سعه تانك البنزين

**atpo56a** · 14-07-2014 07:06 PM

السلام عليكم احبائي اعضاء وزوار المنتدي
سؤال خاص ليكم علشان معاكم دايو لانوس
لاحظت اكثر من مره عربيتي مش بتتفول بالكامل
قلت امشي بيها واخلص كل البنزين اللي في التنك
المهم المؤشر نزل لحد حرف e المهم رحت البنزينه افول العربيه المهم اللي بيملأ بالمسدس
قاللي اخدت 37لتر قلت له دي فاضيه يعني علي الاحتياطي يا عم حاول تملأ المهم قعد يدوس سنه سنه سنه ويحاديها لقينا البنزين بيتكب علي الارض حاسبت ومشيت بعد 15متر وقفت وطلعت جركن بنزين4لتر من شنطه العربيه وفضيتهم في التانك لقيت العربيه أخدتهم وعاوزه تاني مش عارف أيه المشكله دي يا ريت اللي عنده فكره او كيفيه حل المشكله يكتب لنا الحل
علي فكره أي عامل في البنزينه لما أسأله علي عدم التفويل للأخر يعني التنانك يتفول بــ 48لتر
يقولي اصل اللانوس زورها ضيق وبتزور وتتخنق ايه ــــ الحل بالله عليكم ــــــ الرد والمشاركه والافاده

**mr_sese** · 14-07-2014 07:23 PM

48 لتر

**OmarAdel98** · 14-07-2014 07:47 PM

تانك اللانوس 48 لتر
بس الزور بتاع التانك ضيق اوي فلازم تصبر شوية على ال10 لتر الاخرانيين وانت بتفول

**moko_2004** · 14-07-2014 07:48 PM

تانك الللانوس 40 لتر و5 احتياطى يعنى 45 لتر
تانك النوبيرا 45 لتر و 10 احتياطى يعنى 55 لتر
و الليجنزا 50 لتر و 15 احتياطى يعنى 65 لتر
الللانوس ون تانكها اوسع من التو
و غلط تفول العربية للزور لان التانك محتاج فراغ يتبخر منة البنزين كغاز علشان التانك ما ينفجرش
ولو انت مصر تتخطى توصيات المصنع
هتغير الزور الخاص بالتانك لزور تفصيل واسع و ساعتها العربية هتاخد التفويلة من غير اي مشاكل
لو عاوز تانك حجمة اكبر ركب تانك النوبيرا او الليجنزا او تانك متعدل مساحة 100 لتر في حالة لو كنت ساكن في الصحرا و مش هتعرف تمون كل فترة