سؤال مهم للافاضل ملاك رينو فلوانس

**wael-mohamed** · 15-07-2014 12:05 AM

انا يا جماعة معايا فلوانس 2012 e3 والحمد لله العربية زي الفل بس في حاجتين ظهروا مؤخرا ارجوا الافادة من حضراتكم اذا كانت حصلت معاكوا قبل كده ولو حصلت حد عارف ايه السبب او الحل
١_ العربية في الايام الحر الي فاتت لاحظت انها لما بتقف في الشمس كتير بتغيب في الدوارة يعني لما تضغط على زرار التشغيل بيفضل المرش شغال فترة لحد ما العربية تدور.

٢_ في صيانة الخمسين قالولي تيل الفرامل عايز يتغير ورا وقدام وبعدين قلت هغيروا كمان 2000 كيلو بس دلوقتي بسمع صوت خبطة ورا في المطبات مع الفرامل.
ارجو الافادة ولكم جزيل الشكر

**hic** · 20-07-2014 11:49 AM

انا عندى نفس مشكلة الدوارة زى ما حضرتك بتقول بالظبط و كمان بتحصل معايا لما اكون عامل مشوار طويل و ابطل العربيه شويه حوالى 15 دقيقه تعمل نفس الموضوع ان المارش يدور بعد فتره و كانه معلق و انا كنت اشتكيت فى التوكيل و كان الرد عيب بطاريه مع ان البطاريه بتدور كويس الصبح من غير مشاكل فياريت حد يفدنا ممكن يكون العيب ايه مع انى مستبعد ان يكون فى حاجه فى المارش علشان لو هو كان المشكله كانت ح تظهر مع كل تدويره

**reymo** · 21-07-2014 11:03 AM

ياريت تشوفوو حل لمشكلة الدوارة دى لان عجز عن معرفة سببها وقربت ابيع العربية علشانها

**wael-mohamed** · 21-07-2014 09:17 PM

يا باشا المشكلة في طلمبة البنزين والمفروض تتغير في الضمان ولكن عند طلبي تغيير الطلمبة في الضمان رفضوا يغيروها وقالوا انهم غيروها قبل كده علشان مشكلة مؤشر البنزين.
انا مش عارف مشكلة المؤشر دي انه مبيقراش صح ظهرت مع حضراتكم قبل كده والا لا بس المشكلة دي كانت شائعة في موديل 2011 و 2012 وعلاجها كان تغيير الطلمبة.
وبالتالي لو حضرتك غيرتوالطلمبة قبل كده مش هيرضوا يغيروها وهيقولوا مفيش ضمان على الضمان اما لو حضرتك مغيرتهاش قبل كده والعربية في الضمان هتغيرها عادي.
انا عملت شكوى في التوكيل وهكلمهم بكرة واعرف الحل ايه وهبلغ حضراتكم لتعم الفائدة