاماليات انتا ممكن تجيب حتى المانوال وتركبلها شاشة تاتش والاصلية بتاعتها كمان وبيبقى فيها كاميرا فمش هتحتاج حساس الركن بالنسبة لفتحة السقف فدى انا بعتبرها شكل بس لكن مش ميزة فى بلدنا فى الحر والشمس مينفعش غير التكييف وتفرج على تكييف السيراتو وتكييف الريو وشوف انهى احسن بالنسبة لوسائل الامان الحافظ هو الله انتا ممكن تكون راكب مرسيديس ب9وسائد هوائية بس الى مقدر لنا هيكون انا كنت ذى حيرتك دى بالظبط بين الصنى والريو والسيراتو ولما روحت توكيل كيا الى فى روكسى بعدت كل البعد عن الريو لما شوفتها وسبحان الله لقيت حبيبتى هناك قلبى كان مخطوفلها من سعت مشوفتها كيا سيراتو 2013 الشككل القديم زيرو سيارة بكل معنى الكلمة وكان جنبها الشكل الجديد بس تحس ان الشكل القديم فى رونق جميل بالون النبيتى الفاتح واتفقت معاهم والحمد لله ادخل السيراتو وشوف هتغير رائيك تماما عن الريو
بس لازم تعرف ان الشكل الجديد اوسع و شنطتها اكبر و فوانيس امامية عدسات غير ان الشكل جديد مش منتشر
الشكل الجديد فعلا اوسع والشنطة اكبر وانا فى التوكيل الى فى روكسى كانت قدامى العربيتين الشكل القديم والشكل الجديد جنب بعض وسالت قبل اما اشترى كتير من حيث الانتشار لدرجة ان فى واحد زميل معاه سبورتاج قالى الشكل الجديد لو اتخبطت هتعيط جنبها ومفيش حد بيعمل صيانه ليها غير فى التوكيل وادفع هناك فلوس كتير حتى مدير المكان هناك استاذ محمد قالى خد الشكل القديم احسن وانا بقلك لان هو معاه الشكل القديم بردو وكل الناس قالتلى كدة وتوكلت على الله جبتها وبسم الله مشاء الله مريحانى جدا الحمد الله وتحس بالفخامة :Copy of new:
أولا لازم حضرتك تكون عارف أن الراحة النفسية البتكون عند حضرتك تجاه عربية عن الأخرى، بتلعب دور كبير في اختيارك.
علشان كدة هتختلف الآراء ، ودى موضوع موش مقلق بالنسبة ليك، لان في النهاية انت البتركب وانت البتدفع.
رأى الشخصى:::::::
مبدئياً استبعد الشارك.........
خليك في السيراتو حتى لو اوبشن اقل، لية؟
موديل احدث من الريو ، وموديل جديد يعنى لسة قدامة كام سنة لما يتغير (بتفرق ).
الفئة اعلى ، الموتور اعلى فى السعة والهورس باور ، تمشى عائلية وتمشى شبابية .
الوسع ، والبرستيج ، والعربية ممتازة في النعومة والسحب وكل حاجة(ما شاء الله).
توكل على الله واستخر ربنا وان شاء الله يوفقك للأفضل (طبعاً السيراتو)
الحمد لله ربنا نجانى من نصيبة .. امبارح بعد مفاوضات مندوب المبيعات فى المعرض فضل يقوللى نستنى صاحب المعرض علشان اى عربية هاتختارها هو اللى هايمضى وهو اللى هايحدد سعر عربيتك النيسان فضلت مستنى لغاية 12 بالليل لغاية لما شرف وبعدين فضل ناس تدخل وتخرج من عنده لغاية مادخلت والكلام خلص على الشارك نزلت من مكتبه بصيت ع العربية بصة سريعة ومشيت علشان كنت فاصل من التعب وروحت ركنتها قمت الصبح قلت اشيك على العربية قلبى ماارتاحش المهم بعد الفطار قلت اروح ارجعها للمعرض واتصلت بالدكتور صاحبى علشان اتأكد من موضوع خبطة الكبوت والآيرباج ماردش .. المهم رحت المعرض وعملت قلق وصممت اروح التوكيل وفعلا طلع معايا المندوب والمفاجأة مهندس التوكيل خد رقم الشاسيه وطلع بيانتها .. العربية كانت عملت حادثة وراحت التوكيل متحملة على ونش !! اتعملها مقايسة سمكرة ودهان وغيرت رفرف وكبوت وصاجة !!! لمبة الآيرباج لسه منورة والأحزمة مابتقفلش ومحتاجة يتغيرلها سيستم الايرباج وسنسور وخلافه .. بكام يامحترم !! ب 30000 الف جنيه !!!!!!!! طبعا المندوب بتاع المعرض وشه لزق فى قفاه .. المهم عرفت ليه صاحبى باعها وظبط مندوب المعرض اللى كان هايلبسهالى ولما رجعنا المعرض وصاحب المعرض عرف القصة رزع المندوب قلم محترم وقاله اطلب صاحب العربية ياخدها ويرجع الفلوس ياأما ماشوفش وشك هنا .. المهم بعد اعتذارات كتيرة اخدت السيراتو ولله الحمد 2014 اول فئة وادعولى ربنا يدينى خيره ويكفينى شرها