استهلاك البنزين فى القشقاى / عداد الحراره الخارجيه / تركيب كاسيت خارج التوكيل

**ezzeldm** · 14-07-2014 02:01 PM

السلام عليكم
انا اشتريت قشقاى عامله حوالى 5000 كيلو
كنت عايز استفسر عن ال fuel consumption rate (استهلاك البنزين لكل 100 كيلو او اللتر بيعمل كام كيلو)
انا حاليا العداد قارى حوالى 8.9 كيلو لكل لتر (حاسس انه قليل جدا على اللى انا قريته قبل ما اجيب العربيه)
انا اغلب مشاويرى فى مدينة نصر , يعنى الاستهلاك ده فى الزحمه

كان عندى سؤال تانى عن عداد الحراره الخارجيه (عندى بيقرا اكتر من الفعلى حوالى 5 درجات) حد قابل المشكله دى قبل كده؟

اخر سؤال , انا dvd عشان اركبه مكان الكاسيت الاصلى , حد يعرف تركيبه فى التوكيل بكام , انا كلمت السبع و يونايتد جروب قالو مش بركبه واوتو ايجيبت ما رضيوش يقولوا سعر
المفروض كمان انه مش بيخرج من الضمان , فيه معلومه غير دى؟
شكرا

**أسامه الحسيني** · 14-07-2014 02:49 PM

انا استهلاك البنزين عندي فى ميجان 2006 على الطرق السريعه بيوصل 6 لتر لكل 100 كيلو وداخل مدينه نصر وزحمتها بيوصل 14 لتر لكل 100 كيلو

**ramymechanics** · 14-07-2014 03:16 PM

أولا ألف مبروك العربية
استهلاك البنزين تحكم عليه فى السفر مش فى مدينة نصر طبعا
عداد الحرارة الخارجية بيقرا أعلى اما تكون راكن العربية فى الشمس شوية اول ما بتمشى بيقل تدريجيا لحد ما يبقى قريب من الحقيقى
انا مش من ملاك العربية عشان افيدك فموضوع الكاسيت بس الأعضاء هيقوموا بالواجب

**شادى عبدالمنعم** · 15-07-2014 05:23 AM

.استهﻻك البنزين كده تقريبا مظبوط داخل المدن ولو مشيت فى طريق مفتوح هتﻻحظ هيقل عن كده .
مقياس درجة الحراره الخارجى مش عارف حكمت عليه بإيه انه مختلف عن الفعلى بس انا عندى مظبوط ودايما بقارنه بدرجة الحراره اللى فى موبايلى وبيبقى ماشى معاه.
بالنسبه للdvd اوتو ايجيبت كنت كلمتهم من فتره وكان تقريبا ب 6000 كاميرا وجى بى اس وتقريبا مودرن موتورز نفس السعر وفى محل اسمه المرصفاوى وعلى فكره عنده صفحه على الفيس فيها عنوانه ورقم تلفونه ممكن تسأله عنده نفس الكاسيتاللى فى التوكيل وب3150 وبرضه كلمتهم وقالوالى انه نفس الفيشه يعنى مفيش لحام وخﻻفه وقصة الضمان وخﻻفه مفيهاش اى مشاكل طالما مفيش قص اولحام يعنى تكون نفس الفيشه موفق وابقى انقل لنا تجربتك عشان الاعضاء تستفاد..

**ezzeldm** · 15-07-2014 12:37 PM

عداد الحراره باحكم عليه لأنى باقارنه بالحراره على الموبايل , اول ما باتحرك ممكن تنزل درجه او 2 عشان الشمس بس فى الاخر ببقى فيه فرق عن الموبايل حوالى 5 درجات
موضوع البنزين كان فيه حد قالى انه بيعمل معاه جوا البلد حوالى 11 كيلو للتر (عشان كده انا اتخضيت من الرقم اللى طالعلى)
بالنسبه للكاسي انا خلاص اشتريته من بره وبصراحه كت ناوى انا اركبه هو والكاميرا لان بالنسبه للكاسيت فى الاخر هى sockets وها تركب على طول بس المشكله فى الكاميرا لو عايز اشغلها اوتوماتيك مع ال reverse mode عشان توصيل الباور وكده

**ezzeldm** · 24-07-2014 02:26 PM

شكرا يا استاذ شادى على الرد , المشكله انه بيقل عن كده , يعنى حاليا وصل 8 كيلو / لتر
حاولت اتاكد عن طريق التفويل وقست مشيت اد ايه ادانى نفس الرقم "8" , بصراحه مش عارف هل هى مشكله فى سواقتى ولا العربيه ولا ده الطبيعى
بالنسبه للكاسيت لسه ما وصلنيش لانى شاريه من على ايباى , اول ما يوصل باذن الله , لو كويس ها احط اللينك للى حابب يشترى واحد زيه

**tatasamy** · 31-07-2014 10:18 AM

هو انت قلقان من ايه؟
معدل استهلاك البنزين القليل حاجة كويسة جدا! وبعدين هوه ده المعدل الطبيعي للعربيات الياباني 8-10 لتر/100كم

لو عاوز تطمن ان الكمبيوتر بيديك قراءات مظبوطة روح املأ التانك على الآخر، صفر معدل الاستهلاك و عدد الكيلومترات وامشي بالعربية لغاية ما التنك يخلص وانت بتفول تاني احسب المعادلة دي

عدد لترات الوقود المطلوبة = عدد الكيلومترات الي مشيتها * معدل الاستهلاك / 100
ولو عاوز تحسبها بقيمة التفويلة = عدد لترات الوقود المطلوبة * 2.6

الناتج لازم يكون مساوي تقريبا للعدد اللترات أو القيمة الي هتدفعها في البنزينة...وان شاء الله هتلاقي الدنيا مظبوطة