السلام عليكم
انا تعبت يا جماعه فعلا من السوق المصري
انا بقالي اكتر من 3 شهور بدور على جيتا خليجي 2009 طراز رقم 5 زاي ما هما بيسموه هنا في مصر ومواصفاته كالاتي :
1- تكييف تاتش
2- فوجات
3- مرايات ضم
4- دريكسيون مالتي فانكشن
5- جنوط 17
6- فتحه سقف
7- حساس نور + حساس مطر
8- حساسات بارك
9- زينون مع رشاشات فوانيس
10 - ستارة خلفية
11- مثبت سرعه
12- مراية ذاتية التعتيم
13- شفتات نقل الغيار من الدريكسيون
14- جهاز انذار
15- كاسيت سي دي ام بي ثري

السيارة دي كانت طلبي ولفيت على معرض مصر كلها وكلهم قالولي هنجبهالك والسعر الي كانو بيقولوه 202 الف جنيه بس انا عمري ما كنت شفتها انا شوفت الي اعلى منها بيزيد عليها فرش جلد و كراسي بسخانات و تحكم بالكرسي بالكهرباء و كان سعرها 215 الف
لحد ما ربنا وفقني و عن طريق واحد معرفه وصلني لمعرض اداني المواصفات الي فوق كلها (طراز رقم 5 ) و بيزيد عليها تجهيز للاي بود 195 و حجزتها فعلا من عنده بعد ما شوفت سيارة بتتسلم بنفس المواصفات الي عاوزها بالضبط

انا باعتذر عن الرغي يا جماعة بس انا فعلا محتار
المهم الراجل خلف معاده معايا كان مفروض هيسلمنيي 20-10 ( انا حاجز 20-9)
و قال انه هيسلمني من 5 الى 10 من الشهر الجاي
و انا قلقت منه بصراحه وخايف ميجبليش العربية او بعد مايخليني استنى معاه يجي شهرين يرفع السعر عليا تاني

فدورت في المعرض تاني حد ما شفت العربيات الي عند جابر عبد الشهيد
نفس مواصفات طراز 5 الي فوق و بيزيد عليها طارة ابنوس و ديكور ابنوس في الداخل و بيزيد بلوتوث (تحفه) وسعرها 217 الف (بدون فرش جلد ولا حاجة )و لو عاوز تغي الكاسيت العادي بالكاسيت الي بشاشة ملونة تاتش كبير (تحفه فنيه ) بيزيد السعر 2000 جنيه
انا دماغي لفت بصراحة من الكاسيت ده و من البلوتوث علشان انا جربته على تليفوني رهيب فعلا بتتصفح الفون بوك من كومبيوتر العربية و تطلب وتتكلم و ممكن تكتب الرقم على شاشة الكاسيت التاتش
انا اسف على كل الرغي ده بس ارجو النصيحة ؟