الي خبراء الدايو:مشكلة حدثت

**waleedrahmy** · 17-10-2008 11:03 PM

الي خبراء الدايو:مشكلة حدثت

بعد تركيبي طقم العدادات الاستيراد ال فيها عداد الrbm للانوس2 الهاف اوبشن وكله كان شغال تمام طمعت و قلت أجرب أشغل لمبة الفوج لايت ال في تابلوه العدادت وأجعلها تضيء مع أضاءة الفوج لايت وخدت وصلة من مفتاح النور بتاع الفوج لايت الي لمبة التابلوه فلم تشتغل بل ال اللمبة ال أشتغلت لمبة الزيت ونورت نور ضعيف فرحت فاصل الوصلة فورا وقلت ربنا يستر وفعلا ال لم أحسبه حصل لمبة الزيت لم تعد تنور مع الكونتكت فقلت يمكن اتحرقت غيرت اللمبة بلمبة أخري سليمة فلم تعمل برضه؟؟ ركبت طقم العدادات الاصلي بتاع العربية فلم تعمل لمبة الزيت في التابلوه برضه؟؟ فحصت علبة الفيوزات ال في صالون العربية فلم أجد اي فيوز فاصل ؟؟؟ وفحصت علبة الفيوزات ال في الموتور برضك الفيوزات سليمة؟؟؟ فما تفسيرك لما حدث وما العمل لجعل لمبة الزيت تضئ مرة أخري في التابلوه؟؟؟؟؟؟ علما بأن جميع لمبات التابلوه الاخري تعمل ميه ميه مع فتح الكونكت( لمبة البطارية وال تشك انجين) الحقوني احسن فرحة تركيب العدادات حاتروح مني

**ahmedsrs** · 18-10-2008 01:04 AM

بسيطة ان شاء الله طيب انت بتقول ان الأصلى مش شغال كمان يبقى مفيش عطل فى العدادات وانت بتركب كان الكونتاك مفتوح لو مفتوح ممكن يكون فى شورت حصل فى الكونتاك عموما استنى راى الأستاذ/ محمد ممدوح

**waleedrahmy** · 18-10-2008 10:39 PM

بسيطة ان شاء الله طيب انت بتقول ان الأصلى مش شغال كمان يبقى مفيش عطل فى العدادات وانت بتركب كان الكونتاك مفتوح لو مفتوح ممكن يكون فى شورت حصل فى الكونتاك عموما استنى راى الأستاذ/ محمد ممدوح

ربنا يطمنك شكرا لك .......... وأنا في أنتظار رد باقي الخبراء

**ahmedsrs** · 20-10-2008 11:01 AM

حليت المشكلة ولا لسة

**waleedrahmy** · 21-10-2008 12:15 AM

حليت المشكلة ولا لسة

الحمد حليت المشكلة أنا كنت شاكك في ساعة الزيت لتكون باظت نتيجة للغلط في التوصيل فقلت أروح التوكيل بتاع دايو في طنطا(ابوشادي موتورز) وهو أقرب توكيل معتمد لدايو لي وفعلا وجود ساعة الزيت ال تالفة وغيروها بجديدة وخليتهم يبصوا بالسكنر علي العربية وكله بقي تمام الحمد لله