وحوش الكيا محتاج رد ضرورررررى

**medo-312** · 14-07-2014 02:43 PM

المشاركة الأصلية كتبت بواسطة yusefabouelnga

انا جبت الريو و كويسه جدا ماشاء الله ،ولو انا كنت مكانك برضوا كنت اجبها لانها عربيه جميله جدا.بس لو سمحت ممكن تقولي الكمليات و السعر بتاع الريو الي انتا حتجبها و فيها ليدات ولا لاء ..لو مفهاش رخامه يعني :d..و اتأكد فيها مثبت سرعه ولا.

اللى اخدت بالى منه المالتى فانكشن ومفتاح بصمة وفتحة سقف وماأخدتش بالى من موضوع الليدات بس غالبا فيها مثيت سرعة بس مش متأكد لأنى كنت مستعجل شوية .. السعر 151000 موديل 2015

**medo-312** · 14-07-2014 03:21 PM

باقى الكماليات ..
طى المرايات الجانبية كهربائيا

اشارات led بالمرايات الجانبيه
فرش الأبواب جلد
فتيس جلد
طاره جلد
خاصية ضبط ارتفاع كرسى السائق
تبريد بالدرج الامامى

**mr.moustafa** · 14-07-2014 04:12 PM

المشاركة الأصلية كتبت بواسطة medo-312

اللى اخدت بالى منه المالتى فانكشن ومفتاح بصمة وفتحة سقف وماأخدتش بالى من موضوع الليدات بس غالبا فيها مثيت سرعة بس مش متأكد لأنى كنت مستعجل شوية .. السعر 151000 موديل 2015

فيها ليدات نهارية أمامية و المصابيح الخلفية تقريبا ليدات برده

**midostarmody** · 14-07-2014 05:36 PM

توكل على الله وهات السيراتو فخامة وشياكة الريو جميلة طبعا بس مينفعش تقارن الريو بالسيراتو وبالنسبة للكاماليات انتا ممكن تجيب حتى المانوال وتركبلها شاشة تاتش والاصلية بتاعتها كمان وبيبقى فيها كاميرا فمش هتحتاج حساس الركن بالنسبة لفتحة السقف فدى انا بعتبرها شكل بس لكن مش ميزة فى بلدنا فى الحر والشمس مينفعش غير التكييف وتفرج على تكييف السيراتو وتكييف الريو وشوف انهى احسن بالنسبة لوسائل الامان الحافظ هو الله انتا ممكن تكون راكب مرسيديس ب9وسائد هوائية بس الى مقدر لنا هيكون انا كنت ذى حيرتك دى بالظبط بين الصنى والريو والسيراتو ولما روحت توكيل كيا الى فى روكسى بعدت كل البعد عن الريو لما شوفتها وسبحان الله لقيت حبيبتى هناك قلبى كان مخطوفلها من سعت مشوفتها كيا سيراتو 2013 الشككل القديم زيرو سيارة بكل معنى الكلمة وكان جنبها الشكل الجديد بس تحس ان الشكل القديم فى رونق جميل بالون النبيتى الفاتح واتفقت معاهم والحمد لله ادخل السيراتو وشوف هتغير رائيك تماما عن الريو

**mr.moustafa** · 14-07-2014 07:45 PM

بس لازم تعرف ان الشكل الجديد اوسع و شنطتها اكبر و فوانيس امامية عدسات غير ان الشكل جديد مش منتشر

**midostarmody** · 15-07-2014 01:16 AM

المشاركة الأصلية كتبت بواسطة safsaf43

بس لازم تعرف ان الشكل الجديد اوسع و شنطتها اكبر و فوانيس امامية عدسات غير ان الشكل جديد مش منتشر

الشكل الجديد فعلا اوسع والشنطة اكبر وانا فى التوكيل الى فى روكسى كانت قدامى العربيتين الشكل القديم والشكل الجديد جنب بعض وسالت قبل اما اشترى كتير من حيث الانتشار لدرجة ان فى واحد زميل معاه سبورتاج قالى الشكل الجديد لو اتخبطت هتعيط جنبها ومفيش حد بيعمل صيانه ليها غير فى التوكيل وادفع هناك فلوس كتير حتى مدير المكان هناك استاذ محمد قالى خد الشكل القديم احسن وانا بقلك لان هو معاه الشكل القديم بردو وكل الناس قالتلى كدة وتوكلت على الله جبتها وبسم الله مشاء الله مريحانى جدا الحمد الله وتحس بالفخامة

**Sameh3k2000** · 15-07-2014 01:39 AM

المشاركة الأصلية كتبت بواسطة medo-312

اللى اخدت بالى منه المالتى فانكشن ومفتاح بصمة وفتحة سقف وماأخدتش بالى من موضوع الليدات بس غالبا فيها مثيت سرعة بس مش متأكد لأنى كنت مستعجل شوية .. السعر 151000 موديل 2015

هية هاتشباك ولة سيدان
و الجنط ١٥ ولا ١٧ ؟

**mr.moustafa** · 15-07-2014 01:49 AM

المشاركة الأصلية كتبت بواسطة midostarmody

الشكل الجديد فعلا اوسع والشنطة اكبر وانا فى التوكيل الى فى روكسى كانت قدامى العربيتين الشكل القديم والشكل الجديد جنب بعض وسالت قبل اما اشترى كتير من حيث الانتشار لدرجة ان فى واحد زميل معاه سبورتاج قالى الشكل الجديد لو اتخبطت هتعيط جنبها ومفيش حد بيعمل صيانه ليها غير فى التوكيل وادفع هناك فلوس كتير حتى مدير المكان هناك استاذ محمد قالى خد الشكل القديم احسن وانا بقلك لان هو معاه الشكل القديم بردو وكل الناس قالتلى كدة وتوكلت على الله جبتها وبسم الله مشاء الله مريحانى جدا الحمد الله وتحس بالفخامة :copy of new:

ما هو الانتشار ده ميزة و عيب
ميزته انك مش هاتلاقي كتيير راكبينها
و عيبه زي ما انت قولت في الصيانة .. و لكن
انت بتشتري عربية جديدة يعني الصيانة كده كده في التوكيل و بعد سنتين بالكتير أوي هاتكون انتشرت و قطع غيارها هاتلاقيها بسهولة

**said.d.y** · 15-07-2014 10:00 AM

أولا لازم حضرتك تكون عارف أن الراحة النفسية البتكون عند حضرتك تجاه عربية عن الأخرى، بتلعب دور كبير في اختيارك.
علشان كدة هتختلف الآراء ، ودى موضوع موش مقلق بالنسبة ليك، لان في النهاية انت البتركب وانت البتدفع.
رأى الشخصى:::::::
مبدئياً استبعد الشارك.........
خليك في السيراتو حتى لو اوبشن اقل، لية؟
موديل احدث من الريو ، وموديل جديد يعنى لسة قدامة كام سنة لما يتغير (بتفرق ).
الفئة اعلى ، الموتور اعلى فى السعة والهورس باور ، تمشى عائلية وتمشى شبابية .
الوسع ، والبرستيج ، والعربية ممتازة في النعومة والسحب وكل حاجة(ما شاء الله).
توكل على الله واستخر ربنا وان شاء الله يوفقك للأفضل (طبعاً السيراتو)