شحنت لك غلط رجعلى الرصيد

**طارق _عبد السلام** · 15-07-2014 06:25 PM

السلام عليكم

حتى فى رمضان لاحول ولاقوه الا بالله

لقيت نمره غريبه بتتصل على بيقول لو سمحت انا شحنت لك 25 جنيه بالغلط هتجيلك رساله بيهم اول ماتجيلك الرساله حولى الرصيد لانه جالك غلط طبعا انا مجرد ما خلص حسيت انها نصب فقلتله بس انا فاتوره لابيتشحن لى ولا بشحن قالى هتجيلك الرساله وهترجع لى الرصيد ضحكتك وشبه اتاكدت مجرد ماخلص المكالمه لقيت رساله جايه بتقول تم شحن رصيد 25 جنيه هههههههههههه الغبى باعتها من رقم موبيل ..طبعا لو الشحن بالتحويل بتجيلك الرساله باسم شركه الاتصالات التابع لها طبعا فاضل على الفطار حاجات بسيطه قلت لااااااااا امسك اعصابك بس مين فى الصيام بتطلب معايا زى ماتطلب
وبعدين لقيت البيه اتصل على طول لسه بقوله انا اعرف ان النصاب زكى لكن انت نصاب غبى ووصله الردح هتبدأ لقيته قفل السكه اتصل عليه مردش .....فخلوا بالكم بالله عليكم كل ما احكى لحد يقولى حصلت لصاحبى وكده الموضوع بقى منتشر
طبعا انا مش عايز اقولكم ان الرقم هو.........01206772610.... لانى مش عايز افتن عليه :) :)

**mahmoud_ali** · 15-07-2014 06:48 PM

بتحصل كتير فعلا والنصب بقا علنى يا ريس

**4fun14** · 15-07-2014 07:03 PM

هسجله بأسم nassab
وياريت الكل يعمل كدة عشان لو اتصل علي حد عمده truecaller. يديله اللي فيه النصيب

**S O P H O S** · 15-07-2014 07:12 PM

حتي فرمضان مش مدي اجازة

**eng.salama93** · 15-07-2014 07:18 PM

كنت ف التوفيقيه من كام يوم و كان في سواق قاعد ف عربية ملاكي نده عليا و بيقولي شوف و النبي الموضوع دا عشان مبعرفش اقرأ ولا اكتب و حول للراجل الرصيد
شفت الحكاية لقيتها نمره موبايل اللي باعته الرساله و سألت الراجل انتا رصيدك كان كام قبل ما يحولك قالي كان 7 جنيه و نص
قولتله و لحد دلوقتي 7 و نص دي نصبايه يا حج

**shiko85** · 15-07-2014 07:19 PM

وعليكم السلام ورحمة الله وبركاته
للأسف ناس كتير مش هتاخد بالها من موضوع الرساله
النصب كتير جدا و كل يوم فيه جديد و لأسف فيه ناس بتشغل دماغها كويس جدا فالفساد و الأذى بس الناس دى فاكره ان دى شطاره و ان الموضوع انتهى عند الفلوس اللى خدها و مش عارف ان الموضوع اكبر من كده بكتــــــــــير و انه هيقف يتحاسب على كل صغيره و كبيره و هيندم ندم شديد لما يلاقى ده بياخد من حسناته و ده من حسناته (لو له حسنات اصلا) لحد ما تخلص و بعد كده يتاخد من سيئات اللى ظلمهم لحد ما يدخل النار يتعذب فيها